ҳ̸Ҳ̸ҳҳ̸Ҳ̸ҳ حـان الـوداع ولابقـى للعتـب دور ҳ̸Ҳ̸ҳҳ̸Ҳ̸ҳ

هذه قصيدة للمبدع وصاحب الكلمة الجزلة الشاعر / رشيد الفريدي

حـان الـوداع ولابقـى للعتـب دور = الله لنـا وفجـوج ربــك وسـاعـي
دام الزمالة ماهـي احسـاس وشعـور = ماللزمالـة بـعـد هالـيـوم داعــي
قلبي علـى المقفيـن ماهـو بمقهـور = مـن بـاع للعشـرة مصيـره يباعـي
لا تعتـذر مـادام صاحبـك مسـرور = اللـي علـى شانـه بذلـت المساعـي
يبقى رفيقـك وانـت بالفعـل معـذور = يمشي على ماقلـت وامـرك مطاعـي
دامـه علـى ماقيـل منهـي ومامـور = بدري على شـرواك لويـت ذراعـي
فنجالك اللي سقت مـن يـدك منثـور = لاصـار منتـه للزمـالـه مـراعـي
من يخـدم الانـذال ماهـو بمشكـور = ومن يزرع الصبخا جـداه الضياعـي
تـوّي لقيـت لعلّـه النـذل دكـتـور = البعد عـن شوفـه يزيـل الصداعـي
مافيـه داعـي ينفضـح كـل مستـور = عيني تشوف الـدرب والقلـب واعـي
نـور الحقيقـة بـان والعلـم مخبـور = شفت السبـاع وشفـت روس الأفاعـي
ما كنت اصدق فيـك ياضايـع الشـور = دايـم وانـا دونـك مكثّـف دفـاعـي
افلح ... قبل يضربك رمحي على الزور = والحـق خويـك ياحليـب المـراعـي
عين بكت فرقـاك تحـرم مـن النـور = لاتنتظـر بعـد الـوداع اجتمـاعـي

المشاركة الأصلية كتبت بواسطة ابن منيديل

هذه قصيدة للمبدع وصاحب الكلمة الجزلة الشاعر / رشيد الفريدي

افلح ... قبل يضربك رمحي على الزور = والحـق خويـك ياحليـب المـراعـي

صح السانه


لاهنت على الاختيار وسلمت يمناك

مشكور على النقل

بقايا انسان

الله لايهينك وشكرا الف شكر على مرورك الجميل


مرسمي الصغير


العفو عزيزي ومرورك عطر موضوعي

يعطيك العافيه

ابن منيديل على الاختيار من روائع المبدع رشيد الفريدي

وصح لسانه

فنجالك اللي سقت مـن يـدك منثـورلاصـار منتـه للزمالـه مـراعـي

اسعدتنا يبن منيديل قصيدة رائعة لشاعر مبدع

مشكور الله يبارك فيك

عين بكت فرقاك تحـرم مـن النـور************لاتنتظـر بعـد الـوداع اجتمـاعـي

رائعة وأبيات مليانة شاعر مبدع

نقل موفق أخي

ابن
منيديل

مشكور
على

النقل


وصح لسان الشاعر

ابو محمد

ماذا أقول الشاعر أبو عبدالاله

والناقل أبو تركي

مالي إلا أستمتع وأشكركم على هالإمتاع

دامـه علـى ماقيـل منهـي ومامـور...................بدري على شـرواك لويـت ذراعـي
ابن منيديل .... شكرا على حسن الأختيار والنقل الجميل
ورشيدالفريدي,,,,,, شاعر مبدع دائما