@@ قضية الشعر @@

احبتي زوار واعضاء مجالسنا الابية اضع بين ايديكم مساجلة بين شاعرين هرمين غني كل منهما عن التعريف الشاعر / علي بن زيد بن نغيمش .
يسند على الشاعر / مرزوق بن مبشر الحثل .

أبديت مـا فـي خاطـري بالتماثيـلشي شغل فكـري وقـررت أقولـه

أشياء تبي درس ودراسـه وتحليـللـوكـان يمـكـن فهمـهـا بسـهـولـه

ماهو بحـب لكثـرة القـول والقيـللكنـهـا أشـيـاء غـايـبـه ومـعـزولـه

يخـتـص فيـهـا نافلـيـن الريـاجـيـلامــر مـاكـل الـلـي يـريـده ينـولـه

انـا ادري ان ايامـنـا بــذت الحـيـلفيـهـا وفـيـهـا مـايـلـه ومـعـدولـه

لياتعدل جيل صـاب المـرض جيـلليـن افسدوهـا مدعـيـن البطـولـه

العدل فيهـا قّـلّ واستفحـل الميـلحتـى الـزمـان يغـيـرون بفصـولـه

وانـا نويـت ادلـي بدلـوي ولااعـيـلوآخذ مع اهل الراي والعرف جوله

مرزوق اعرفه وافي يوفـي الكيـلما غاب عـن غيـره بفكـره يطولـه

حكيـم متحكـم ومـدرك وحلحـيـلوان قـال قـول نـوّر الفكـر قـولـه

يابـن مبشـر هـات رايـك بتفصـيـلبامـر يخـص الشعـر ويـدور حولـه

الشعـر ضـاع وضيعـوه المهـازيـلجنـازة فــي كــل عــود محمـولـه

ومصيبته من كثرة الحـط والشيـلكــل بــلا تميـيـز يشـعـب ذلـولــه

احد من اجل الحـب مايرقـد الليـليقـول حبّـه مـن زمــان الطفـولـه

يبغى الثريـا شايـف نفسـه اسهيـلمتصـنّـع جــور الـزمـان بـذهـولـه

يشكي من الدنيا ويبكي من الويـلومعناه من بعض المعانـي عدولـه

واحــد ذلـيـل وزاده الشعرتـذلـيـلياخذ على طمس الحقايـق عمولـه

راع الحمار يصـوره فـارس الخيـلالكـذب رغـم انــه يعـرفـه يقـولـه

مسافة البوصه علـى رغبتـه ميـلويسمـي النـاس الذليـلـه خجـولـه

ويقـول هـذا ليـث لوهـوولـد فـيـلمع الطمـع ينسـى معـان الرجولـه

عين على دجله وعين علـى النيـلولا فيهـن اللـي فـي نفاقـه ينـولـه

لا قال حق ولا حصل له محاصيـلورا الــقــراده بــايــدات نـعـولــه

شكله رجل لكن بقولـه طلـع ذيـلكيف الرجـل يرضـى نفاقـه يعولـه

في منطقـه يعجبـك حجّـه وتاويـلويعجبك في شكله وعرضه وطوله

ليـا تكلـم تحسـبـه ينـطـح السـيـللـكـن علـومـه ماتـوافـق فـعـولـه

وناس تبي تدخل على الشعرتعديلومنصبيـن ارواحهـم مــن فحـولـه

هـم مفلسيـن وكـل يميـل ويعـيـليشره علـى مطالـب ماهـي حولـه

والشعر ذمّـه يالرجـال المشاكيـلالـلــي يـشــك بصـحـتـه لايـقـولـه

ميـزان حـق ولايجـي فيـه تضلـيـلبــه تفتـخـر دولــه وتنـهـان دولــه

به ترسم اخطوط السنين المقابيلويشـرح تــراث بالـيـات اسمـولـه

وبه تنشر احداث الملا باالتفاصيـلليا صاغه اللي فاهـم فـي وصولـه

الشـعـر لاسلـعـه ولاهــو بتمـثـيـلليـا فـقـد معـنـاه يصـعـب قبـولـه

ماهووسيـلـه لاحتـيـال ومحـابـيـللــوان جـهـال الـمـلا صفـقـو الــه

قلته وانا مالي على الناس تخويـلولا اجامـل اللـي مـايـلات حمـولـه

وعـداد مـا هلـت مـزون المخاييـلصـلاة رب البـيـت عـلـى رسـولـه

ـــــــــــــــــــــــــ ـــــــــــــــ



وهذا رد الشاعر/ مرزوق مبشر المزيني

حـي الرسـالـه والخـبـر والمراسـيـلمـن شاعـر لـه كــل جـزلـه نحـولـه

فـرايــده مـاهــي تـصـنّـع وتـبـجـيـلبالعقـل يصخـر كـل وضحـا معقـولـه

يصخـرجـلايـل مايـصـخّـر مـخـالـيـللـه بالجـزال اجـزال صـولـه وجـولـه

يـسـوقـهـا بالمـطـيـبـه والفـنـاجـيـلومعهـا مـن دهـن ازرق العـود تـولـه

يسقي هدف معنى القصيدة شهاليـلمن منهل بعض العـرب مـاوردوا لـه

بـتـدوال أشـعـاره تطـيـب التعـالـيـلشعـره اذا قيـل الرجـال اصنتـوا لــه

كـنـه يـجـيـب الـمـفـردات بقـنـاديـلبتجاربـه ماقـال عـن ماوصـفـوا لــه

مايجـيـبـهـا مـلـفـوفـة بـالـزهـامـيـلواضــح بمطـلاعـه وواضــح نـزولــه

يشـيـد ثــم يـزيـل ويشـيـل ويـزيــلواذا أعلنـه أهـل الرجـاح شهـدوا لــه

على الهدف يرمي حجـر طيـر أبابيـلمـاعـاد بـاقـي قــول عقـبـه نقـولـه

حمـس ودق وطـاب كيـف المعاميـلوأكرم بفعـل وقـول مـن سيـروا لـه

علـى هــلا والعـلـم يحـتـاج تحلـيـلالوضـــع مـاهــو يـاعـلـي بالسـهـولـه

ياعلـي تطلـب راي يشـرح بتفصـيـلمعنى هدف شمط اللحى قد غزوا له

الــراي تــرك الهـامـلـه والمثـامـيـلانـت بزمـن فـيـه العـيـوف مغيـولـه

ياعلي خلف الجيـش خيـل وزماميـلوالمعتـرض لأفكارهـم ماحسبـوا لــه

ياعلـي خـل الريـل لاتعـارض الـريـللاتعـتـرض لــه قـوتـه فــي رجـولــه

ماأنت مكلـف فـي ذراري إسماعيـلمالـك ومـال النـاس يابـن الحمـولـه

آمـيــن يـعـبـون القـصـيـد ببـرامـيـلالشـعـر ماانـتـه يابـوخـالـد رسـولــه

لكـن قـل لأهـل الجـمـال الجمامـيـلخــل الـقـوافـل سـايــره محـمـولـه

وبعض القصيـد اليـوم مثـل المناديـلمعنـاهـا ريـغـاء والبـيـوت معـفـولـه

وبعـض الآوادم لـو قصـيـده طهابـيـلتصـيـر عـوجـه يـابـن زيــد معـدولـه

مايهمـهـم يـاتـي صـفـوف وجـواديـلعيـن الرضـا تطسـم فـدايـح خلـولـه

وشعر ببعض الصحـف جديـد ومحيـلغـــرام روس بالـوضـيـع مغـسـولـه

شـعـر الحـداثـه والـمـلالا ومـواويــلوشـعـر يــادان دان دقـــت طـبـولـه

سيـل بليـل ودبــك خـيـل وخلاخـيـلوناس وقفوا ضـده ونـاس بركـوا لـه

والـلـي يصـبـون المعـانـي همـالـيـلعلى الصباخ لكسـب بعـض السيولـه

يـمـدح ريــاء ويـرتـل الـمـدح ترتـيـلويطبـخ لحـم حرجـه علـى نـار كولـه

والغـيـل مـــارد للـكـبـود المغـالـيـلاللـي اذا شـافـوا نضـيـح أدبـكـوا لــه

الـنـاس كــل لــه مـيـول ومداهـيـلوكــل بعقـلـه مقتـنـع فــي مـيـولـه

وإن كنت ضد أهداف بعض المواصيللاتنشـغـل فــي صـاحـيـه ومهـبـولـه

لـــلأذن سـمـاعـه وللـعـيـن دربـيــلوالعقـل يـضـع كــل شــي بوصـولـه

كـــل بـمـالـه حـــر لـكــن غـرابـيـلالنـاس بأيـة بــاب حــق دخـلـوا لــه

إن قال وإلا أعطـى سبايـك سماليـلزعــل رضــي يـرتـاح يـطـق جـولــه

باللـي مجنـب عنـك مالـك مداخـيـلاطلـب مـن اخيـر العبـاد سجـدوا لـه

يستـرك بالدنيـا مـن الـقـال والقـيـلبعض اقتلوا ذكرك وبعض شفعـوا لـه