31-03-09, 09:00 PM
|
المشاركة رقم: 1 |
| المعلومات | | الكاتب: | | | اللقب: | شــــــــــــاعـــــــــر
| | الرتبة: | | | البيانات | | التسجيل: | Mar 2009 | | العضوية: | 2033 | | الجنس: | ذكر | | المواضيع: | 79 | | الردود: | 244 | | جميع المشاركات: | 323 [+] | | بمعدل : | 0.06 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  مشاعر وشعور
الله من قلب به الهم يزداد = وفي كل يوم يشيل هم ازياده
مشاكل تظهر لها جذور وبعاد = عن حملها يعجز قوي الاراده
هم يغيب وهم للقلب ورّاد = متقافيه لين اصبحت شبه عاده
عالجتها في كل مقنع وطرّاد = واخذت من ماض الليالي شهاده
واخذت من راي اهل العرف مافاد = وراي العوارف لي منه استفاده
فكرت بالدنيا وهزّات الانكاد = ولقيت كل فيه هم ونكاده
كم غربلت فبلي كريمين الاجواد =وياما شكى منها عزيز السياده
ومن ساد باد وكل تاثيرها باد = والحي يمشي في طريق الاباده
وين الرجال اللي بنوا ساس الامجاد = وين الملوك الناعمين بسعاده
وين السمول وين شداد بن عاد = وين الرجال هل الصلف والجلاده
عالم فنت متعدده مالها عداد = وهذا نظام المعتلي في عباده
اجداد لاجداد فنت قبلها اجداد =والكل يفنى ماتحقق مراده
ومن عاش في دنيا تنادي بعواد = يموت ونفسه راغبه بالزياده
وكل حياته كلها هم وجهاد = ويفنى قبل ما ينتهي من جهاده
كل يريد ويفعل الله ماراد = القايد الاول حكيم القياده
ياجامعين المال من كل مداد = من مدخل غطى بياضه سواده
العمر كله فيه الايام شراّد = والمال كثره ما يغطي نكاده
والحر تكفيه الغنيمه ليا صاد = والبوم ماحصّل على الارض صاده
ومن جاد ساد وصاحب الخير ينعاد =ومن ذاق طعم المر ماعاد عاده
الله يجود ومدة الله لمن جاد = يلقى بها المحتاج حسن الوفاده
والا البخيل يزيد ماله ولوزاد = ليامات يرمى مثل رمي الرماده
والارض مليانه نمايم وحسّاد = والبعض فيهم مع حسدهم قراده
واهل الحسد واهل النميمه والاحقاد = حرب على اهل الطيب مابه هواده
لياصابته غيره مع الخبث ينقاد = وبالسر والخفيه تعلى جواده
والخبث يظهر له معينين واولاد = وجذور وخيوط وخفي عناده
والشر له عدة مكامن وروّاد = ويسري مع الجهال واهل البلاده
وليا تمكن جاله اولاد واحفاد = ولابدّمن لجمه وشدة قياده
والزودلوانه من اطايب الزاد = ليا دخل جسم به الشر زاده
والخير له ناقل وللعلم نشاد = والصبر لحظات المكاره اعباده
وبن البلد ما يرتضي غيره بلاد = يصبر على حرّه ويرضى براده
وللشر حصاد وللخير حصّاد = وكل يبي يجني حصيلة حصاده
وان جا نهار فيه عاصي وشدّاد = يضيع بالهيجا خطات البياده
والكذب ضعف وراعي الكذب ماساد= نقص على الراوي ونقص اسناده
حبل قصير ومن تزين به عماد = يضيع في ليل طويل هجاده
ياهل العقول المجد ينسب للامجاد= وكم فارس طيب عثر به جواده
والجود ما يحسب بدله وبرّاد = الجود له مقياس والطيب عاده
ولا للعزيز بديرة الذل مقعاد = والرجل يقضي حاجته من ازناده
والخبث يبغى صد وبعاد وحماد = قدام يسري ويتكاثر فساده
عليان يشعر بالمغثه من اقراد = والنمل سرّا عنتره من بلاده
والنامس اضعف جند قاتل وجلاّد = وليا ابتلى الانسان سبب هجاده
ولا للمشاكل والمسرات ميعاد = ولايأمن الاحزان بيت السعاده
هذه الدنيا مسادات وعناد = نظامها للخلق حتى نفاده
وهذا كلامي والمعاني لها ابعاد = والعذر عن قول الخطا والاعاده
وصلوا على من قاد الامّه للارشاد = اعداد ما خط القلم في مداده
ـــــــــــــــــــــــــ ـــــــــــــــــــــــــ ــــــــــــــــ
يمكن الاخطاء الاملائيه متوفره انا والله اتكاسل من كتابة المطولات واجتنبهن
لكن هالمره وبعدها يصير خير
التعديل الأخير تم بواسطة عبدالله بن غنام ; 02-04-09 الساعة 10:05 PM
سبب آخر: اللاده=البلاده
|
| |
العرض العادي
