مرثية الشاعر نايف الفريدي بالشيخ جازي الوسوس الفريدي

	الا يا هجوس الشعر ما تنفع الأمثال = شفوف القلوب اللي بالأحزان ملهوده بعد ظلمت ظلماه فوق السهل والجال = على أقصى مدى ما يستطيع المدى حدوده تنهت من لوعة مصيبة وضيقة بال = وهبت لهايب هاجسي من عقب نوده على افراق من فرقاه ما تنفدى بأموال = ولا تنفدى بأرواح ماهي بمعدوده بعد ما رحل عنا على ساقة الرحال = مع الطرقة اللي للمخاليق مشهوده نهاية حياة الحي قبرٍ عليه ايهال = ثرى حفرةٍ في باطن القاع ملحوده الا يا عسى قبر ٍ سكن به كريم اخصال = من الروضة الخضراء مهانيع ٍ وروده قبر جازي الوسوس لطوبى وصل وإيصال = بجاه الكريم المرتجي عفوه وجوده رحل عن هل الدنيا وذكره بها مازال = مآثر فخر في صفحة المجد موجوده بكت له صيان الحيل والكيف والفنجال = بغاديدها ورسلانها ومبخرة عوده وقولة هلا وفزة حجاجٍ قبول إقبال = وبيتٍ من الأقراب وأجنابه وفوده ونخوة عريبٍ لا نتخى للثقيل إشتال = وعلمٍ على رد البراء منه مردوده كريم الخصايل وافي الكيل والمكيال = زبون المكارم غاية الطيب مقصوده طليق اليمين وشامخ القدر والمنزال = نظيف السريره والعرب كلها شهوده على جازي الهجاج ماالوم دمع سال = من عيون محزونٍ جرح حرها خدوده إي والله عليه أبكي وتبكي عليه رجال = قبيله لها ذكره وفعله ومجهوده ولا هو جزع من حكمة الواحد المتعال = رضا بالقضا من فوض أمره لمعبوده لاشك الرجال اللي لهم بالجزال اجزال = عزيزه على أهل الطيب بالطيب مفقوده لعل البقاء باللي لنا بالآمال آمال = حرارٍ على وكر الشرف عنه منشوده على وكر أبو نواف نعم الحرار عيال = عيالٍ على الهقوات بالافعال محموده

الشاعر / نايف بن بادي الفريدي

بكت له صيان الحيل والكيف والفنجال = بغاديداها ورسلانها ومبخرة عوده

يستاهل ابو نواف 000 رحمة الله عليه 0000

وصح لسان الشاعر 0000


والشكر موصول 0000 لحصان القواره 000

الله يرحم جازي الوسوس



والمسلمين اجمعين الحياء والموات



وشكر لك

رحل عن هل الدنيا وذكره بها مازال = مآثر فخر في صفحة المجد موجوده



رحم الله ابا نواف علم من أعلام القبيلة ولكن العوض من الله بعياله

اللهم أغفر وأرحم أخواننا الذين سبقونا بالإيمان وسبقونا إلى الديان

شكراً جزيلاً حصـــــــان القوارة

ذيبان
باسل الجضعان
عبدالله غنام


الشكر موصول لكم لتواجدكم الدائم

تحياتي

رحمة الله عليه ابونواف
ونعم الرجل يشهد الله ويشهدون خلق الله.

وصح لسان نايف

ومشكور حصان القواره

الله يرحم ابو نواف ويسكنه فسيح جناته


صح السان نايف


لاهنت حصان القواره وصح اختيارك

رحم الله والدي الشيخ جازي الوسوس رحمة واسعه
وبيض الله وجهه الشاعر نايف الفريدي على هذه المرثية
والشكر موصول لحصان القوراة على هذا النقل

على جازي الهجاج ماالـوم دمـع سـال
إي والله عليه أبكي وتبكي عليـه رجـال

ونعم الرجل كرم وتواضع وعلم ارجال الله يرحمه ويبدل سيئاته حسنات

وعياله فيهم خير وبركه بأذن الله مانعدم الرجال

مشكور اخوي عادل

الله يرحم الشيخ/ جازي الوسوس ويسكنه الجنه


صــــــــــــــح الســـــــــان الشاعر /نايف بن بادي بن طليحان


الله يعطيك العافيه يالحصان


مشكور يالحصان