@@ قضية الشعر @@

احبتي زوار واعضاء مجالسنا الابية اضع بين ايديكم مساجلة بين شاعرين هرمين غني كل منهما عن التعريف الشاعر / علي بن زيد بن نغيمش .
يسند على الشاعر / مرزوق بن مبشر الحثل .

أبديت ما في خاطـري بالتماثيـل=شي شغل فكري وقـررت أقولـه
أشياء تبي درس ودراسه وتحليـل=لوكان يمكـن فهمهـا بسهولـه
ماهو بحب لكثـرة القـول والقيـل=لكنها أشيـاء غايبـه ومعزولـه
يختـص فيهـا نافليـن الرياجيـل=امر ماكـل اللـي يريـده ينولـه
انا ادري ان ايامنـا بـذت الحيـل=فيهـا وفيهـا مايلـه ومعدولـه
لياتعدل جيل صاب المرض جيـل=لين افسدوهـا مدعيـن البطولـه
العدل فيها قّـلّ واستفحـل الميـل=حتى الزمان يغيـرون بفصولـه
وانا نويت ادلي بدلـوي ولااعيـل= وآخذ مع اهل الراي والعرف جوله
مرزوق اعرفه وافي يوفي الكيـل=ما غاب عن غيره بفكره يطولـه
حكيم متحكـم ومـدرك وحلحيـل=وان قال قول نـوّر الفكـر قولـه
يابن مبشر هات رايـك بتفصيـل=بامر يخص الشعر ويـدور حولـه
الشعر ضاع وضيعـوه المهازيـل=جنازة في كـل عـود محمولـه
ومصيبته من كثرة الحط والشيـل=كل بـلا تمييـز يشعـب ذلولـه
احد من اجل الحب مايرقـد الليـل=يقول حبّه مـن زمـان الطفولـه
يبغى الثريا شايف نفسه اسهيـل=متصنّع جـور الزمـان بذهولـه
يشكي من الدنيا ويبكي من الويـل=ومعناه من بعض المعاني عدولـه
واحـد ذليـل وزاده الشعرتذليـل=ياخذ على طمس الحقايق عمولـه
راع الحمار يصوره فارس الخيـل=الكذب رغم انـه يعرفـه يقولـه
مسافة البوصه على رغبته ميـل=ويسمي الناس الذليلـه خجولـه
ويقول هذا ليـث لوهوولـد فيـل=مع الطمع ينسى معان الرجولـه
عين على دجله وعين على النيل=ولا فيهن اللي في نفاقـه ينولـه
لا قال حق ولا حصل له محاصيل=ورا القـراده بـايـدات نعـولـه
شكله رجل لكن بقوله طلع ذيـل=كيف الرجل يرضى نفاقه يعولـه
في منطقه يعجبك حجّـه وتاويـل=ويعجبك في شكله وعرضه وطوله
ليا تكلم تحسبـه ينطـح السيـل=لكن علومـه ماتوافـق فعولـه
وناس تبي تدخل على الشعرتعديل=ومنصبين ارواحهم مـن فحولـه
هم مفلسين وكـل يميـل ويعيـل=يشره على مطالب ماهـي حولـه
والشعر ذمّه يالرجـال المشاكيـل=اللـي يشـك بصحتـه لايقولـه
ميزان حق ولايجي فيـه تضليـل=به تفتخر دولـه وتنهـان دولـه
به ترسم اخطوط السنين المقابيـل=ويشرح تـراث باليـات اسمولـه
وبه تنشر احداث الملا باالتفاصيل=ليا صاغه اللي فاهم في وصولـه
الشعر لاسلعـه ولاهـو بتمثيـل=ليا فقـد معنـاه يصعـب قبولـه
ماهووسيلـه لاحتيـال ومحابيـل=لـوان جهـال المـلا صفقو الـه
قلته وانا مالي على الناس تخويل=ولا اجامل اللي مايـلات حمولـه
وعداد ما هلت مـزون المخاييـل=صلاة رب البيـت علـى رسولـه

ـــــــــــــــــــــــــ ـــــــــــــــ



وهذا رد الشاعر/ مرزوق مبشر المزيني

حي الرسالـه والخبـر والمراسيـل=من شاعر له كـل جزلـه نحولـه
فرايـده ماهـي تصنّـع وتبجـيـل=بالعقل يصخر كل وضحـا معقولـه
يصخرجلايـل مايصخّـر مخالـيـل=له بالجزال اجزال صولـه وجولـه
يسوقهـا بالمطيـبـه والفناجـيـل=ومعها من دهن ازرق العود تولـه
يسقي هدف معنى القصيدة شهاليـل=من منهل بعض العرب ماوردوا لـه
بتـدوال أشعـاره تطيـب التعاليـل=شعره اذا قيل الرجال اصنتـوا لـه
كنـه يجيـب المفـردات بقنـاديـل=بتجاربه ماقال عن ماوصفـوا لـه
مايجيبهـا ملفـوفـة بالزهامـيـل=واضح بمطلاعه وواضـح نزولـه
يشيـد ثـم يزيـل ويشيـل ويزيـل=واذا أعلنه أهل الرجاح شهـدوا لـه
على الهدف يرمي حجر طير أبابيـل=ماعاد باقـي قـول عقبـه نقولـه
حمس ودق وطاب كيـف المعاميـل=وأكرم بفعل وقول من سيـروا لـه
على هـلا والعلـم يحتـاج تحليـلال=وضع ماهـو ياعلـي بالسهولـه
ياعلي تطلب راي يشـرح بتفصيـل=معنى هدف شمط اللحى قد غزوا له
الـراي تـرك الهاملـه والمثاميـل=انت بزمن فيـه العيـوف مغيولـه
ياعلي خلف الجيش خيل وزماميـل=والمعترض لأفكارهم ماحسبوا لـه
ياعلي خل الريل لاتعـارض الريـل=لاتعترض له قوتـه فـي رجولـه
ماأنت مكلف في ذراري إسماعيـل=مالك ومال الناس يابـن الحمولـه
آميـن يعبـون القصيـد ببراميـل=الشعر ماانتـه يابوخالـد رسولـه
لكن قل لأهـل الجمـال الجماميـل=خـل القوافـل سايـره محمـولـه
وبعض القصيد اليوم مثل المناديـل=معناها ريغـاء والبيـوت معفولـه
وبعض الآوادم لو قصيـده طهابيـل=تصير عوجه يابـن زيـد معدولـه
مايهمهم ياتـي صفـوف وجواديـل=عين الرضا تطسـم فدايـح خلولـه
وشعر ببعض الصحف جديد ومحيـل=غـرام روس بالوضيـع مغسولـه
شعر الحداثـه والمـلالا ومواويـل=وشعـر يـادان دان دقـت طبولـه
سيل بليل ودبـك خيـل وخلاخيـل=وناس وقفوا ضده وناس بركوا لـه
واللي يصبـون المعانـي هماليـل=على الصباخ لكسب بعض السيولـه
يمدح رياء ويرتـل المـدح ترتيـل=ويطبخ لحم حرجه على نـار كولـه
والغيـل مـارد للكبـود المغاليـل=اللي اذا شافوا نضيـح أدبكـوا لـه
الناس كـل لـه ميـول ومداهيـل=وكل بعقلـه مقتنـع فـي ميولـه
وإن كنت ضد أهداف بعض المواصيل=لاتنشغـل فـي صاحيـه ومهبولـه
لـلأذن سماعـه وللعيـن دربيـل=والعقل يضع كـل شـي بوصولـه
كـل بمالـه حـر لكـن غرابيـل=الناس بأية باب حـق دخلـوا لـه
إن قال وإلا أعطى سبايك سماليـل=زعل رضي يرتـاح يطـق جولـه
باللي مجنب عنـك مالـك مداخيـل=اطلب من اخير العباد سجـدوا لـه
يسترك بالدنيا مـن القـال والقيـل=بعض اقتلوا ذكرك وبعض شفعوا له

صح السان الشاعرين الهرمين وقصائد فيها روعه النظم وحبك المعنى وجزالة

الرد وهم غنيين عن التعريف

ابوزياد الله يعطيك العافيه على أتحافنا بهالمقطوعتين الرائعتين

الف شكر على جهودك المميزه فعلا

وننتظر منك المزيد وياهلا

مساجله جميله

مشكور على النقل يابوزياد

صح لسانه..مشكور

مساجلة رائعة مشكور على الاضافة وصح لسان الشعراء الافذاذ

نــــعم نعــــــــــــم قول ومعنى وجزاله

صــــــح لسان ابو خالد وصــح لسان ابو هلال

ولاهنت يابو زياد تشكر يابطل

علي الجضعان
قرناس
$$طلال الحمــاد$$
ضيف الله بن علي
سعد بن هذيل
شاكر من اعماق قلبي مروركم ولاخلا ولاعدم
الله يحيي الجميع منكم شرفني تواجدكم الله يرفع درجاتكم دنيا وآخرة