بعض الصفات

في طيب القول لي مقصد ولي غايه = سيفي لساني ولي بالقول حريه
فول العوارف تشعب ماله نهايه = ولا كل ناطق يوفق بالميه ميه
من صاب قوله تراه يصيب في رايه = ومن تاه قوله تصير ارياه مجفيه
بعض البشر فيه راي وعرف وهدايه = لكن بعض البشر بواطنه سيه
والبعض منهم حكيم وعنده ادرايه = يملك جزيل الكلام وصافي النيه
لكن بعض الاوادم منطقه تايه = يتعب على القول والاهداف ملويه
اما يكون الهدف تضليل واغوايه = ويوجه الناس لاشياء غير مرضيه
في منطقه يعجب الجهال باغرايه = رجال في ظاهره في داخله حيه
والاتكلم نفاق وزوّدو صايه = ومن الطمع كثّر الروحات والجيه
ويردده عند بيّاعه وشرّايه = ويفخر بقوله عسى تزلف به الطيه
مبدا المنافق يخالف كل مبدايه = ذليل كاذب وكل ارياه سلبيه
انا احترم من صدق لوهو من اعدايه = واكره اسلوب المنافق لو قرب ليه
والآخر اللي كلامه سبّ ووشايه = لاجل يتطفل على بعض الطفيليه
يجيب هرجه ويرجع منك بحكايه = ويحط عنوان للهرجه وماريه
ينفل لي الهرج كنه يطلب ارضايه = ومني يودي كلام زور رديه
عينه عليه ولكن يرصد اخطايه = ون كان ما خطيت صورها خياليه
فرّق تسد غايته ويسوقها هوايه = يوهم بنصحه وهو قايد حراميه
بينت للي سمع رايي ومغزايه = مبادي ماتناسب مع مباديه
بالناس جاهل وفيهم كيدوعصايه = وفيهم اضعيف وفيه افعال كيديه
وفيهم ارجال تدير الوضع بعنايه = اهل ملازيم مكسوفه ومخفيه
منطق سليم ووفا للدين حمايه = تسرك فعولهم ووجيهم حيه
رجال لهم بالمواقف ترفع الرايه = راية محبه من الاعماق مثنيه
هذاكلامي وكل انسان له غايه = والقول والفعل مبني على النيه

.

صح لسانك وسلمت ودمت
من معين الحكمه ترسم هدفك السامي
والشعر بلا شك رسالة

كل الشكر والتقدير
على حضورك وإهتمامك في مجالس الطيب .. مجالس ربعك

ودمت بخير

.

انما الأعمال بالنيات نعم


صح السانك شاعر لك بصمه خاصه

تسلم ولاعدمناك

صح لسانك وبيض الله وجهك

قصيدة رائعة من شاعر اروع

سجل اعجابي

ولك تحياتي

صـح لسانك على القصيده


الجـزله واللتي تحكي عن صفات


بعض من المجتمع

تحياتي

صح لسانك ودامت ايامك
قصيدة جميلة
هذه الصفات بدون شك منبوذه من الجميع
شكرا لك على هذه الاضافة الجميلة
تقبل اجمل تحية

نعم مثلما تفضل ابو ياسر عقيد القصيد ن هذه القصيدة تنهل فعلاً من معين الحكمة

وخير الشعر ما ينهل من الحكمة

صح لسانك أخي علي ودم فالوجود

الاخوة الاعزا الافاضــــــــــــــل
مقبل بن نمران
علي الجضعان
مزعل الفريدي
منصور الوسوس
عبدالله الغنام
لكم الشكر والتقدير على الحضور المميز والاطراء المشجع

الرائع علي الفريد
صح لسانك وعلا شانك
قصيدة حكمه في غاية الروعه والجمال وراقية في كل شيء ....
تنضح صدق ومعاناه وفيها من الاعتبار والعبر الكثير .....
ومع انني لازلت لم اتشرف بمعرفة صاحب هذا المعرف الجديد المنافس الا انني
لا اخفيكم احس بشيء من الغيره الايجابيه ...
وعلى القوه يالبناخي لاهنت لاهنت ..
حفظك الباري
.............

دمت وسلمت يابن العم (خلف) ماعليك زود والله