ديوان سبيل بن سند الحربي.

08-05-09, 06:02 PM

بسم الله الرحمن الرحيم

الشاعر : سبيل بن سند بن سبيل المزيني الحربي
من قبيلة الحصنان من مزينة من بني سالم من حرب 0
ولد سنة [[ 1356 هـ ]] في ضواحي مدينة محافظة الرس بمنطقة القصيم 0وقد إلتحق في سن ٍ مبكرة من العمر في اللواء السادس بالحرس الوطني في مدينة الرياض وكان أمير الفوج // ســلا ّف بن مفضــّـي البهَـيْمـَة وذلك في حدود سنة ( 1374 ) هـ وعندما إنتقل اللواء السادس إلى منطقة جيزان إستقال من الخدمة 0

_______________

القصيده الاولي

ياصاحبي بعض الهدايا رزايا
نقص ٍ علي اللي ينتظرها واهلها

مثل المصير اللي جميع الحوايا
تسوق فيه من الذبيحه وسلها

مافيه خير ولا يعشي قوايا
من ذاق لقمه قافيتها تفلها

والهرج مايملا اليدين الخلايا
اليا زاد غيم فالكبود ودبلها

لين انها تاصل حدود القصايا
مع دمها ومجراه يجري زعلها

مار الكلام اللي يكف الحكايا
من ضامري غش السوالف غسلها

قل لليدين اللي عليها كوايا
ارزاق خلق الله ترى الله كفلها

اللي مخازن باب جوده ملايا
لاتحسبون انه عليكم تكلها

الا انها تخفى عليه الخفايا
ليا من عقال السوالف عقلها

اللي ورث حاتم بزين السجايا
اليا تراكا .. والشوارب فتلها

حضر لك الغايب وسوى سوايا
مع كل مجدال ٍ ذلوله جدلها

وان طال عمره ناوي ٍ له نوايا
يبا يشارك بالنفوس وبجلها

ويبا يعمر للحفاه العرايا
بيوت مابجدودهم من نزلها

بالهرج .. والا اليا تركنا الحكايا
تقاطعت ذيك السوالف اعللها

غيم سماه .. ونشفن الشفايا
وارضه عن اللي قال شربت بللها

_______________

القصيده الثانيه

هذا الزمان اللي كثيره بلاويه
اللي به المعروف يطلع جريمـه

ليا زارك اللي زاوي الوقت زاويـــه
عليه من غبر الليالي وسيمــه

ياصلك في بيتك يبوسٍٍ لواحيـه
الين عظامه من نقيض الجميمـه

يبيك تقضي لزومٍ موازيــــــه
موقف عليه اللي يتل الشكيمـه

وطلبت عون اللي نخافه ونرجيه
رحمن رجوى مد غيره هزيمــــه

وفضيت جيبك ماليٍ له مخابيــه
شيمة عرب . مانته مدور غنيمه

علي اللزوم اللي يخصك مبديه
فل الحجاج . وذب ذيك الخريمه

واليا خذيت سنين وانته تراجيه
ماجاك جيته والجوارح سليمــه

عنيت يمه مستحي حاسبٍ فيــــه
لكن ماعند اسود الوجه شيمــه

اليا سمعك بطيب اسمه تناديـه
جابهك بالعليا ورمحه وريمــه

كنك تبي تبلاه والله معافيــه
لكن ماتمشي عليه الظليمــــه

يصيح ويحط الشواهد بذانيـــه
والله ذكر في سيرةٍ مستقيمــه

من زل حرف من الشريعه مخليـه
علي هذاك الحرف عض النديمــه

تاره يقول ان الخطا صاب راميه
وتاره تقول الطيب باس وعزيمه

وجه الندا مايقدر العذر راعيه
واردها لاهل العقول الفهيمــه

اللي يعرفون الندا كيف ناديه
ويقدرون لطقة الباب قيمــــه

اقولها من هاجسٍ مانيب كاميه
صبرت لين انه طرحني هشيمــه

عمري يردن الثلاثين ماضيـــه
شاركت ابو تسعين قومه وسيمه

_____________
القصيده الثالثه

ياناس عيب مشارك البيض في الراي
عيب علي اللي يستحون وغليبــــه

لاجا ولد عمي شفاتي ومـــــذراي
زبني حجاي . اليا تخيلت ريبـــه

يبي جنابي ويتعلق بيمنــــــاي
قلت انفهق والراي راي الحبيبـه

ثم انصفق دمه علي جال مركـــاي
اليا نابته ذات الشهاب المشيبه

لا تلتفت يم الفحل لد لي جـــاي
هذا فحل ماله علينا غصيبــــه

اليا قضي من منهلي طق مغشــاي
واليا زعلت اخذ عليه الرطيبــه

ياغمر لا شفي ولا انته بمفـــلاي
وعليك راداتي بعيد وصعيبـــــه

انا هوايه مايبـــرق بعوجــاي
امشي عليه قطوع واذهب ذهيبــه

مثل ابن عمك يتفهق عند علباي
واعطيه في جمـع يقض التريبــه

مايمشي الا في هوايه وبرضــاي
وانا عليه اكبر.لك الله مصيبه

واقفا هزيمٍ رادته بس الاقفـاي
مكسوف مايقدطريق النجيبـــــه

سودا سوداً مايحاول بجـــــلاي
لامات يشمع فوق راس النصيبـــه

من شان يعرف منزله بعد الاوفاي
يهجر ويحقرفي طويل المغيبـــه

اللي عسي ماله علي الدار نعاي
مقلاع سنٍ طاح من حنك شيبـــــه
ـــــــــــــــــــــــــ ــــــــــــ
القصيده الرابعه

ياأمير يا شين الخطأ منـك شينـاه
ياخوفتي عقلك هك اليـوم غايـب

يوم ٍ مثلك تزعل النـاس عوجـاه
رجّال عرف ومن حموله وشايـب

لاجا هل ٍ غي الجهل فيـه وأغـواه
ولا مسرد ٍ من كل الأطراف خايـب

أنته تقـول القيـل وتجيـد معنـاه
شالك هوى نفسك على غير صايب

لا كان حنّا مـن تحـدى إنتحـداه
من دون واجبنا نجيـد الصوايـب

ياشايب ٍ غي الجهل تـوّ مـا جـاه
يبى يعيب النـاس والعـود عايـب

يا ضريغط اللي شال همـن بدنيـاه
ياذيب بيـن معكرشـات الذوايـب

إن كان عنـدك للفعايـل إمجـازاه
حرب ٍ عمامك يوم مـسّ الجنايـب

غصب ٍ عليك وصامل العلم تلقـاه
ان طاب لك وإلا على غير طايـب

أبـوك معطينـا الأخـاوه بيمنـاه
لولا الأخـاوه راح مالـه نهايـب

يا من سواليفـه توسّـخ شفايـاه
ذيب العلوم ولا ذكر لـك حرايـب

طوبى مقرّ اللي ولى الحكم وأرساه
يامآ رسى واليوم حـدر النصايـب

ورّث حبيب الشعب عقبـه تـولاه
فيصل على كبد العدو سـمٍ ذايـب

بظلال أخو نوره مشى الذيب والشاه
خلّى الغنم والذيب تمشي صحايـب

وخلاّك يالنمرود تمشـي بحسنـاه
وتحط بالشعب السعودي عصايـب

والله يلو يدري عن العلم وأقصـاه
مالك شفاعه لـو تشفّعـت تايـب

مغترّ فيك الله على الخيـر يقـداه
وش عرّفه لك عند مطلق حلايـب

ماشاف نزل ٍ لـك يـدق الخونـداه
بمعيلـه مثـل الخجـز واللعايـب

نزل ٍ نشوفـه والمخاليـق تدهـاه
نـزل البـلاوي كلهـا والمصايـب

عن روس خلق الله وأنا أبراي لله
عن ناس ترعى في طرفكم حبايـب

لو فيك خير ووجهك الشّين ينكـاه
مـا تعتـرض لمكمّليـن النوايـب

وأولاد وايل عن سوالفـك مغنـاه
ماهـم بعـوزك يامـدوّه زرايـب

قطعانهم عشب الخطر غصب ترعاه
ترعاه أباعرهم لـو الـدم رايـب

وحرب ٍ قواطيع ٍ على الخيل وإرماه
عوق الخصيم مـورّدة كـل هايـب

وشريدة الفرسان وشلـون تنسـاه
وشلون تنسى يا طويـل الخبايـب

اللي على شيل الجماهـي مضـرّاه
يمناه والفسقـان سيـف العطايـب

وإبن نحيت اللـي نهـار المثـاراه
كم كبد حـي ٍّ شـب فيهـا لهايـب

على أبلج خلّى الظـواري تعشّـاه
وبطوع إخو نوره تعشّـى كتايـب

وإبن جزاء يوم النضا جـاه ينخـاه
وشلون تنسـى يالعيـن الصلايـب

يوم ٍ يشيب الراس من حس طرياه
بيـن الحناكيـه وذيـك الجذايـب

وفيحان إخو نوره تحت حد شلفـاه
كم فارس ٍ خـلاّ عظامـه حطايـب

اللي بجاهه يوم زاروا هـل الجـاه
رد الذويبي مـال رايـح كسايـب
ماخوذ غصب وضمّر الخيل تشعـاه
وشلون تنسى ياعجيـب العجايـب

ونسيت إبن ناحل مع الضيف وقراه
هيف السّمين اللي بها النّي سايـب

اللي يدسّم شارب الضيـف لاجـاه
الخيل يعطيها وعطا البـل وهايـب
ونسيت منور ذيب جمـع ٍ سرايـاه
مثل الدّبا الكتفان ريـف القرايـب

حرز الذليل اللـي يفـك المخـلاّه
نسيت إخو حسنا عطيب الضّرايـب

وذويـخ بالعربـان تكثـر رزايـاه
إليا شان نطق إمّيْليـن العصايـب

كم هيّة ٍ زيزومهـا جـاب حسنـاه
وسعود من بعـده يفـك النّشايـب

وإبن جديع اللـي بهيّـه ضحايـاه
فرسان قـوم ٍ فـوق قـبٍ ربايـب

يبـون وضـحٍ بالأباهـر محنّـاه
افتكهـا ووّهـل جبرهـم نكـايـب

ونسيت مانع حوض مـوت منايـاه
ماتأخـذ إلا محتمـيـن الدّبـايـب

كم فارس ٍ قرّب له أجلـه وغفّـاه
وعليـه خـلاّ للحوايـم لـوايـب

من كف إخو فـزه نواعيـه تنعـاه
عليـه هـلاّت العبايـر سكـايـب

ونويشي اللي بالخوي كل ٍ أوحـاه
بثرأ خويّـه عـن عوانيـه نايـب

قص أربعه وإثنين والسّابع أنجـاه
أنهى الملام وخاطره ماهـو طايـب

وأبوك يالهيباد مـن فـك بحمـاه
يوم الرصاص بنوع وبل السحايـب

برّم عصب رجليه وإنّـا احتمينـاه
دونـه فعلنـا معجـزات ٍ غرايـب

واليوم عندك لـه محبـه وملجـاه
غوّال إبوك وحايب ٍ بـك حوايـب

والا ما تنسى وطيت ٍ فوق علبـاه
وميقافنـا لا دفلجـن بـك ركايـب

جينـاه وإربـاع المبانـي ممّـلاه
في كل بيـت ٍ مكتّفيـن ٍ قضايـب

واللي نزل عنـده ثلاثيـن جمهـاه
بين الذرا والنار ضـم الحضايـب

من عرض من ربص هكاليوم بدماه
راع النقا والفوز يـوم الغصايـب

راسه سبق كفه على عرش ماطـاه
من كف إخو جوزاء وأبوك السّبايب

فعل ٍ على وضح النقاء ما إخترعناه
ما هي سواليف الوجيـه القلايـب

وأضحى جزاء ميقافنا اللي وقفنـاه
شبّهتنا ضيـن ٍ رثـع فيـه لايـب

ذيب ٍ يرد من أول الضّيـن لتـلاه
الشّكـوى لله ياكبيـر القطـايـب

والله والله واحـدٍ مـا أتمـهـزاه
بالكـذب..والله يالقلـوب اللبايـب

لولا القمر وسهيل والجـدي لـولاه
لأقول قـول ٍ مـا تعقبـه طلايـب

مار بذرا العنبـر تركـت العلنْـداه
ياللي تبي بالكـذب تأخـذ غلايـب

يالطّايش اللي طيّشه كبـر مركـاه
هلا هلا ياحـوش بيـض التّرايـب

هذا جداك وغيـب قلبـك عرفنـاه
مار الغلط مرجوع وإنس الحزايـب

إما تعـذ ّر عـن مقالـك ومنشـاه
عبر الأثير ولا نبـي لـك نجايـب

يـوم المجلّـد كـل حـيٍّ ٍ تمـلاّه
تراك ما أنت من الإذاعـه نعايـب

دفترك ما خصيت به يـوم نقـراه
قاريـه أنـا ومسطّراتـه عرايـب

حتى تعذ ّر لـك لنـاس ٍ مسمّـاه
كرّ النّظر وإحسب جميع الحسايـب

كرّ النظر وإضرب علـى ماتـورّاه
وعندك طريق العافيـه والعقايـب

إمّا حفرت البير وإقطن علـى مـاه
وإلا تدمّـه دام مـيّـه سـرايـب

مادام كـل ٍ ماسـك ٍ مـاه بلـزاه
وإلا تعرّضت المحـن والصّعايـب

يمّـك ملاييـن المدافـع معـبّـاه
وأقفالـهـا قيّـادهـا بالكـرايـب

الطّيـش لايحرمـك لـذ المسـاواه
إعرف ترى للطيش غيب وغبايـب

إلا إن عندك للخزى ميـل مشهـاه
معجبك مالك من فعولـن ٍ رهايـب

فالله خلق للداء دواء وأنت من داه
ودواك للجـرّاح فيـه الطـرايـب

يامـا لعينـك مـن مغثّـه ومـاذاه
ياللي بحركم يامليـن الـذ ّهايـب

به حصة ٍ بيضـاء تـلالا مغطّـاه
غيّم سماها بين خضـر ٍ رطايـب

ماأدري ركبها غبار شيول ومسحاه
وإلا بهـا زدتـم إعـداد الجلايـب

لاوا قفيـن ولا بالأعيـان شفنـاه
حظـي بـري لله علينـا رقايـب

حظي بري ما قالوا النـاس قلنـاه
وبحظ من جاب الخبر لـي جايـب

ياطير إبن برمان مـدري حلايـاه
ياللي تبـي فينـا تحـط النّقايـب

ماهو هلا يالمنتسب عقـب عفنـاه
حنّا جبرنا مـا يحـوش القشايـب

ولا عندنـا لـك يامحمـد مناجـاه
خبل ٍ تومِّي فـي شنبـك الهبايـب

تبي تمثِّل عنتـر الخيـل جهجـاه
تمثيل وإلا مسـرد ٍ ماأنـت ثايـب ـــــــــــــــــــــــــ ــــــ
القصيده الخامسه

يانور عيني ليه شوفـك شفاقـه
هذا جفى يـا زيـن وإلاتغلـي

على غلاك الزود مالـه لواقـه
واضن ماله بالضمايـر محلـي

ودك غدى بالروح و الرجل ساقه
من الملا كله طويـت السجلـي

حتى وليف(ن)لي هروجه رقاقه
اناوفي(ن)ماتـهـاون بـخـلـي

فارقت شوفه وانـت سبةفراقـه
واليوم مادري بئـي دار يحلـي

اليا شافني ياخذ علـي اندلاقـه
يمشي طويل وطول حسه يهلـي

وإلا انت والله يانصفقت إنصفاقه
قدام وجهـي مـا تمتـع بحلـي

وإني طويت رشاك طي العلاقـه
والحال فيهامن هاك اليوم حلـي

حادور مابـه للمخاليـق طاقـه
إن طال في طيله غدى في كلـي

كانكـم خـلان لـي و رفـاقـه
قـدام زلال بروحـي يـزلـي

يانورعينـي ذوقونـي ذواقــه
غر(ن)ترى قلبي عليهـن مغلـي

طول النسم بحدود عقل ورواقـه
يرفـى لحالـي ليـال مضنلـي

والله ماطلبكـم وراهـن لحاقـه
وانه دوايه مـن بلايـه وشلـي

واني لكم يانـور عينـي عتاقـه
انا دخيل حظوظكم قبـل اولـي

واناتراي مانـي خطـاة الهقاقـه
الـي علىغيبـه انكـان دلــي

واللي يدل الناس كثر إصطفاقـه
لو مل وجهـه بارد(ن)مايملـي

ياعود ريحان على جـال باقـه
شابك عليهـا زعفـران مظلـي

ياريم وانت احلا بخف ولباقـه
ياعنك ماشـح بحـلاك المحلـي

عليك عنـق مـن المهاودراقـه
ومن الصويتيـه تـوزي ودلـي

ومن الحرار بنورعينـك رماقـه
ومن الحمامه مشيها بـس قلـي

وإلا انت بوصاف وحلايادقاقـه
مدري وش انت للعذارىمخلـي

ربي عطاك و حط فوقك وساقـه
اشقرقضيض فوق الامتان هلـي

وقلبي عليك اليوم غادي حراقـه
انتـه تبـا تجديـه وإلا تتـلـي

وتحط من دوني خليل(ن)عشاقـه
وانا يسد من العنـاء ماحصلي