يا متعب القلب قلي ويـش غلطاتـي ,,

كلمات محمد العسكر

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’
:الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألهـا ’’

يسكني الحب .. واضح من عباراتـي ,,
وش عاد لجلك حروفي لـو أدللها ’’

عذبني الشوق واسرفـت بخيالاتـي ,,
روح ٍ تحبك دخيلك ليش .. تهملها ’’

ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’

الحزن كنه سفيـري فـي علاقاتـي ,,
والهم خيّم على حالـي .. وطولهـا ’’

اغديت دربي وتاهت فيـك خطواتـي ,,
كل المواعيد مدري ليـش تجهلهـا ’’

سنين احاول وضاعت كـل حيلاتـي ,,:
ماتدري اني ( حيـاة الـذّل ) مقبلهـا ’’

لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي ,,
الكلمه اللي تحزّ بخاطـرك .. قلهـا ’’:
تعال شفني وحـس بحـال لوعاتـي ,,
كن الدقايق بدونـك عـام مطولهـا ’’

متى التباشير بقدوم ( الغـلا ) تاتـي ,,
فرحة زماني بشوفـك مـا تخيلهـا ’’
:
خلاص صبري تعـدى كـل هقواتـي ,,
اتعبت نفسي ( اعزيهـا .. وعللها ) ’’

ابيك تنسى وتدمـح كـل ( زلاتـي) ,,
بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,
دنياي دونـك وربـي ماتحملهـا ’’

:اعجبتني وان شاء الله تعجبكم..

طلال الله يعافيك
قصيدة جميلة للغاية
اختيار راقي دمت بالوجود
صح لسان الشاعر وصح احساسك على هذا الاختيار

مشكور على المرور الحسن

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’



قصيدة رائعة واختيار موفق

الله يعطيك العافية طلال على هذا النقل الجميل

ولك تحياتي

الله يعافيكم

شكراا على المرور

صح لسان


الشـــاعر ومشكور

على


النقــــــل

مشكور على المرور

قصيدة جميلة جداً بااارك الله فيك

اشكرك على النقل

المشاركة الأصلية كتبت بواسطة ابـن مـطــيع

قصيدة جميلة جداً بااارك الله فيك

شاكر لمرورك الكريم