مساجله بين الشاعرين سلطان الهاجري وضيدان بن قضعان

اليكم اخواني الاعزاء هذه المساجله الرائعه بين الشاعرين العملاقين
سلطان بن وسام الهاجري و ضيدان بن قضعان العجمي
وهي من اروع ماسمعت لهم وقد نالت اعجاب الكثيرين
وانا اطرحهها لكم هناعسى ان تنال اعجابكم
قال سلطان الهاجري

راكب اللي حسها تسمعه من كـل صـوب=مثل زلزال الرعد فـي المـزون المظلمـه
كنها يـوم استـدارت وضاقـن الـدروب=فرخ شيهان (ن) على الطلع ينهض مُقدمه
تلها جرج الخواجـه ونطحهـا الهبـوب=واعلنو ا طفى الزقايـر و ربـط الاحزمـه
من سلايل شايب (ن) ماجمع غير الذنوب=والديانة عكس الاسـلام ماهـي مسلمـه
مايعرف يقول هذي شمـال وذي جنـوب=الدليلـة بوصلـة والحـروف مترجـمـه
واهني اللي على رحلته يلقى لـه ركـوب=ان رجع والا توفـى عسـى الله يرحمـه
ان نوى في مشرق الأرض والا في الغروب=المهـم ينفـذ الـلازم الـلـي يلـزمـه
فاقد (ن) لي شيخ قومٍ عزيز(ن) ومحسوب=محزم(ن) في الضيق يا سعد منهومحزمـه
والجفا مابين الاصحاب عيب من العيـوب=والصداقة مـن بنـى بيتهـا مـا يهدمـه
والغلا والكره ما تسكـن الا فـي القلـوب=بس مابـه قلـب فيـه الثنيـن مخيمـه
اتحمل مزح الاصحـاب عذبيـن السلـوب=واتخيـر واكـل التمـر واطـش اعجمـه
واعرف الكذبة لا جات مـن فـم الكـذوب=لا قعـد يرفـع لسانـه ويرخـي برطمـه
واقفل الجوال عن راعي الغـوج الهـذوب=وافصل التعميـم عـن بيجـري واعممـه
وزلة الطيب ما تجرح متينيـن الجنـوب=عقب اللي زلة (ن) من صحيبـه تفحمـه
إيه يا ضيدان والناس حـارب ومحـروب=وانا عارف كـل واحـد بحبـره واقلمـه

(( فرد عليه ضيدان بهذه الأبيات))

راكب اللي كنها البرق في عرض النصـوب=دايـمٍ مسـرى الليالـي علـيـه معلـمـه
بكرة (ن) كن خف يدها على الزور مغصوب=لا عقلها اللـي عسيفـه ماهـي بمخزمـه
وان تساوت واستعدت لها وصف(ن) عجوب=كنها تدي القسـم عنـد قاضـي المحكمـه
وان رفع ركابها الصوت باسلوب(ن) عذوب=ازجلـت ماكنهـا الا هنـوف(ن) محـرمـه
وكنها قشع(ن) تزبر على صـدر الجـذوب=لاخذت في صحيـح البيـد سـك ودرهمـه
ما شريناها من السوق من جيـز الجلـوب=من سلايـل جيـش جـدي ذلـول مكرمـه
تنحـر اللـي كـل ماتبـت عيـا لا يتـوب=صاحب(ن) اغليه جـدا واعـزه واحشمـه
صاحب(ن) من لابة(ن) ما يهابون الحـروب=بني هاجر فخـر الأمجـاد كفـو الملحمـه
مثل ما تجمـع شبابـه عتيبـه والحـروب=بيننـا حلـف وعهـود وعقـود مبـرمـه
كان يا سلطان ناسيـه واصياحـك طنـوب=مرحبـا بـك وانتبـه والـدروب ملغـمـه
والجفا من بين الاصحاب يالصاحب ماهـوب=عيب لاكن غيـره العيـب يااللـي تفهمـه
والصداقة كنز ماهيب تسمـل سمـل ثـوب=وللصديق ان صار ما صار مـا ذوق لحمـه
وله علي ان حده الوقت في الشدات انـوب=ولـي عليـه ان كَـره صاحبـه لا يظلمـه
والرجل لا صار بيته حجر والسـور طـوب=مـا عليـه مـن المنافـق ليـا رز علمـه
عادني من دون روحي ليـا شبـت شبـوب=والا كم وكـم دهانـي رمـوز(ن) مبهمـه
وكم نواني من لصاحيب دجـال(ن) لعـوب=يبي يأخذ خيرة ابلي وانـا اخـذت اغنمـه
ومعرفة بعض الاصاحيب ذنب من الذنـوب=علة(ن)مـن علتـه أون يـا مثقـل دمـه
وعلتـه ماهـي بتنشـاف بالميكروسكـوب=ودك احيانـاً ليـا طـال صوتـه تكتـمـه
والرجل لا صار شيخ(ن) عزيز(ن) ومحسوب=اسـتـوت زلات رجـلـه وزلات اقـدمـه
إيه يا سلطـان والنـاس غالـب ومغلـوب=والأعادي مـن تحاكـى حثينـا فـي فمـه

مشكورعلى النقل الله يعافيك
سلمت يمينك وطالت سنينك

مساجلة رائعة جدا من عملاقين من عمالقة
الشعر النطبي
شكرا لك قرناس عاداتك تنال الجزيلة
ولاتعجب الا بمثل هذه القصائد
تقبل اجمل تحية
على هذا الاختيار الرائع
دمت بخير وعافية

المشاركة الأصلية كتبت بواسطة ابوزياد

مشكورعلى النقل الله يعافيك
سلمت يمينك وطالت سنينك

من قال يسلم يابو زياد

شاكر لك مرورك الكريم

المشاركة الأصلية كتبت بواسطة منصور الوسوس

مساجلة رائعة جدا من عملاقين من عمالقة
الشعر النطبي
شكرا لك قرناس عاداتك تنال الجزيلة
ولاتعجب الا بمثل هذه القصائد
تقبل اجمل تحية
على هذا الاختيار الرائع
دمت بخير وعافية

حياك

أخوي منصور الوسوس

دمت ودامت افراحك

شاكر لك ثنائك ومرورك

الكريم

تسلم على الاضافه الرائعه من شاعرين عملاقين فعلا

ننتظر منك الجديد وياهلا فيك ياخ فرناس اسم على مسمى

نورت القسم

المشاركة الأصلية كتبت بواسطة علي الجضعان

تسلم على الاضافه الرائعه من شاعرين عملاقين فعلا

ننتظر منك الجديد وياهلا فيك ياخ فرناس اسم على مسمى

نورت القسم

حياك أخوي علي

وابشر بالجديد

وشاكر لك مرورك الكريم