رد على متذمر

]ارسل لي / عبدالله بن هليل بن شماس الجميلي قصيدة اعتذر عن عرضها لوجود
بعض مايمنع العرض فرديت عليه بما يلي[ــــــــــــــــــ

اهلا هلا عد الخضر والهشيمي =وعداد وديان الجبال وشعبها
ببيات شعر من رفيق حميمي = يدرس خوافي كلمته ويحسبها
منطق مهذب في صياغة سليمي= تحمل مواضيع قليل صخبها
عبدالله هليل هميم محيمي = على العلوم الطيبات بادبها
ولاقال لي هذي علامة خصيمي= اخفى جميع اهدافه اللي نصبها
وانا مفاهيمي وسيني وجيمي =كل العقول المدركات تغلبها
لكن حسب عرفي وحكم الحكيمي=نبي ندورجزلها مع جلبها
لعلها تمشي بدرب قويمي=وتبر القلوب الغاضبه من غضبها
يا بوهليل من بشبل القديمي=يشيلها للواجبات وطلبها
افتيك باشيا مانت فيها اعليمي=والمايله عارفك ما ترتكبها
تدريب حربي مع سياسة قصيمي=من لابة تعرف مواقع لهبها
اهل الشجاعه راجمين الرجيمي = اللي نهار الكون تدفن اركبها
صاحبك بن عمك لوانه وخيمي = لازم عيونك عن خطاه تعصبها
الاليا جت ضربة في الصميمي=وعليك طاولة الاواعي قلبها
عليك بالحكمه ورافة رحيمي=والنار لاترمي عليها حطبها
يفنى الرجل لكن فعله مقيمي = والطيبه كل يريد يخطبها
والوقت فيه وفيه عدل وعقيمي=حتى العجوز اليوم تفتل شنبها
كد قال بالمعنى صياف السحيمي=ترى احبال اليوم يقرص ذنبها
ومرزوق مبشر قال قول الفهيمي=بعض الحبال احيان يخشى عطبها
ومن نايف الجربوع ومن الطهيمي=سمعتها والمعتدل ماعقبها
وليا اختلط حب الحدج واللقيمي=اما اقبل الموجود والااجتنبها
وان صار جو الوقت حر يضيمي=تلقا البراد وصافي الجو بابها
ياطيب خلفك حّر هميمي = الصاريه من شمها ما شربها
الطيبه تمسح دموع اليتيمي=والخايبه نقص على من قربها
ومثلك ان شاف المبرمه والبريمي=العقل ليمها بصمت وقصبها

صح السان ابو خالد ولاعدمناك شاعر المفرده الصعبه

وانا أسميك شاعر ( الجيلين ) قصيده جزله والمعنى في بطن الشاعر

ابو خالد ودي تفسر هذا البيت اذا مافيه أحراج ولو على الخاص



ومن نايف الجربوع ومن الطهيمي --سمعتهـا والمعتـدل ماعقبـهـا

صح لسانك علي زيد وقصيدة جزلة راعي الجزلات

صح لسانك ...مشكور

صح لسانك


قصيدة جزله من شاعر جزل

ويعطيك العافيه

وليا اختلط حب الحدج واللقيمـي=اما اقبـل الموجـود والااجتنبهـا
وان صار جو الوقت حرٍ يضيمـي=تلقا البراد وصافي الجـو بابهـا
ياطيـّبٍ خلّفـك حّـر هميـمـي=الصاريه من شمها مـا شربهـا
الطيبه تمسـح دمـوع اليتيمـي=والخايبه نقص على مـن قربهـا
ومثلك ان شاف المبرمه والبريمي=العقل ليّمهـا بصمـت وقصبهـا

صح لسانك وسلمت يمينك يابو خالد
ابداع وتمكن ودرايه
رد في غاية الادب والاخلاق ومعان ترقى الى درجة النصح والارشاد
اشكرك على هذا السمو شعرا وجوابا واخلاقا
لاعدمتك