وضحٍ مثل وضح الطهيمي وفنجال

لم يخلوا هذا الزمن من الرجال الطيبين برغم التعامل المادي
الذي يكاد يكون طغى على علاقات الناس ببعضهم
ونتيجة لذلك رأى الشاعر الكبير شريف بن راكب ان يسطر هذه القصيدة
الرائعة لمن يستحقها فعلا وهو ::
الاخ الفاضل الشاعر : علي بن عبدالله الطهيمي ..

يقول من يتعب على بدع الامثال= الهادفه والنادره من ذهيبه
ما اقول كل اللي طرالي على البال= من لا اقتنع به خاطري ما يجيبه
ابدل اللي يستحق التبدال= واصوغ جزلات البيوت الغريبه
ما بي يصير لصاحب النقد مدخال= اللي يعرف المخطيه والمصيبه
وبعدتهن عن كل رجلي وخيال= ما ارد كود اللي عليها الجنيبه
وضحٍ مثل وضح الطهيمي وفنجال= اللي تقدم حرب واللي عتيبه
هذا وليه وقفةٍ عقب ترحال= ابشكر الطيب علشان طيبه
علي الطهيمي هو صديقي ولازال= اقدّره واعتز به واعتزيبه
ما والله اذكر به من العيب مايقال= الا الوفاء كان الوفاء عيب عيبه
اليا صار فزعاته سريعات وجزال= لازم تكون الطيبه من نصيبه
لو اني ارسل له من الناس مرسال= واقول هات اللي بجيبك يجيبه
ميانةٍ ماهي على كل رجال= الا صحيبٍ واثقٍ من صحيبه
لو شلت حملي فوق علي السعد شال= أبيع في بنك الوفاء واشتريبه
أكبر دليل إن له معزه ومنزال= أقسم لو القى واحدٍ مستغيبه
لصادمه ويحلها الفين حلال= ما أسكت وأقول بكيفه الله حسيبه
أتبيِّن الحاجات وقفات الأبطال= وتغيِّب اللي ماينوّر شعيبه
يا عل من دونه يحول أشهب اللال= دوّن خلا يقنب مع الصبح ذيبه
الطيب قفرٍٍ ما وطو فيه الانذال= يشوفه المحروم لكن يهيبه
اللي لغيره قاعدٍ يجمع المال= ما طاب باول شبته قبل شيبه
ما ينتصر بالمعركه واحدٍ ذال= لياصار في قلبه من الخوف ريبه
وصلّوا على اللي للهدى قايدٍ دال= عد النجوم وعد من يقتدي به

وبعدتهن عن كل رجلي وخيال= ما ارد كود اللي عليها الجنيبه
وضحٍ مثل وضح الطهيمي وفنجال= اللي تقدم حرب واللي عتيبه
هذا وليه وقفةٍ عقب ترحال= ابشكر الطيب علشان طيبه
علي الطهيمي هو صديقي ولازال= اقدّره واعتز به واعتزيبه
ما والله اذكر به من العيب مايقال= الا الوفاء كان الوفاء عيب عيب
ميانةٍ ماهي على كل رجال= الا صحيبٍ واثقٍ من صحيبه
لو شلت حملي فوق علي السعد شال= أبيع في بنك الوفاء واشتريبه
أكبر دليل إن له معزه ومنزال= أقسم لو القى واحدٍ مستغيبه
لصادمه ويحلها الفين حلال= ما أسكت وأقول بكيفه الله حسيبه
وصلّوا على اللي للهدى قايدٍ دال= عد النجوم وعد من يقتدي به

صح لسان شريف ابن راكب ياجب يطلق عليه ا سم دوحة الشعر وموسوعة الشعر ومعجزة الكلام كلها تنطبق

؟؟صراحه اتكلم عن نفسي اخجل ان اكتب قصيده بعد شريف؟لاكن اقول لاهنت يامنصورعلى وضع الجزيل
في منتدى يشرفه قول شريف ولاهنت كذالك ولاهان

وانت لاهنت يبو فهد ولاعليك زود
وشريف يعتبر من مدارس الشعر الشعبي
شكرا لك على اطلالتك الغالية

صح لسان ابو محمد ويستاهل الطهيمي ....

وانت ابا محمد جزل لاياتي الا بالجزل ...
اشكرك على هذه الاضافة الرائعه ...
لاهنت
............

السلام عليكم ورحمة الله وبركاته

صح لسان الشاعر الكبير شريف
وعلي الطهيمي يستاهل

والشكر لك يابومحمد على النقل الرائع

مع تحيات الجديد

مشكور بارك الله فيك صح لسان الشاعر الكبير شريف
وعلي الطهيمي يستاهل
ونت تستاهل الطيب

صح لسانك وتسلم يامنصور على النقله وماهي غريبه عليك يالغالي