17-05-07, 03:23 PM
|
المشاركة رقم: 1 |
| المعلومات | | الكاتب: | | | اللقب: |
رئيس مجلس الإدارة
| | الرتبة: | | | الصورة الرمزية | | | | البيانات | | التسجيل: | Apr 2007 | | العضوية: | 144 | | الجنس: | ذكر | | المواضيع: | 1120 | | الردود: | 8348 | | جميع المشاركات: | 9,468 [+] | | بمعدل : | 1.47 يوميا | | تلقى » 15 اعجاب | | اخر زياره : | [+] | | معدل التقييم: | | | نقاط التقييم: | 1942 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  إنحدار نجم
[align=center]تشرفت خلال هذا الأسبوع بزيارة كريمة لأحد رجال الفردة البارزين
وشعرائهم المبدعين وهو الأخ الكريم
النقيب / خلف بن محمد بن عتاق الفريد
والذي جعل بيته ديوانية أدب لاتمل من الجلوس فيها كيف لا وهو
صاحب الدار وابناءه الكرام وقد استمعنا لقصائده اللتي تحلو لي
وتروق بصوته العذب وأسلوبه الجميل في الإلقاء وقد أهدى إلي
مجموعة من قصائده اعتبرها من اغلى الهدايا
وهي هديه موصولة لكم أحبتي في مجالس الفرده
وسوف أقوم بإنزالها كلما أتيحت فرصة وفي البداية رأيت أن
تكون قصيده مرثية في رجل تملك حبه شغاف قلوبنا وكان
رحيله مؤثراً فينا جميعاً وخصوصاً من كان قريباً منه وهو
الشيخ / فالح بن صلبي رحمه الله تعالى .
يقول أبو عبدالعزيز حفظه الله
هذه كلمات وفاء لرجل فقدناه في وقت كنا في أمس الحاجة
إليه بعد الله رحل تاركا فينا فراغا كبيرا يصعب ملئه ، ولكن عزاءنا
انه ترك لنا أرثاً ضخما من الأمجاد والسيرة العطرة فقد كان علما
بارزا وصرحا شامخا في جميع سجايا الطيب والرجولة كان شهما
كريما سمحا ذا دين وأخلاق رجل نخوه وفزعه ذا هيبة ووقار خدم
دينه ثم مليكه ووطنه طيلة أربعين عاما ضابطا في الجيش السعودي
دخل نظيفا وخرج نظيفا ثم كلن عضوا في مجلس منطقة القصيم حتى
قبل وفاته بسنوات كان مجلسه مجلس رجولة وشرف وكرم حتى حاز
على إعجاب القاصي والداني وقد انتقل إلى رحمة الله تعالى إن شاء الله
في يوم الثلاثاء الموافق 22/صفر /1428هـ راضيا مرضيا عنه بإذن الله تعالى ،
وهذه كلمات هي بعض من الوفاء لهذا الفقيد الكبير الوالد
الشيخ / فالح بن صلبي الفريدي الحربي رحمه الله تعالى .
طبع الليال السود مافيه حيله=تزورنا لو مانبي له زياره
الروح بالروعات دايم عليله=وبالكبد من لوعات بقعاء حراره
لاوالله اللي مال ركن القبيله=راح الكريم اللي غيابه خساره
بعض الخساير حملها صعب شيله=وحنا خسارتنا خلطها مراره
مع قسوة غيابه فجانا رحيله=ياسرع نجمٍ لاح ثم انحداره
راح الجديد اللي طبوعه جميله=طيب وكرم واخلاق وايضا وقاره
فالح وفالح صعب نلقى بديله=النادر اللي همته مستشاره
ومهمتك يامقلده مستحيله=وياماشيٍ ممشاه خذها استداره
من شبّته درب الرجوله سبيله=ماغيّر أسلوبه ولا أخطى مساره
يامتعبٍ في كسب الأمجاد جيله=يومنها توخذ بعزم وجساره
ياعون من مسه من الوقت ميله=اليا نصاه اللي ظروفه دماره
العذر ماسجل بدفتر دليله=لبّيه هي عنده تمام العباره
ريف الضيوف اللي وفودٍ تجي له=من دون موعد فاتحٍ باب داره
الدار كنه قصر الأفراح ليله=وكنه بوقت الظهر موقف وزاره
أعطيتكم موجز لسيره طويله=سيرة عزيز ٍكان مثل المناره
ولو اختفى ذكراه تبقى جليله=من يزرع المعروف يجني ثماره
ويالله ياللي مايخيّب دخيله=ياسامعٍ ذا النون عند اضطراره
يارافعٍ عيسى ومنقذ خليله=وياللي شفيت أيوب عقب احتضاره
تغفر ذنوب اللي حموله ثقيله=اليوم بين يديك يامستجاره
وكن الرفيق برحلةٍ له طويله=جوف اللحود اللي هيالٍ جداره
وثبّت جوابه يوم يطلب حصيله=واكفه عذاب القبر برده وناره
وصلاة ربي عد وبل المخيله=على النبي اللي بطيبه مزاره
التعديل الأخير تم بواسطة منصور الوسوس ; 17-05-07 الساعة 03:25 PM |
| |
العرض العادي
