(هيا) عطينـا الحـق هيّـا عطينـا=وان ماعطيتيـنـاه والله لا صـيـح

بداح العنقري

كان من امراء ثرمداء ...

وكان رجل تاجر ...

وكانوا يجونه البدو كل سنه يشترون منه بالدين اغراضهم وحوائجهم

وكان رجل آمين وخلوق وكريم وصاحب مروه وشهامه ...

وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله ....

وحدى السنين جاه احد خوياه يشتري منه وكانت معه بنته مزيونه ....

المهم ان بداح رحب بهم واكرمهم واشتروا منه ورجعوا لديارهم بالباديه ....

فقرر بداح الا ان يتزوج بنت صاحبه ...

وفعلن عقب مامشوا منه وبعد كم يوم من مشيهم ..

ويوم هقا انهم وصلو ديارهم شد على فرسه ولحقهم ...

ايام وليالي لاوالله الا هو واصلن عندهم ....

فرح خويه بالحيل وهلا به واكرمه ...

وثاني يوم قال بداح لخويه انا جايك طالب ايد بنتك (هيا) ...

فقال ابرك الساعات وارخص لي اخذ راي البنت ...

فراح الابو ونشد بنته وبداح يسمع حيث ان صوتهم كان مسموع ..

وقالها يابنتي بداح العنقري جاي يطلبك حليلتن له وش تقولين ؟؟

قالت البنت : هذا حضري .. خيال تصفيح مايصلح لي ولا أصلح له .....

سمع بداح كلام البنت ...

فجاء الابو مستحي وماتكلم ..

قاله بداح ماله داعي الحيا والزواج قسمه ونصيب ..

مير انت بيض الله وجهك وارخص لي هالليله ابي انام والصبح ابي امشي لاهلي...

المهم جاء الليل وعجز لا ينام بداح من القهر من اللي سمعه ان البنت ماتشوفه شي

وانه ماهو شجاع ولا به خير .. فتمنى بس لو يجي موقف يقدر يثبت به وجوده ........

المهم يوم اصبح الصبح مع الفجر ..

يوم صاح الصياح ....

الغزو الغزو ....

اثاري قبيلة ,,,,,,, غازين وماخذين حلالهم ..

فتفازعت القوم والحقوا بالغزيين

وبداح قاعد ايتقهوى ماتحرك ابد

(( لان الضيف مايلزمه شي ))


فجته البنت هيا اللي كان يبيها تناظر له باحتقار

وتقول::: حضري خيال نظره ..... حضري خيال نظره ....

تعني انه بس مظهر ومحتقرته لانه مافزع مع القوم ...........

المهم وهم يلحقون االغازيين واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي ....

وبهكاللحظات والناس والحريم كله طالعه تناظر الحال

فقام بداح يوم شاف ان معازيبه انكسروا

وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله .....

الناس استغربت والبنت اندهشت ... وهو يلحق ,,,,,,

وادخل بينهم واذبح واذبح والبخيت اللي نجا ..

وهو يرجع بالحلال حروة العصر لحاله ... وكانت الناس تستقبله كله ....

واول ما اقبل يم الديره ومعه الحلال اركضت عليه (هيا)

وقامت تهلهل مثل انه تعتذر منه وقابله الزواج به .... فركز رمحه عندها وقال :

الله أحـــد يـامــا غـزيـنــا وجـيـنــاويـامـا ركبـنـا حامـيـات المشـاويـح

ويـامــا عـلــى اكـوارهــن اعتلـيـنـاويامـا ركبنـاهـن عصـيـرن مـراويـح

ويـامـا تـعـاطـت بالـهـنـادي يـديـنـاويامـا كسبنـا مـن حـلال المصاليـح

وراك تـزهـد يـريـش الـعـيـن فـيـنـاتقول خيال الحضر زين تصفيح ؟؟!!

الطـيـب مـاهــو بـــس للضاعنـيـنـاقسّـم علـى كـل الوجيـه المفالـيـح

الـبــدو والـلــي بالـحـضـر نازلـيـنـاكلـن عطـاه الله مـن هـبـت الـريـح

يـوم انجمـر رمحـي خذيـت السنينـاواودعت عنك الخيل صم(ن) مدابيح

(هيـا) عطينـا الحـق .. هـيّـا عطيـنـاوان ماعطيـتـيـنـاه والله لا صــيــح

لاصيـح صيحـت مـن غـدالـه جنيـنـاوالا خـلـوجـن ضـيـعـوه الـسـواريـح

يـاعـود ريحـانـن بـعــرض البطـيـنـاومنيـن ماهـب الهـوا فـاح لـه ريــح

يابـو نهيـد(ن) تـقـل فنـجـان صيـنـاوالا كـمـا بيـضـن للمشـقـا ذوابـيـح

لاخـــوخ لا رمـــان لاطــلــع تـيـنــاولا مشمش البصرة ولا هـن تفافيـح

ويقولون عقب القصيده مشى وخلاها ماتزوجها فقامت هيا من زود القهر وحطت الرمح بصدرها وماتت قهر انها عييت عليه وهو عيا عليها

الطيـب ماهـو بـس للضاعنينـا =قسّم على كـل الوجيـه المفاليـح

---

مشكور ابوراكان على الاختيار الرائع

المشاركة الأصلية كتبت بواسطة f15

الطيـب ماهـو بـس للضاعنينـا =قسّم على كـل الوجيـه المفاليـح

---

مشكور ابوراكان على الاختيار الرائع

حياك عبد الله

ذوقك رائع باختيار الابيات التي هي بيت القصيد

الله قسم الطيب على كل المفاليح من بدو وحضر

وانا اشهد لك بالطيب والحمية (ولا ازكيك على الله) ولكني احسبك كذلك يا الفريدي

والل ماهو بسيط رد الحلال

بس حرام عليه سوي كذا بالبنت ماتستاهل


مشكور ابو راكان على هذه القصة والابيات الرائعة

ودائما موفق في الاختيار الرائع والجميل

دمت على هذا النهج المميز

وتقبل تحياتي

صح لسان الشاعر بداح العنقري

وقصيدة وقصيدة رائعة

ولكن هل فعلاً لم يتزوج بها ؟؟؟

وش يقصد بالبيت!!!

(هيا) عطينا الحق .. هيّـا عطينـا**وان ماعطيتينـاه والله لا صـيـح
لاصيح صيحت من غدالـه جنينـا**والا خلوجـن ضيعـوه السواريـح

تسلم على الاضافة الجميلة من القصص والشعر الشعبي القديم والطريف


قصة رائعة كروعت الانتقاء لديك

ابو راكان لاهنت على هذا الاختيار الرائع
قصة رائعة من الواقع الجميل القديم
ابيات غاية في الروعة وقصة من اجمل ما قرات
شكرا لك يالذيب مواضيعك ممتعة دائما
دمت بخير وعافية

قصة وقصيدة وشموخ فارس

وحسن اختيار للروائع من ذيبان

قصة وقصيدة جميلة جداً
تحقق مقولة الرجال مخابر ماهم مظاهر

مشكور يابوراكان على الأختيار