يا دحيم حالك لآ تشكى

يا دحيم حالك لآ تشكى مللها=الأ على اللي من لجأ فيه ما خاب
وأبعد عن وجيهن تغثك حيلها=ومجالسن فيها مشاريه وأعتاب
ناسن سوالفها تخالف عملها=اللي يحطون الذريعه لهم باب
ولو كل من قال السوالف عقلها=ماصار بين الناس صادق أو كذاب
واللي على النمه أطبوعه جبلها=أجنبه ما دام لي عنه مجناب
ما أعطيه علم وكلمته ما أقتبلها=من شان ما يبنيلها عمد وأطناب
وأن صرت معني كلمة الحق قلها=من جامل الظالم على الظلم ما يثاب
والطيبة ما جابها غير أهلها=يلقابهم في حزة الظيق مقضاب
روسن نشيمها وندرى زعلها=من ربعنا الأدنين والأ من الأجناب
والرزق عند اللي أعباده كفلها=ما صار بين أيدين شامت أو مغتاب

ما أعطيه علم وكلمته ما أقتبلهـا
من شان ما يبنيلها عمد وأطنـاب
وأن صرت معني كلمة الحق قلهـا
من جامل الظالم على الظلم ما يثاب

صح السانك يا ابن سدحان ولا تحرمنا من جديدك
تقبل تحياااااااااااتي

صح بدنك
ومشكور على المرور

صح لسانك مشكور

صح بدنك
شاكرلك مرورك

مشكور ابن سدحان على المعاني الجميلة

يا دحيـم حالـك لآ تشكـى مللها
ـــــــــــــــــ الأ على اللي من لجأ فيه ما خـاب

والنعم بالله

ما أعطيه علم وكلمته ما أقتبلهـا
ـــــــــــــــ من شان ما يبنيلها عمد وأطنـاب

عز الله صدقت ههههه

صح الله لسآنك يا ابن سدحآآآآن

قصيـدة رآئعــه بروعتك

لاتحرمنآآآ جديدك

أجمـل التحآيآ

مشكور على النقل

العفووو
وشاكرلك مرورك يا ضيف الله بن علي

صح بدنك
يالعوود
ومشكور على المرور الجميل