ياليعربي يالمعتصم يالقيادي ..=..(( سعد هذيل ))

كآن لي الشرف الكبير عندمآ تقدمت بإلقاء هذه القصيدة امام سيدي خادم الحرمين الشريفين

يوم الاربعاء الموافق 19/4/1430هـ في قصره العامر بالجنادرية آمل ان تنال آعجابكم ...



آقول /

بسم الكريم بدايتي واعتمادي=منزل تبارك في كتابه وياسين
الواحد البادي على كل بادي=اللي خلق أدم وحوا من الطين
يالله توفقني طريق الرشادي=وعلى جزيل القول ياربنا تعين
قدم المليك وماقفي غير عادي=ماقف يشرف في حضور العظمين
لي الفخر والعز غاية مرادي=قدام أبو متعب لو أقول بيتين
يا مرحباً ياتاج هامة بلادي=ياعز شعب المملكة ناصر الدين
يا أبن الملوك مخضبين الهنادي=من ساسكم حكام نجد السلاطين
خدام للسلام وأسماء المبادي=وحمات حجاج الحرم والمصلين
الأمن عم الدار والعدل سادي=تعطى الشعوب حقوقها بالموازين
وصدق الولاء بالشعب حضر وبوادي=وحب المليك وطاعته بالشرايين
الحاكم اللي شوفته هي عيادي=يعيش أبو متعب عسى عمره سنين
صقر العروبة للعروبه مفادي=الله يديم لصحته قولوا أمين
هلا تراحيب المطر ياسنادي=ياعز روس الشعب وأيضا المقيمين
يشامخ الهامه كريم الأيادي=فيك الشهامة والمروه نياشين
وبيض النوايا ياسليم الفؤادي=يالحاتمي لشعب رمز الوفيين
حياك ربي يالحكيم الريادي=يا رائد الاصلاح بكل الميادين
ليا كبرت الأزمة وبان الأعادي=تاقف وتافي للمهمات وتبين
في قمة العالم وقوفك منادي=لجل العرب وحقوقها تافي الدين
رجل السلام بكل قمة ونادي=درع حصين وللعرب دايم معين
بسم العروبة والكرامة تنادي=يصاحب النخوة طليق الحجاجين
أعلنت صوت الحق وحدك حيادي=ولاهل الكتاب وإنذار والعين بالعين
كان اليهود بشرهم والتمادي=ترى العرب ماهم على السلم باقين
خطابك المشهور ماله ملادي=صدق الحقايق واعتراف الملايين
ســــجل لـه التاريخ علم وكادي=يبقى على وجه البسيطة عناوين
حكمة وحنكة واستناره بهادي=وراين شجيع وللعداء سيف حدين
ياليعربي يالمعتصم يالقيادي=انته ستر غزه عن الظيم والبين
والمال في حالات دفعه جهادي=حي الزعيم اللي تبنا فلسطين
النصر بالوحدة وجمع اتحادي=والتفرقة عز العداء والشياطين
والعـــز بالاجـــمـــاع ضــــد الأعـــــــادي=وتــــــرك الــــتـــشاحن منــهجك للمـسلمين
ياسيـــدي عـــم الـــــفــرح فــي بـــلادي=عـــلى ســلامة ولــــي العـــهــد عيــــديــن
عضــــــيد يمـــــناك الكريـــــمــة زنــــادي=بســــلامـــته نــرفــع أيـــات المهـــنئــــين
ونايــــف عضـــيدك باللـــيالي الشـــدادي=النـــائب الثـــاني عـويـــنك عـــلى الـزيــن
تمت وصلى الله على خير هادي=صلوا عليه وسلموا ياميامين

الشاعر / سعد هذيل ..

حكامنا يستاهلون وشعرائنا مبدعون
صح لسانك يبو فهد وبيض الله وجهك على هذا الحضور
ولك موفور الشكر على اهدائها لمجالسنا
دمت لنا مبدعا ومتواجدا
نشتاق لرؤية ابداعك وقرائة نصوصك الشعرية الممتعة
تقبل اجمل تحية من محب

بين يدي ملك الأنسانية الله يمد بحياته


هذا موقف مشرف يا بن هذيل ولا هو غريب منك الوفا لأن أصلك طيب عسى الله يبيض وجهك وحكامنا مادامهم حاكمينٍ بشرع الله مالهم بالدنيا مثيل عسى الله يعزهم ولا يعز عليهم .

السلام عليكم ورحمة الله وبركاته

خي منصور اعجابك يشرفني لاهنت يابو محمد انا كذالك فخور بذكرك بدون مجامله واشهدالله على ذالك

تسلم علم المنتدى دايم عــــــــــــــــا لي الذكر

تمت وصلى الله على خيـر هـادي
صلـوا عليـه وسلمـوا يامياميـن

==============
اللهم صلى على محمد وعلى اله وصحبه

صح لسانك ياشاعر الملوك الله يبيض وجهك جملتنا الله يجمل حالك

المشاركة الأصلية كتبت بواسطة عالي الذكر

بين يدي ملك الأنسانية الله يمد بحياته


هذا موقف مشرف يا بن هذيل ولا هو غريب منك الوفا لأن أصلك طيب عسى الله يبيض وجهك وحكامنا مادامهم حاكمينٍ بشرع الله مالهم بالدنيا مثيل عسى الله يعزهم ولا يعز عليهم .

وكذالك بيض الله وجهك وبارك الله فيك وجزاك الله عنا خير الجزا ولاهنت على اعجابك

اخي عالي الذكـــــــــــر اسم على مسمى

مرحبا بك أخي ابو زياد الله يبارك فيك مشكــــــــــــــــور على اعجابك ومـــــرورك فخر واعزاز

صح لسانك يابو فهد
ولافض فوق وطول عمرك راعي جزاله ومواقفك تشرف القبيلة
الله يوفقك ويطول عمرك

صح لسانك وعلا شانك وبيض الله وجهك و وقوفك امام مقام خادم الحرمين تشريف لقبيلة الفردة


حفظ الله خادم الحرمين وأمد الله بعمره

ملك الانسانية ملك القلوب حفظة الله ورعاه

يـا مرحبـاً ياتـاج هامـة بـلادي=ياعز شعب المملكة ناصـر الديـن
يا أبن الملـوك مخضبيـن الهنـادي=من ساسكم حكـام نجـد السلاطيـن

كـان اليهـود بشرهـم والتمـادي=ترى العرب ماهم على السلم باقيـن

أبدعت أبو فهد وأجزلت ،

ولاشك أنه موقف منك يبيض وجيه ربعك ، الله يبيض وجهك ويديمك بالوجود عز وذخر

صح لسانك مليون