مساجله بين الشاعرين سلطان الهاجري وضيدان بن قضعان

اليكم اخواني الاعزاء هذه المساجله الرائعه بين الشاعرين العملاقين
سلطان بن وسام الهاجري و ضيدان بن قضعان العجمي
وهي من اروع ماسمعت لهم وقد نالت اعجاب الكثيرين
وانا اطرحهها لكم هناعسى ان تنال اعجابكم
قال سلطان الهاجري

راكب اللي حسها تسمعـه مـن كـل صـوبمثل زلـزال الرعـد فـي المـزون المظلمـه

كنـهـا يــوم اسـتـدارت وضـاقـن الـــدروبفرخ شيهان (ن) على الطلع ينهض مُقدمـه

تلـهـا جــرج الخـواجـه ونطـحـهـا الـهـبـوبواعلنـو ا طفـى الزقايـر و ربــط الاحـزمـه

من سلايل شايب (ن) ماجمـع غيـر الذنـوبوالديانـة عكـس الاســلام مـاهـي مسلـمـه

مايعـرف يقـول هـذي شمـال وذي جـنـوبالدلـيـلـة بـوصـلـة والـحــروف مـتـرجـمـه

واهني اللـي علـى رحلتـه يلقـى لـه ركـوبان رجــع والا تـوفـى عـسـى الله يـرحـمـه

ان نوى في مشرق الأرض والا في الغروبالـمـهـم يـنـفـذ الــــلازم الــلــي يـلـزمــه

فاقد (ن) لي شيخ قومٍ عزيز(ن) ومحسوبمحزم(ن) في الضيق يا سعـد منهومحزمـه

والجفا مابين الاصحـاب عيـب مـن العيـوبوالصـداقـة مــن بـنـى بيتـهـا مـــا يـهـدمـه

والغـلا والكـره مـا تسكـن الا فـي القـلـوببــس مـابـه قـلـب فـيـه الثـنـيـن مخـيـمـه

اتحمـل مـزح الاصـحـاب عذبـيـن السـلـوبواتخـيـر واكــل التـمـر واطـــش اعـجـمـه

واعـرف الكذبـة لا جـات مـن فـم الكـذوبلا قـعـد يـرفـع لسـانـه ويـرخــي بـرطـمـه

واقفل الجـوال عـن راعـي الغـوج الهـذوبوافـصـل التعمـيـم عــن بيـجـري واعمـمـه

وزلـة الطيـب مـا تجـرح متينـيـن الجـنـوبعقـب اللـي زلـة (ن) مـن صحيبـه تفحمـه

إيـه يـا ضيـدان والنـاس حـارب ومـحـروبوانــا عــارف كــل واحــد بحـبـره واقلـمـه

(( فرد عليه ضيدان بهذه الأبيات))

راكب اللي كنها البرق فـي عـرض النصـوبدايـــمٍ مـســرى اللـيـالـي عـلـيـه معـلـمـه

بكرة (ن) كن خف يدها على الزور مغصوبلا عقلـهـا الـلـي عسيـفـه مـاهـي بمخـزمـه

وان تساوت واستعدت لها وصف(ن) عجوبكنهـا تـدي القسـم عـنـد قـاضـي المحكـمـه

وان رفع ركابها الصوت باسلوب(ن) عـذوبازجـلـت ماكـنـهـا الا هـنــوف(ن) مـحـرمـه

وكنهـا قشـع(ن) تزبـر علـى صـدر الجـذوبلاخـذت فـي صحـيـح البـيـد ســك ودرهـمـه

ما شريناهـا مـن السـوق مـن جيـز الجلـوبمـن سلايـل جـيـش جــدي ذلــول مكـرمـه

تنـحـر الـلـي كــل مـاتـبـت عـيــا لا يـتــوبصاحـب(ن) اغلـيـه جــدا واعــزه واحشـمـه

صاحب(ن) من لابة(ن) مـا يهابـون الحـروببنـي هـاجـر فـخـر الأمـجـاد كـفـو الملحـمـه

مثـل مــا تجـمـع شبـابـه عتيـبـه والـحـروببيـنـنـا حـلــف وعـهــود وعـقــود مـبـرمــه

كـان يـا سلطـان ناسيـه واصياحـك طـنـوبمـرحـبـا بـــك وانـتـبـه والـــدروب ملـغـمـه

والجفا من بين الاصحاب يالصاحـب ماهـوبعيـب لاكــن غـيـره العـيـب ياالـلـي تفهـمـه

والصداقـة كنـز ماهيـب تسمـل سمـل ثـوبوللصديـق ان صـار مـا صـار مـا ذوق لحمـه

وله علي ان حده الوقت في الشـدات انـوبولــي علـيـه ان كَــره صـاحـبـه لا يظـلـمـه

والرجـل لا صـار بيتـه حجـر والسـور طـوبمــا علـيـه مــن المنـافـق لـيــا رز عـلـمـه

عادنـي مـن دون روحـي ليـا شبـت شـبـوبوالا كــم وكــم دهـانـي رمــوز(ن) مبـهـمـه

وكم نوانـي مـن لصاحيـب دجـال(ن) لعـوبيبـي يأخـذ خيـرة ابلـي وانــا اخــذت اغنـمـه

ومعرفة بعض الاصاحيب ذنـب مـن الذنـوبعلـة(ن)مـن علـتـه أون يـــا مـثـقـل دمـــه

وعلـتـه مـاهـي بتنـشـاف بالميكـروسـكـوبودك احـيـانـاً لـيــا طـــال صـوتــه تكـتـمـه

والرجل لا صار شيخ(ن) عزيز(ن) ومحسوباســتــوت زلات رجــلـــه وزلات اقــدمـــه

إيـه يـا سلطـان والـنـاس غـالـب ومغـلـوبوالأعــادي مــن تحـاكـى حثيـنـا فــي فـمـه