الزئبق الاحمر ومكائن الخياطه للشاعر محمد القثامي

بسم الله

ايها الاحبه

راجت خلال هذه الايام اشاعه جعلت الناس تتهافت على المكائن القديمه

حتى اصبحت ذات المئتين ريال تسام بمبالغ خياليه

واليكم هذه الأبيات في هذه المناسبه

00000

000

0

لاوالله الاّ قـام حـظ المكيـنـه=وقامت تخاطَفْها يديـن الزبايـن
وصارت بعين الناس سِلْعه ثمينه=إيرَوّجِ لْهـا والخلايـق تعايـن
وسوّامها فالسوق يرطن رطينـه=ومديونها أصبح مع الناس دايـن
وفي وصفها ضاعت عقولٍ فطينه=وقامت تفتّش بين سمر المكايـن
عَنْ وحّدَه سمرا ولاهـي متينـه=انْحيّفـه فيهـا تِبيـن البوايـن
في جنبها وشم الأسـد ناقشينـه=امْكَشّر الأنياب والوجـه شايـن
ومابين إبْرتها وبـاب الخزينـه=مابـان للجـوال والبـرج بايـن
وموديلها المعروف قفّت سنينـه=مبْطي من ايّام الهلـل والكبايـن
ويامَنْ على ( سنجر ) يفرّك يدينه=وودّه يسابق في سباق المزايـن
الزيبـق اللـي دوّخِ مْدوّريـنـه=فََرّحْ قلوب اهل الحسد والضغاين
اتْشيّـع انّـه فالمكينـه رهينـه=وحنا لِمطْلِقْة الإشاعـه رهايـن
عالم غريب ونَصْب واضح بعينه=لو روّجوا له فالقـرى والمدايـن
ويبْقى شهر ابريـل يامصدّقينـه=تَكْبر به الكذبه وترجـع هوايـن
هذي الحقيقه عقب شفنا المكينـه=قامت تخاطَفْهـا يديـن الزبايـن

صح السانك وعلى شانك

يابن راكب والله المكينة ماهي بسيطة


سوت حركة في كل النواحي الاعلام وشعر

وسوق والمنتديات

نشكرالمكينة على جهودها ههههه

شكرا لك ناصر وصح لسان الشاعر
فعلا الموضوع اعطي هالة اعلامية من مروجي الاشاعات
ومن الطبيعي استفادة وسائل الاتصال وغيرها

صح لسان الشاعر

ومشكور على النقل

وللأسف مزالة مستمره الأشاعه بالجنوب واليمن