سلام ياذخر الملوك السلاطين

هذه القصيدة للاعلامي الرائع والشاعر المبدع // رشيد الفريدي
وهي إهداء الى صاحب السموالامير الانسان
الشاعر/عبدالرحمن بن مساعد
زعيم نادي الزعيم مع فائق التحيه والتقدير

سلام ياذخر الملوك السلاطين=ياطيب السيره٠٠كريم الخصالي
ياشاعر الاحساس طلق الحجاجين=تبقى سليل المجد بأول وتالي
ياراعي الوقفات والمنطق الزين=ياثاقب النظره٠٠وثيق الحبالي
ياامير مقدارك على الراس والعين=ونجمك ياامير بكل الاحوال عالي
لوشفت مايجرح شعور الكريمين=لايضيق صدرك ياالرئيس الهلالي
صمتك كلام ٠٠وله مرام ومضامين=يبطون مافهموه بعض الرجالي
وحنا ياامير بوقت قلب الموازين=يصبح به الصعلوك صاحب معالي
عم الفساد ٠٠وسادوا اهل الملايين = واهل الحسد والنصب والاحتيالي
هذا زمان الفبركه والعناوين=والبهرجه والفلسفه والتعالي
وضع الصحافه عندنا بين قوسين=تجاوزت بالزيف حد الخيالي
اقلامهم صارت سيوف وسكاكين=واقوالهم مع الاسف ماتقالي
وتحت الرياضه عندنا حط خطين=ماعاد للأخلاق فيها مجالي
بين التعصب وإنعدام القوانين=وجمهور صيحات الأذى والهبالي
شف منتخبنا صار نصفه مصابين=وصارت ملاعبنا ملاحم قتالي
يمكن يصير بيوم كله معاقين=والاحتياط يقيم حفل اعتزالي
يحمل شعار العز نخله وسيفين=لكن يحقق شي ياهملالي
ونرجع لدوامة سبب ضعفنا وين=ويشرح لنا (عبدالمجيد الشتالي)
اشوف مايفطر كبود البعارين=وهذا مجرد راي شاعر هلالي

رشيد محمد الفريدي
٩ /٥/١٤٣٠

صح السان الشاعر رشيد محمد الفريدي
وشكرك اخوي منصور الوسوس
شف منتخبنا صار نصفه مصابين
.....................وصارت ملاعبنـا ملاحـم قتالـي
صدق والله اكبر دليل اصابة احمد الفريدي

صح لسان الشاعر القدير \رشيد


وشكرا منصور على هذا النقل


الرائع

صح لسان الشاعر رشيد الفريدي

واشكرك ابو محمد على النقل

ولك تحياتي