26-04-09, 08:27 AM
|
المشاركة رقم: 1 |
| المعلومات | | الكاتب: | | | اللقب: | ::عضو نشط::
| | الرتبة: | | | البيانات | | التسجيل: | Jan 2009 | | العضوية: | 1908 | | المواضيع: | 22 | | الردود: | 27 | | جميع المشاركات: | 49 [+] | | بمعدل : | 0.01 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  ردت هــنــوف
دقيت لي رقم (ن) وانا فيه غلطان = ردت هنوف وردت الروح ليه
قلت السلام وقالت اهلين يافلان = وصوت ابو عابد ماخبره كذيه
قالت من انت وقلت انا اخوك سلطان = ابو شجون ومنه احلى تحيه
قالت وعمرك قلت ماهوب لزمان = خبره زمنا ما أكسبتني بليه
قالت ومنهم عزوتك قلت الاخوان = هم عزوتي من بعد رب البريه
خالد وعبد الله وهذاك ذيبان = هذاك ابو نايف ولا فيه زيه
اللي خويه ماينكس وينهان = سمه بكبد عداه من سم حيه
اشكي عليه من الزمن لاجرى وكان = وحط من زايد بلاويه فيه
قالت وشغلك قلت راقد وشبعان = من باب رزق الله يجيني شويه
مابه وضايف في وطن غير الاوطان = مايقبل الي مؤهله ثانويه
قالت طموحك قلت جندي بميدان = واجبه ذل اليا استلم من خويه
راتبٌه مايوفي لبيته بغرضان = ثلاث الاف وفوقهن صنف ميه
ولا مهر لامن بغا يجيب ورعان = مازوجه راتبٌه اشين بنيه
هذا طموحي بس ماهو بحصلان = ليه اتحلم حلم ماهوب ليه
يوم انكشف سري وسدي لها بان = قلت اسمعي يابنت انتي غبيه
لحمك طري والذيب مايشبع الضان = والي تسوينه حرام (ن) عليه
اخذ معك بالهرج واعطي وحيران = اقسم قسم مالي بك ايات نيه
مستقبلك لا تضيعينه مع فلان = لامن خلص منك يدور خويه
شرفك غالي مايقدر بالاثمان = واليا فقدتي هذي اكبر بليه
محتاج انا منك مع الشكر عرفان = نصيحتي لك محتسبها جزيه
للشاعر . محمد بن حماد "ابـــو شـــجـــون"
التعديل الأخير تم بواسطة ولد الفردة ; 26-04-09 الساعة 08:58 AM
سبب آخر: ذبانه وقفت على الشاشه وصفقتها بالزبيريه وانفصل السلك
|
| |
العرض العادي
