ابو علياء

الوفاء وعدم نسيان الصداقه والزماله من اعظم صفات الرجال الحميده ...
وقبل ايام تلقيت اتصالاً من زميلي واخي العزيز الرائد/ ياسر صالح السحيباني
يبشرني فيه بانه تم تعيينه مديراً لجوازات منفذ الخفجي ...وقد فرحت لفرحه وسعدت لسعادته
ولانه من خيرة الرجال الذين زاملتهم في حياتي اهديه هذه الكلمات :

نورٍ على الخفجي لمحنا شعاعه=لدّت له عيونٍ بعيدٍ نظرها
عانق مراقيب السما بارتفاعه=وغطى النجوم اللامعات وقمرها
وجتني تباشير الفرح واتساعه=ورفعت راسي عزةٍ من خبرها
قالوا ابو عليا تعلاّ.. وباعه=اصبح طويلٍ لاعدمناه واْرها
واللي رصيده من مكاسب ذراعه=يحق له يفخر بغالي دررها
وياسر زرع زرعٍ ونعم الزراعه=واليوم يجني من نوايع ثمرها
الطّيب من طيبه يدوّر شفاعه=والمرجله علّق جواهر نحرها
ومجبولةٍ على الفضايل طباعه=ونفسه على درب المعالي صخرها
عن الرّدى عنده شموخ ومناعه=وبه نخوة الراهي بموقف خطرها
والا الكرم!! معطيه حاتم وداعه=ومحرّصه كلْ فرصةٍ يبتدرها
من منجبٍ ياما تصارع اسباعه=مابين قحطان وعتيبه حَصَرها
الطيب مايجلب عليهم بضاعه=افذاذ قومٍ ماتعاقب جررها
وانا شبابيٍّ تهيّض يراعه=متحمسٍ والعين يقدح شررها
لاقال قولٍ ما بغا به اطماعه=خلٍّ وفيٍ والمشاعر نشرها
ومبروك ياريف الخوي والجماعه=عد النجوم وعد مزهر شجرها

........
وسلامتكم

وياسر زرع زرعٍ ونعم الزراعـه

واليوم يجني من نوايـع ثمرهـا

الطّيب من طيبه يـدوّر شفاعـه

والمرجله علّق جواهـر نحرهـا

ومجبولةٍ على الفضايل طباعـه

ونفسه على درب المعالي صخرها

عن الرّدى عنده شموخ ومناعـه

وبه نخوة الراهي بموقف خطرها

والا الكرم!! معطيه حاتم وداعـه

ومحرّصه كـلْ فرصـةٍ يبتدرهـا

وش نقول غير صح السانك ابوعبد العزيز

والخوي الطيب مكسب

ومعرفة الرجال تجارة مثلك وشرواك

عندليب المجالس
وشاعرنا المبدع اباعبدالعزيز
هكذا تعودنا ابداع مستمر
وحضور مشرف مع كل من تربطك بهم علاقة سواءً في العمل
او المعارف والاصدقاء
دمت متواجدا وحاضر في مناسبات محبيك..
اضافة رائعة جدا صح لسانك ودامت ايامك ....
تقبل اجمل تحية من محب ؛؛؛؛؛؛

الابداع والوفاء لك عادة ماهي غريبة عليك يابو عبد العزيز

تقبل تحياتي وتقديري

صح لسانك ابو عبد العزيز ودائما متألق والوفا من طبعك ...

اخوى

ابو عبدالعزيز


ايها الأسد ماذا أقول تأبا الا التميز صح لسانك وافى دائماً


جزل بالقول والفعل لله درك أيها الأســــــــــد المبدع



تقبل


تحيات أخوك


أبو فيصل

أبو عبد العزيز


صح لسانك

وعلمك غانم

كعادتك وافي مع الجميع

وبارك الله فيك

.
وأنت سالم وغانم يابو عبد العزيز
وصح لسانك وسلمت ودمت
ويستاهل ابو عليا وعساه في زود وعلمٍ غانم
قصيدة رائعة تصب الوفاء في ساحة من يستحق لله درك
اخوك
.

صح السانك وعلي شأنك اباعبدالعزيز شاعرومتمكن من أدواته


وصديق وفي ورجل لك مكانه في قلوب عيال العود


جنيتها بعد ان زرعتها على مدى عدة عقود


ولا000أقول الآ لاتحرمنا من جديدك


وتقبل فائق الاحترام والتقدير

ايها السباقون الى القمم

اف15
مصافحة اولى مكانها القلب ليست محل غرابه لانك ضمن رتل المقدمه دائماً ....
صح بدنك واشكرك على كبير الثقه لاعدمتك ..
....
القلب الكبير منصور الوسوس
دائما ابا محمد تغمرنا بالحب والوفاء وتضعنا ضمن المراتب الاولى لانك من اهلها ...
اشكرك على الحروف التي كتبتها بمداد الشرايين ...
لاعدمتك هامة اعتز بشموخها ...
...........
الفاضل يوسف الطهيمي
مرورك ابا عبد الله وثقتك باخيك من اعظم دوافع البذل لهذا الصرح الشامخ ...
اشكرك على المرور والشعور ..
حفظك الباري
...........
الغالي ابو ماجد
صح بدنك وسلمت لاخيك ...
والابداع حقيقة هو عمق الثقه والوفاء المتدفق منكم جميعا ...
لاهنت
..........
القريب من القلب ابو فيصل
تأبي الا ان تتألق حتى في ابراز شعورك الاخوي الذي لايحتاج الى بيان ..........
متميز ايها الوفي حتى في مداد القلم ضمن منابع تواصلك المتعدده ....
لاعدمتك سندا ..
................
العزيز الاخ ناصر بن راكب
صح بدنك وسلمت لاخيك .....
مكسب لي ان احوز على ثناء المتميزين في مجالس التميز والفخر ....
اشكرك اخي الحبيب على جميل الشعور ..
.........
عقيد القصيد
صح بدنك ومعدنك ..
شهادة اعتز بها ونضح وفاء ارتوي منه ....
ولاشك ان الوفاء هو السمة العاليه بين الرجال وانتم ضمن رواده
اشكرك من الاعماق ..
..........
ابو عمر
ماعليك زود ياتاج راسي ....
ما أنا الا حبة بسيطة ضمن عقد عيال راشد المشع نوراً ومحبة ووفاء ...
والجهود من اجل الوفاء كالصمود من اجل الولاء ..........
اشكرك على خلجاتك الصادقه ومحبتك الصافيه ....
لاعدمتك اخاً وعضداً
..................