قصيدة الام في برنامج 99

قصيدة الام في برنامج 99
وبرغم هذا كله يظل لسان حال قلب الام وكل من هن مثلها من الامهات اللواتي ذقن من ابنائهن عقوقا وجحودا ونكرانا لا يردد سوى هذه الكلمات

يوم أنشدوني عن دموعي وأنا أمك = جاوبتهم وأبعدتــــــهم عن طواريــــك
ما بغى أجرحك بكلمه تزيد همك = وما بغى أقول أن السبب من تجافيك
يومٍ لمست الصدر في يوم ضمك = نســـيت أنا اللي حولي وقمــت أبكيك
مدري أنت عايش وارتجي لمس جسمك= أو ميــت وقول يرحمك والـــــــــــيك
يا ما سهرت وزاد غمي لغمــــك = مارتاح ليمن تهتني في لياليــــــــــك
ويا ما إذا طولت نومك أشمــــــك = واتأكد انـــــــــــــك عايش لي ورجيك
ويا ما ازعلوا مني خوالك وعمك = ويا ما هجرت اقرب قريب ضحك فيـك
ويا ما ذرف دمعي الى سال دمك = بـــــــــــــراءة الأطفال ماهي بتنهيك
ويا ما انتظرتك عند بابي وأنا أمك = وأقول في يوم تجيني وأحييــــــــــــك
أخـــــاف يوم يجيني يغمــــــــــك = ويجيك علمـــــــــي مع عزيز يعزيـك
أنا على الله داخله ثم لمـــــــــك = ارحـــــــــــــم قليب تالي الليل يشكيك
فكر بمنهي صابها الضيم وظلمك = واذكر حشاً ضـمك وعسر المساليــك
ودي أشوفك قبل يومي ويومــك = لــو مرة بالعام الله يخــــــــــــــــليك
مابيك تقطعني اذا امري يهـــمك = بقعد معك اضحك واسولــف وحاكيك
يا وليدي اذكر كلمة قال فمــــــك = لا قلـت كلمة يــــــــوه قلبي يلبيــــك
واذكر زمان به فراشي بجنبك = ولا شكيت تقول يمـــــــــــه واسليك
ولا شتد مابك فوق كتفي ازمك = ما رتاح ليـــــــــــــــــــن ربي يعافيك
والختم لا جتك الرسالة وانا امك = يمه تجي ولا انا ازحـــــــــــــف واجيك


ورغم ان بعض البيوت مكسورة الا انها تبقى قصيدة مؤثرة