لحضه

لحضه بوادعك قبل انك توادعني
ماني من الي تروح ويمشي خلافك
لي عزتن ياوليد الناس تمنعني
لو قلت مابيك تمزح خاطري عافك
كد قلتها لك قبل ماكنت تسمعني
واليوم فعلك هو الي حطم اهدافك
يابن الاوادم نصيحه واخذها طعني
ماكل شخصن يذل النفس لا شافك
صحيح زينك ببعض احيان شجعني
لكن زود الكرم زودت بأسرافك
ماهوب انا الي تنزلني وترفعني
لو درت في نيتك كسرت مجدافك
تبي الصراحه تصدد لا تطالعني
اخاف من دمعتك ولا انت ماخافك
مغير واحد ولا مخلوق ولعني
الحب يجرف ولا تختار جرافك
اصارع النفس والدنيا تصارعني
والفرق واضح بمغرافي ومغرافك
ياخي ترى القلب عيا لا يطاوعني
يابن الاوادم توكل خاطري عافك

ياولد الفرده صح لسانك لكن عاد لاتصير قاسي مره

مشكور..القصيده لبدر الحربي

ما لك لواء
القصيدة للشاعر الكبير :-
عبدالكريم الجباري

مشكور ياولد الفرده

وياليت توضح لنا من صاحب القصيده

تحياتي لك

شاكر للشباب مرورهم
القصيده مثل ماقال اخوي القسومي ..
للشاعر عبد الكريم عدي الغريري الجباري الشمري ..
من اوائل المشاركين بشاعر المليون
يعني باللغه الفريديه
من طقه ابن فطيس ..
مره ثانيه شاكر لكم المرور .....................................>>>>>

بس القصيده فيها ياوليد الناس ياخي ومن ها لكلام ابرا لله مادري

صباح الخير للجميع
قصيدة جميله وتعليق اجمل ...
لكن ليس مكانها هنا ... بل في فضاء الشعر ..
ارجو من الاخوه المشرفين ملاحظة ذلك ...
وشكري للجميع
..............

صح لسان الشاعر
شكرا لك اخي على هذا الاختيار

القصيدة فيها شيء خطأ ما ادري من الناقل او من الكاتب ام امممممممم


مشكور على النقل والتوضيح