خواطر وردت

ابا ابداء بذكر الواحد المطلع بالحال = عظيم الرجا اللي كلمة العبدسامعها
يجازي هل الاحسان عن صالح الاعمال = ويعلم خوافيها ويعلم دوافعها
عليم النوايا والمقاصدمن الافعال = بسط سبع اراضي والسماوات رافعها
وانا اب استعين الله وقيس بالمكيال= وابا اطرق مواضيع فسيحه شوارعها
امور بدت في مجتمعنا تغث البال = عسى الله بتدبيره يجفف منابعها
من اهمها الغيبه وترديد قيل وفال = مع الشايعات اللي مضره شوايعها
تلفظ بها حاقد وتسري مع الانذال = خبيث النويا كلمة الحقد يزرعها
ليا صاغها في خبث يرسل بهامرسال =نميمه حقيره قاتل الله صانعها
ولقيت الحسدله عند بعض العرب منزال = كما راية حمرا على الراس رافعها
مصب الحسد من حقد ونهايته سلاّل = سكن بالقلوب اللي خبيثه طبايعها
ومنع الزكاه ولعبة الماكر المحتال = صفات خبيثه طابع الكفر طابعها
مع اكل الربا والغش من شان جمع امال= مصادر رذيله جعل تتلف مزارعها
ومن ضمن ما لاحظت موضه مع الجهال = تقاليد من ديرة هل الكفر مطلعها
عقايد خبيثه خايبه تمسخ الرجال = ارجال تشابه للنسا في تدلعها
كلام هزيل ومنطق به خزي وذلال = حركات ممجوجه يحاول تصنعها
قليل الكرامه والشهامه خبيثالفال = ونفس ضعيفه للمهازل يطاوعها
عن المرجله عاجز على الفسده خيال= يضر البلاد اللي نشا من منافعها
على والدينه هم للمجتمع غربال = صفات الردى والخبث والضعف جامعها
مورّى لهم لكنهم في يد الحبال = شراذم بشر لايمكن الحق يقنعها
ولاعمّ كل الناس بين الرجال رجال = رجال الكرامه والشهامه مطامعها
ارى بالاوادم من يسمون بالابطال = ولكنها ناس قليله نوايعها
ليا جيتهم لفيتهم في المكان العال= عنيفه وقايعها جميله صنايعها
ارجال ليا واجهتهم للحمول اجمال = شريفه مطالبهاوثيقه مراجعها
اقوله وانا لي موقع فوق راس الجال= اوضح اخلول جعل ربي يسنعها

ـــــــــــــــــــــــــ ـــــ
والعذر عن الخطاء والنسيان / علي زيد الفريدي

حياك يا علي بن زيد وطلتك على المجالس اسعتدنا و نتمنى أن تفيد وتستفيد من خلال

مشاركاتك وقراءاتك ورأيك و نشكر تواجدك وتفاعلك .

صح لسانك قصيدة معبرة عن خلجات شاعر تعالج بعض الامور التي لا ترغب ان تكون صفات من صفات الرجال

وكما تفضلت الناس شرائح لا بد أن تكون من شريحه معينة وانتقاء الاقران واجب ....



اكرر صح لسانك وعلا شانك


ونريد المزيد

لاهنت يالبناخي اشكرك وابشر بما يسرك ان شاء الله

.

علي زيد الفريدي

صح لسانك
موضوع مهم تشكر عليه
وحياك في مجالس الطيب .. مجالس ربعك
ودمت بخير

اخوك

صح لسانك اخوي على بن زيد الفريدي

وبيض الله وجهك على هذه القصيدة

وموضوعك هام جدا

اشكرك ودمت في هذا العطاء

وابنتظار روائعك

ولك تحياتي

الاخوة الكرام شكرا على الترحيب وحسن الاستقبال

اخي علي الفريدي

قصيدة جميله ورائعه لاهنت
صح لسانك وسلمت يمينك .....
حفظك الباري ...
............

شكر اخوي خلف على الزيارةالعطره

على زيد تسلم على هذه المشاركه

صح لسانك ........ مشكور