أهل الجنوب..لحامد زيد

وعينـي اللـي كـل مـا ذعـذع مـن الـغـرب هـبـوبيـحـلا لـهـا لــون الـغـروب الـلـي يــذوب قبـالـهـا

ويـا ويـل حالـي كـل مــا يحلالـهـا لــون الـغـروبتـطـري لــي الـريـم اللـعـوب وسالـفـة ترحـالـهـا

وعـز الله انـي كـل مـا تطـري لـي الريـم اللعـوبحرمـت امـد ايـدي علـى حاجـة وانـا مــا اقوالـهـا

من سافرت ريـم الفـلا صديـت عـن كـل الـدروبمــا هــو قـصـور بالـعـذارى بــس ذيـــك لحـالـهـا

من فارقتني ما خطف قلبـي مـن الحـور محبـوبولا لـقـيـت الـجــادل الـلــي تـسـتـحـق احـيـالـهـا

لأن القلـوب ان مـا وفـت لأحبابهـا مـا هـي قلـوبوالعشـره اللـي مـا تـرد الــروح مــا نسـعـى لـهـا

إما الوفـى اللـي يستـر الرجّـال مـن كـل العيـوبوالا الجفى اللي يستـر عيـوب العـرب فـي رجالهـا

ما اقسى من فراق الجنوب الا فراق اهل الجنـوبويلـي علـى اللـي كــل مــا تـزعـل تـشـد رحالـهـا

اللـي مـذيـره العـتـب لا شـبـت بـصـدري شـبـوبعيـيـت اراضـيـهـا وهـــي عـيــت تـطــول بـالـهـا

كانت معي مثـل النصيـب يحدنـي مـن كـل صـوبكـانـت دروبــي مــن متـاهـات الـظـلـل لظـلالـهـا

كـانـت هـروبـي لا شـعـرت انــي بحـاجـه للهروبكانـت سمـاي الـلـي لـيـا ضـاقـت عـلـي ألجالـهـا

لـيـه اتحـدانـي وانــا فــي كــل الاحــوال مغـلـوبلـيــه حرمـتـنـي مـــن قـهــر عـذالــي وعـذالـهـا

لـيـه اتجاهلـنـي وانـــا لانـــي جـبــان ولا كـــذوبليـه ارخصـت دمعـي وانـا اللـي مـا بكيـت الا لـهـا

ما ترحم اللي له سنـه كأنـه علـى النـار محطـوبمــا هـزهـا دمــع الفقـيـد الـلــي بـكـتـه أطـلالـهـا

ما خافـت تهـدم السنيـن اللـي بنتنـا طوب..طـوبمـا فكـرت تشـفـق عـلـى حـالـي وتـرحـم حالـهـا

قـولـوا لـهـا لــو مــا تــذوب انــا بخليـهـا تـــذوبقولـوا لهـا لــو مــا عـنـت لــي مستـعـد اعنالـهـا

إليـا ادمحـت لـي هالخطـا بدمـح لهـا كـل الذنـوبوإن جابـت الحسنـى معـي تبشـر بعـشـر أمثالـهـا

أفرش لها صدري وطن وأجمع لها ضلوعي شعوبوأرقـى لهـا المكانـه اللـي مـا حـد(ن) يرقـى لـهـا

إن كانـي مخطـي فأنـا مانـي خلـيّ مــن العـيـوبالـذنـب يغـفـر والبـشـر تـجــزى بـقــدر أعمـالـهـا

البعـد قاسـي والـفـراق يضـيـق الـصـدر الـرحـوبوانـــــا تـعــبــت ادور الـحـيـلــه وارد احـتـالــهــا

قولولهـا ترجـع تـرا مانـي علـى الحـزن مغـصـوبوإلا تــرا نــذر(ن) عـلـي انــه مـاهـو ب أشـوالـهـا

إمــا تـجـنـب هالـهـبـال وتـتــرك الـبـعـد وتـتــوبوالا بتـبـشـر بالـهـبـال الـلــي مـــا هـــو بهبـالـهـا

كافي زعل تـرا الظـروف مقفلـه مـن كـل صـوبوأنــا حمـلـت مــن الهـمـوم انـواعـهـا واشكـالـهـا

يكفينـي انـي كـل مـا هبـت علـى صــدري هـبـوبتــحــن عـيـنــي لـلـجـنـوب وتـلـتـفـت بـلـحـالـهـا

والمشكلـة انـي كـل مـا حـنـت عيـونـي للجـنـوبتـطـري لــي الـريـم اللـعـوب وسالـفـة ترحـالـهـا

وعـز الله انـي كـل مـا تطـري لـي الريـم اللعـوبحرمـت امـد ايـدي علـى حاجـة وانـا مــا اقوالـهـا

صح لسان الشاعر حامد زيد

وتسلم يا قرناس


اختيار موفق

شاعر كبير حامد...مشكور

قرناس لاهنت على هذا النقل الرائع
قصيدة جميلة جدا
صح لسان الشاعر
ودمت لنا مبدعا تقبل اجمل تحية

لا ندمّـــت يابو محــمد

شرفني مرورك الكريم


تحياتي لك

حـامد زيــــد

:
:

شاعريهـ فذهـ ..

لا يرتقي حرفي لـ مِدحــهـ ..

صح لسانهـ ..

وَ لا هنت على هذا الرقيّ في الإختيار .

هاوي نجــد

طلال الحمــاد


أشكركم على المرور

صاحبة قلم

أشكرك على المرور الكريم