مساجلة بيني وبين برده القحطاني

السلام عليكم ورحمة الله وبركاته................

هذه الابيات ارسلها لي عبدالله عايض بن رده الفهري القحطاني
وهو احد زملاْ العمل وفيها يلومني على عدم المشاركه
في مسابقة شاعر المليون في موسمها الاول
وانها فرصه للشاعر المتمكن على حد قوله
ومن طبيعة عملنا وهو صيانة طايرات ال ف15
والفك والتركيب في القطع يقول فيها وعسى ان تنال اعجابكم

بن هلال مابين شده و فكه=راحت حياة الناس صاحي ومجنون
احداٍ فتح باب الرجاء واحد صكه=وحداٍ يبوس ايد الليالي وممنون
واحداٍ يقبل قبلته يم مكه=ويطوف مع ناسٍ عليها يطوفون
واحدٍ على باب الندم فل صكه=ويلعن زمانه والزمن قال ملعون
ويصير بافواه المخاليق علكه=اللي على اعراض النشاما يغيرون
نواف لامن شفت هاذا فذكه=دندون مرسل هالرساله لدندون
قلت,,,,,,,
يامرحبا باللي ليا قيل زكه=قلت النقاء....والا الهلايم يولون
حرام حرم الدم مافيه شكه=عندي انا ماهيب قولت يقولون
كلن يبين معدنه من محكه=لاقاموا الصحاب المعادن يحكون
دك القصيد ومر فكري ودكه=وقام يخطرى كل صاحي ومجنون
له نك نيم ولا خفى القلب نكه=ومن راس دندونٍ الى راس دندون
قلنا وباء شعري ولا منه فكه=واثره يلعب بالمشاعر وطاعون
اوجهه مع كل سكه وسكه=وركايبه ركِابهن مايقيمون
وحبل الرجاء من يمسكه مايفكه=واهل الاماني بالصبيخا يحفرون
لاقط راعي عشرة التك تكه=ثم جوك راعين الدراهم يقشون
واصغر عدد بين العدد كنها اكه=واقفى الورق بيدين ناسٍ يحسبون
من لا خذا له من عنا الوقت صكه=تقدر تقول انه عمى قلب وعيون
ومن صار مصدر رزق نفسه يعكه=ماكل حاجه تنقضي بالتلفون
ودام العرب فيهم على الحكي حكه=اسحب على هروج المساكين سيفون
واللي يفك الباب واللي يصكه=واللي يدور للمفاتيح كيلون