مساجلة بين الشاعرين علي الفريد ومرزوق الحثل

09-04-09, 03:02 PM

يقول الشاعر علي الفريد ابو خالد
مسندا على الشاعر مرزوق الحثل

القصـيـد يـقـال عـنــد مناسـبـاتـهوالعلوم تجـاب فـي لحظـة طلبهـا

والرجل يسعد ويشقى فـي حياتـهوالمشـاكـل كــل عـاقـل يجتنبـهـا

والرجل ينبيك هرجـه عـن صفاتـهوالحقيـقـه تقـنـع الـلـي ماطلبـهـا

مــا نحـسّـب للـكـلام وشايـعـاتـهوالمحـابـل شـرّهـا لـلــي نصـبـهـا

مـن تعـرض سيـرنـا نلـجـم لهـاتـهومـن يشـب النـار نرمـيـه بلهبـهـا

ندرس اوضاع الرجـل ومواصفاتـهنقـتـدي فــي سيـرتـه والا نعقبـهـا

ياوسيـع المعـرفـه ماجـبـت هـاتـهماتجـيـب الاالجزيـلـه مــار جـبـهـا

عنـدك النطـق الجـزيـل وطيبـاتـهوالمـعـانـي مـاتـجـيـب الاذهـبـهــا

الاســم مــرزوق مــرزوق بـذاتـهمـن فعـول طيـبـات ومــن أدبـهـا

وبعدها مبشر والبشرى من سماتهيشتـري كـل النـوادر مــن جلبـهـا

يـاسـديـد الـــراي ودي بالـتـفـاتـهللعلـوم اللـي تسلـي مـن قضبـهـا

جـدد الموضـوع واهـمـل سابقـاتـهكــل نــار طافـيـه غـيّـب حطبـهـا

لوبنـات افـكـار مـخـي حاضـراتـهمـن سنيـن ماضيـه كــان انتدبـهـا

لـكـن المـوقـع عـلـيـه مخلـفـاتـهاثرهـن راحـن مـع اللـي راح لابهـا

قمت احس الوضـع ولملـم شتاتـهوالوعـور اللـي تتعـب مـا ارتكبـهـا

يالفهيم اللـي علـى الحكمـه ثباتـهلاتحاسـب مـن حسابـاتـه حسبـهـا

العمـى متـجـود فــي راس شـاتـهمالـنـا بالطـاولـه والـلــي قلـبـهـا

والثـمـر مــازال بــاق فــي نبـاتـهونخلـة مستـور مـا حـرّك رطبـهـا

جـاك علمـي ونـت تفهـم خافياتـهتفهـم القـصـه وتفـهـم وشسببـهـا

وهنا رد الشاعر مرزوق الحثل

يـاسـلام الله علـيـكـم وبـركـاتـهكلمة تضفي على السامـع هدبهـا

مختصـرهـا والـكـلام وموجـزاتـهوكل كلمه حسب فهم اللي كتبها

وابو خالـد يـوم عبـر عـن جراتـهومن وفاه لسيرة الماضي طلبها

وارداتـه حطـهـن مــع صـادراتـهباختيـاره جمـع العـقـل وقصبـهـا

يـوم حسـب عـاد طبـع مذكراتـهوعمّـر الفلـه وقـال اختـر كنبهـا

بالبيـوت اللـي بهـا صـاغ كلماتـهماص مفراص البيوت اليـا كتبهـا

القلم ترعف مـن افكـاره دواتـهوالمعـانـي لـوتـمـادى ماسلـبـهـا

ولاتكـل مـن الـجـزال محـاولاتـهوخبرتـه وافكـار عقلـه ماحجبهـا

لاصـدقـاه بعمـلـتـه ومعـامـلاتـهسيـرة الـلـي لاتركـهـا ولاكربـهـا

والصراحـه والثقـه مـن راسياتـهوالحمـاقـه لوركـبـهـا ماشعـبـهـا

ساقهـا سـوق المعـيـد بمبهمـاتـهساقها مادري مع المنحى سحبها

صاغـهـا بمخـطـطـه ومـعـادلاتـهوقال جبها ونت واحد مـن جنبهـا

وعتبرهـا معجـزه مـن معجزاتـهكيـف يذبحهـا ولايقـطـع عصبـهـا

والنعـت توضيـح علـم ومفرداتـهوالعمـى بيـت القصيـده ياحدبـهـا

وبـو خـالـد بالـرمـوز مساجـلاتـهيعطي الاعراب من لهجـة عربهـا

والخبر تحت الثـرى دفنـت نواتـهوشافها مدري سمـع لكـن نكبهـا

واحـد شـال الذبيحـه فـي عباتـهراسـهـا مخفـيـه ومبـيـن ذنـبـهـا

منصور الوسوس · 09-04-09, 03:39 PM

صح لسان الشاعرين مساجله رائعه من شاعرين قديرين

مع الشكر لمراقبنا القدير منصور الوسوس

منصور الوسوس · 09-04-09, 06:41 PM

شكرا لمراقبنا منصور الوسوس وفقه الله والشكر موصول لآخينا الكريم علي الجضعان

منصور الوسوس · 09-04-09, 07:21 PM

[
السلام عليكم ورحمة الله وبركاته

شكرا لشاعر ين ابو خالد وابو هلال حيث لا يستغرب منهم الكلام الجزل وحكمت القول والمعنى والى لامام/

منصور الوسوس · 10-04-09, 07:28 PM

[quote=سعد بن هذيل;93849][
]السلام عليكم ورحمة الله وبركاته

شكرا لشاعر ين ابو خالد وابو هلال حيث لا يستغرب منهم الكلام الجزل وحكمت القول والمعنى والى لامام[/

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ
لااملك الاشكر الاخ سعد على التتويج لنا بالاشاده
وما دام اسم مرزق واضح فأسمي/ علي بن زيد الفريدي وشكرا للجميع.

منصور الوسوس · 10-04-09, 09:33 PM

صح السان الشاعرين الكبيرين

ومشكور ابو محمد على وضع المساجلة الجزلة ذات المعنى العميق بين ايدينا

مساجلة بين الشاعرين علي الفريد ومرزوق الحثل

خاص بالمساجلات والمحاورات الشعرية