تهيض المكنون وفصح بمنطوق = مما لجا بالقلب وزريت اطيقــه
حاولت كتمانه وانامنه محــروق = وعجزت اقاوم قام يكبر حريقه
هموم تجي مع كل مدخل وطاروق =لياغاب عني هم داوم رفيــقه
من الشرق ومن الغرب من تحت من فوق =منها اهموم اجداد واخرى عتيقه
عالجتها في منتهى اللطف والذوق = وقامت تزايد مع مرور الدقيقــقه
وكني بغبات البحر فوق دانوق = متعطل وسط البحور العميقــــقه
بملاطم الامواج كنه بصنــدوق = موج يشيله فوق واخر يعيــــــقه
ورغم الهموم اللي عليه تقل طوق =متمسك بعرى الاله الوثيقــــه
وأرجي رجا المظلوم ويهزني شوق =عندي أمل بالله المــح بــريقه
وانا على مسات الايام مسبوق = لاشك مايمكن تضيع الحقيقه
ياللي تجي سلطان لامسه العوق=قل مرسل المرسول يشرق بريقه
قلبه يابو بندر من الهم مطروق = هم وقف قدمه وسكر طريقه
مقيد الرجلين لـــوقلبه يتـــوق = وانته حبيبه والده يا صــديقــه
وعليه لك واجب وماجوب وحقوق=متأصلات بالاصول العريقــــــــــه
حقوق كتبها الله على كل مخلوق=على الولد بين الشقيق وشقيقه
ولاهي جديده علمها علم ماثوق=ماروثة غبرالقــرون السحيــقــه
واعلم ترى نومي عدوله الموق=وافكار قلبي في همومه غريقه
ـــــــــــــــــــــــــ ــــــــــــــــــــــــ
ارسلت الى سلطان بن نغيمش رحمه الله لسبب زال والحمد لله
عزالله اسنتدها على ولد !!! آآآآآآآآآآآآآآآآآآآآآآآآآ آآآآآآآآآآه
وين يابو خالد رجعتنا ورا واحييت الذكريات الدفينه ؟؟؟
ابو بندر ؟؟ سلطان بن نغيمش ؟؟ رحمه الله
رجعتني للمدينه وايام العز وايام ذكريات راع الوفاء والكرم ابو بندر
الله يغفر له ويرحمه كان نعم الرفيق رجل جمع مكارم الاخلاق كلها ، كان امة في رجل ...
وصح لسانك وعلا شانك ولا اعاد الله الاحزان ولا مسبباتها
اشكرك من الاعماق لاهنت ياعزوتي
............
هم يتتابع 
العرض العادي
