قبل شراء سلاح مستعمل

نصائح قبل شراء السلاح المستعمل ،

ويمكن تلخيصها في النقاط التاليه :::

1/ هز السلاح ، اذا طلع فيه اصوات فخله لراعيه ، لكن لاحظ انه بعض الساعات يكون الصوت من مسمار مرتخي او شي مهم مثل الأجزاء الي اهم من المسمار .

2/ تفحص السبطانه وتأكد من انها تخلو من الصدأ ، ملاحظه ( الصدأ مسأله بسيطه يعني لاتدقق فيها لانه الصدأ سببه اهمال التنظيف )

3/ تفحص السبطانه من الداخل وتأكد انها خاليه من الانعواجات ، ترى العوج مايعرفه الا واحد له خبره بالسلاح ، وهناك طريقه يمكن تنفع ، وهي انك تثبت سبطانة البندق بمكان ثابت ويكون مظلم وتحط بالسبطانه كشاف وتشوف النور وين رايح اذا هو بخط مستقيم فكذا السبطانه تمام ـ اذا هو رايح يمين او يسار او تحت او فوق فالسبطانه يبيلها تعديل .

4/ تفحص المكينه وتأكد انها أصليه ، لانه بعض الناس يشترون ختم الشركات ويلزقونه على البندق وبكذا يرتفع سعر البندق اضعاف ، وتأكد ايضا انها نظيفه وخاليه من الخرابات .

5/ تفحص المخزن ( اذا كان السلاح ام خمس ) ، وتأكد انه يسع لأربع فشقات بالاضافه الى الخامسه ببيت النار ، (وفيه بعض الأسلحه تشيل أكثر من خمس ، وفيه بعضها تشيل أقل من خمس )

6/ عب المخزن كامل مع بيت النار واسحب القير بسرعه يعني لقم البندق ورا بعض جرب هل هي تنفض جميع الفشق والا لا ...عشان تتأكد من ان الناتوش يعمل بشكل صحيح .


اما اذا كان السلاح ام وحده او ام بطنين فدخل الرصاص وبعدين عشق البندق وبعدين اكسرها مره ثانيه وشوف هل هي تنتش الفشق ( يعني تطلعه ) والا لا .

7/ تأكد من تأمين البندق انه شغال مع ان الأمان بالله سبحانه وتعالى لكن الاحتياط واجب .

8/ تأكد من وجود قطع الغيار قبل شراء السلاح .

9/ هذي اهم شي / تأكد من ان البندق خاليه من الدهانات ، فبعض الناس يكسر البندق واذا جا يبيعها راح صبغها وقال جديده ابد ماعليها ،,,, لانه صبغ البندق يخفي عيوب واجد .

10/ تفحص الخشب وتأكد انه يكون خالي من الكسر او الشعر . او الخدوش العميقه

11/ اخيرا تجربة السلاح ، وهي المهمه ـ فالتجربه خير برهان .

تعليمات خاصة بالسلامة
شكرا لك ابو راكان على هذه اللطائف الجميلة
والتوجيهات السديدة وخصوصا لاهل الصيد
والمهتمين باقتناء الاسلحة ...
تقبل اجمل تحية على تلك الجهود الرائعةِ

يعطيك العافيه ياأبو راكان

يعطيك العافية

على المجهود

لاهنت ابو راكان

المشاركة الأصلية كتبت بواسطة منصور الوسوس تعليمات خاصة بالسلامة شكرا لك ابو راكان على هذه اللطائف الجميلة والتوجيهات السديدة وخصوصا لاهل الصيد والمهتمين باقتناء الاسلحة ... تقبل اجمل تحية على تلك الجهود الرائعةِ نعم انا وابوراكان ناوين هالسنه جنوب افريقيا منك خوه يالوسوس ابو راكان الله بم خمس سيلان او ام ثمان وتسلم على الاضافه

الله يعطيك العافية أبو راكان على المعلومات القيمة
تقبل مروري

مشكور..على النصيحه