قصيدة نسااااااااااؤنا والسائقين !! للشاعر عبدالله ابن شايع الزهيري

المصيبه ماتت الغيـره وصـار الـدمّ بـارد=وأنشغلنا في سبيل المال وأعمتنا الحضاره!!
لين صرنا نجلب السواق لوهو مـن عطـارد=من ترفنا ماندقق فـي عمـاره مـن دمـاره
المهم نجهّز اللـي مـن وكيـل الزيـن وارد=نعتني في موتره ونسكّنـه صـدر العمـاره
وأن تعلم صار مسـؤل المصـادر والمـوارد=وأستلـم كـل الشئـون العائلـيـه والإداره
والثقه متباينه وخليـف فـي دنيـاه شـارد=من عماة الراي والتفكير يحسبهـا شطـاره=
ما درا إنه ضاع راس المال في طرد الشوارد=والخساره في الشرف والدين ياكبر الخسـاره
عقب ما سلّم جواهره الثمينـه فإيـد مـارد=ويش يرجي من حياةٍ ضايعٍ فيهـا اعتبـاره
الشبح في البيت ماله لا مجيـر ولا مطـارد=والبلاء في المدرسه والسوق والمقصود شاره
واعذابـي كلمـا مريتهـا والشـوف جـارد=كل مضبوطٍ جديد والدريـول فـي الغمـاره
أمـرد مربـوع كنهـم ناحتينـه بالمبـارد=والشعر مفلول والسلسـال ويمـز الزقـاره
كل جنس وكل لون وكل شكل مـن النمـارد=تنتظر فلذاتنا وأعراضنـا فـي كـل حـاره
ليه صرنا فالأيادي السافلـه مثـل المفـارد؟=ليه ياحفاد الصحابـه والمشايـخ والامـاره!
ليه يجري دمّنـا بعروقنـا مثـل البـوارد ؟=عقب ما كانت تقادح روسنـا عـز ونعـاره!
والقضيـه ماتعـم ولا سردهـا كـل سـارد=والبقا لأهل النقاء والحـر تكفيـه الإشـاره

صح لسان الشاعر


ومشكور على النقل

مشكور على الأختيار الرائع

وصح لسان الشاعر ابن شايع

تحيـــاتي لك

صح لسان الزهيري ، قصيدة رائعه وتعالج واقعا ملموسا للاسف ...
شاعر متمكن من صنعته قال فاجاد ..........

اما صاحب الاختيار والنقل فهو من ذائقته بحثها عن الجمال وهدفها الكمال ..
فلك مني الشكر ...
يا ناصر بن راكب على هذا الاختيار الفاره الفخامه ..
لاهنت
........