تعبان تعبان تعبان

رحت العضيبي محتسب مسة الجان =اشكيه وش بي وارتجف وانحني له
في موترٍ ماهوب ليه ومرضان= والله عليم ان حال عبده عليله
من قبل اعرفك كنت تعبان تعبان= تعبان من ظلم السنين الطويله
جيتك تحررني من اشد قضبان=واثرك مع صروف الزمن تحتمي له
دام الزمن صافي لمثلك ولا هان=الا مولع بك بصدره فتيله
ابيك تعطيني لو اقل برهان=انك وفيت لعاشقك بس ليله
يملّ عيني مالح الدمع هتان= على الخدود الضامرات الهزيله
ماهوب منّك زايد الحزن يافلان=انت شعَره زادت بحمل الذليله
ماتدري اني صرت شاعر وفنان=علمتني نظم البيوت الجزيله
واحكمت مع تال العَهَد كل دوزان=واطربت نفسي والنفوس العليله
حضنت عودي وابتدت كل الالحان= هذي سواتي دام مافيك حيله
من جور حظي مع عنا الوقت مازان = لا شك في درب المتاهه دليله
ياشيب عيني يوم درب الهوى شان= تبكي واحسبنه وفا من جميله
واثرك تصنع دمعتك لي على شان=تبقى تسلى بواهمك ياعميله
واليوم وجهك غاسله بمرقة ضان=ترفع نعش من طاح لجلك قتيله

للشاعر محمد بن حماد الفريدي (ابو شجون)

ولد الفرده
بعد اذنك يجب ان تكون القصيدة هكذا ...
فقد قمت بتعديل بعض الاخطاء الاملائيه ونسقت القصيده ....
شكرا لك اخي وشكرا لابي شجون على هذا الابداع الرائع
تقبل تحياتي
....