في ربوع الهميج ......

بسم الله الرحمن الرحيم

ايها الاحبه

كما تعلمون قبل اسابيع اقام والدنا الشيخ / زيد بن محمد بن حماد امير الهميج حفل تكريم للشيخ /
سلطان بن سعيّد بن مريزيق الحيسوني بمناسبة تعيينه شيخا لقبيلة الحسنان من بني السفر من
مسروح من حرب ، وقد كان حفلا رائعا في كل شي ولله الحمد ،حضره شيوخ قبائل ومسؤولين
واعيان وجمع من المحبين من كل المناطق ، وكان من ضمن الحضور الشيخ/ مرزوق الفهادي اليامي
محافظ المهد ومحافظ الحناكيه سابقا ، وهذا الرجل المخضرم كان له افضال ومعاريف على اهل
المحافظه قبل نقله وله حبّ كبير في قلوب الجميع ، وعند تشريفه لحفلنا قابلته بهذه الكلمات
نيابة عن ابو محمد والحضور ....

اسمحوا لي كلمتينٍ في البدايه=باسمكم وموجهاتٍ لبو نايف
مرحبا وقلوبنا مثل المرايه=عاكساتٍ للمودّه وانت شايف
الوفاء طبعك ولك منهج وغايه=وصيرميٍّ في المواقف ما يسايف
انت منا وانت فينا والنهايه=القلوب الطيّبه دايم ولايف

وهذه مشاركتي في الحفل ::

بسم الذي ترجيه كل المخاليق=جزل العطا يوم الوهايب شفاقه
منه استمد العون في حزة الضيق=ويزيدني عزم وثبات وطلاقه
والشعر روضٍ فيه كل الزماليق=وانا قطفت من اجمل الشعر باقه
لاطالبٍ شهره ولا اريد تسويق=ولا موصّفٍ جيبٍ ولا زَين ناقه
ولا احمّل بيوت الشعر فوق ماتطيق=ولا اتجاوز فيه حد اللياقه
شعري مصخر للرماح الزواريق=روس الرجال اهل الكرم والنزاقه
الصدق مايحتاج لمسة مساحيق=والمدح بالغالين حلوٍ مذاقه
ويامرحبا ياهل الوجيه المطاليق=في دار ابن حماد رمزالعراقه
شيخٍ بطيبه طوّق الكل تطويق=زيد المحبه والوفا والصداقه
راعي بغاديدٍ سوات الغرانيق=وريف الصيان اللي كبارٍ حلاقه
يقرط بهن حيلٍ وحشوٍ مدانيق=بمقلط مافيه صغر وضواقه
والتهنيه مني لحرّ الشواهيق=اللي يسر العين عند انطلاقه
سلطان سلطان السعد والتوافيق=العقل راجح والتعامل لباقه
شبلٍ ورث تركة سعيّد مريزيق=شيخه وطيْب وليّنٍ للرفاقه
وياربعنا الحسنان مافيه تعليق=الا انكم رمز الفخر وانبثاقه
كان انكم على الجماعه مشافيق=تقودنا لكم السلوك الدقاقه
ويشدنا حبٍّ بجوف الصناديق=مع عزوةٍ في روابط علاقه
بني السفر جدٍّ وعدٍّ وتوثيق=ابن الخيار وكلنا لحم ساقه
ماهي علوم ملفق الهرج تلفيق=على الحجاوي يستند والحماقه
يقولها اللي عارفٍ بالمعاميق=ولا يهمنا لو مال قطّاع ساقه
واليا اجتمعنا حرب مافيه تفريق=الدهن من عود البخور اشتقاقه
اهل الولا والدين واهل المواثيق=والجود نبعٍ عاشقينه عشاقه
وصفحاتنا بيضٍ ليا صار تبريق=وحب الوطن مسكٍ عليها اندفاقه
كل ما اعتلى حرٍّ على قمة طويق=يلقا الوفا ماهي عهودٍ رقاقه
والله يعز محقق الامن تحقيق=ويحرق قلوب اللي يبون احتراقه
اللي مواقعهم ظلام السراديق=ومنهاجهم دربٍ كثيرٍ زلاقه
وصلوا عدد ما لاح نور المشاريق=وعداد دورات القمر في نطاقه
على حبيبٍ سيرته دوم تشويق=من نفتخر في منهجه واعتناقه

......

وسلامتكم

خلف الفريد صح السانك وعلى شانك ياشعرنا المبدع قصيده جزله

كفيت وفيت بارك الله فيك

صح لسانك ..مشكور

ابا عبدالعزيز شاركت في موقف فابدعت في مواقف

الشاعر الكبير دايم يزيد بالابداع
اما انت فقد تعديت الحدود في ابداعك الجميل

صح لسانك مليون مليون مليون مره

ابو الوفا ,,,, ابو عبد العزيز الفريد

صح لسانك

رافع راسنا اينما تحل

ربي يسلمك للقبيلة

صح لسانك أبو عبدالعزيز قصيدة جزلة في من يستحقون


تقبل مروري

أبو عبد العزيز

صح لسانك

وبيض الله وجهك

دائما متواجد في حفل ربعك وهذا اكبر دليل على وفائك


كما سماك ابو راكان (( ابو الوفاء)) وتستاهل

وبيض الله وجه الشيخ زيد بن حماد على ماقام به

اما القصيدة فمع الأسف الشديد لم أجد بيت لأقتطفه !!!!

حاولت وكررت القراءة مرات عديده ولم أجد !!! لجمال القصيدة والسبك الأصيل

صح لسانك وبيض الله وجهك ابو عبدالعزيز

قصيدة رائعة من شاعر رائع

وكذلك لانسى ان ندعوا لابنك ( فهد ) بالشفاء العاجل

ونتمنى له نجاح العملية

ولك تحياتي

ابو عبدالعزيز صح السانك شاعر الموقف لله درك

سجل اعجابي وتقبل تحياتي

اخوك على الجضعان ويسلم عليك صالح الوسوس

الغالي ابن مطيع

صح بدنك واشكرك على ثقتك باخيك لاعدمتك
تقبل تحياتي وافتخاري بك
.........