قل للعذارى يلبسن العمايم

إذا المراجـل لبسـة شمـاغ وعقـال


قـل للعـذارى يلبـسـنّ العمـايـم


ما عاد يفـرق زول حرمـه ورجـال


دام الفعايـل تشبـه البعـض دايــم


المرجلـه مـا هيـب كلمـه وتنقـال


وتروح ما راحـت هبـوب النسايـم


وإلا خشونة صوت أو رفـع الأثقـال


أو رزة صـدور وفـعـل الـزلايـم


ولا هي بعد مفتـاح موتـر وجـوال


وإلا ردى لسـان نحديـثـه شتـايـم


المرجله شيمـه عـن القيـل والقـال


رفيع نفـس (ن)حـر بالجـو حايـم


المرجلـه عقـلٍ وزن وزنـه جبـال


ودونالعقـل وش فرقـنـا والبهـايـم


يا مسنـدي لـو مايـل الوقـت بـي


يا ولـد أبـوي يـا عظيـم العزايـم


يا معرب الجديـن مـن العـم والـخ


يا نخـوة المفـزوع وقـت الهزايـم


المرجله يا خـوي هـي طولةالبـال


هي العـزم هـي الصبـر فالظلايـم


فيهـا الكـرم عــزه دله وفنـجـال


فيها الكرامه عن ردى الطبـع شايـم


والديـن لامنهخـذا القلـب مـنـزال


مشى طريـق الحـق وابليـس نايـم


ومن لا عرف ربه فـي طيـب الحـال


لابـد وقـت الضيـق بالهـم هايـم


حتى صلاتكمـع جماعـات ورجـال


في خيرها يـا خـوي نعـم الغنايـم


ولامن نصفليلـك قـم صفـي البـال


يا عظم أجـرك بيـن ساجـد وقايـم


ولا منرفع ربـي لـه كـل الأعمـال


حسن الذكـر لا قالـو فـلان صايـم


وخلك شريف القصد يا طيـب الفـال


ســوء المقـاصـد فالبيوت الهـدايـم


واحذر تبيع النفس فـي درب الأنـذال


وتتبـع خـوي إبليـس راع النمايـم


النفـس خيـل لـك إذا كنـت خيّـال


ومن لاقـوى نفسـه قوتـه الهزايـم


ولا صرت ما تدري لو يش أنت رجال


والله خسـارة فيـك ذبـح التمـايـم


والله نقلت القصيده لاني شفت رجال ولا هم رجال.

صح لسان الشاعر

مشكور على النقل