تمساح

صغيري فهد -يشفيه الله- له مواعيد شبه شهريه في التخصصي بالعاصمه الرياض وتعودت
ان اسافر دائماً بصحبة -رفيقي وقرة عيني جمسي الصالون الـ85 - والذي يسميه -المذي علي الجضعان-
(ابو شبكٍ حمر) وهو في الحقيقه مشهور عند الجميع بـ (تمساح) وعصر هذا اليوم وانا عائد من العاصمه
الحبيبه قامت تعاقب -مع ايمني وايسري- هالجيوب والجموس والكسبلوررات (خصوصاً منها ماتحْمِل مالذ
وطاب) فثارت قرحتي-عفواً-قريحتي بهذه البويتات المحزمه بسيم فاقبلوها مجامله :

(تمساح)

يالله بجـيـبٍ علـيـه ارتـــاحيشـريـه محـمـد وعــزّوزي

عـضـودي الـلـي نـديّــة راحمشكي على غيرهم عَـوزي

ممشـاي للعاصمـه مسـراحواضوي مع الليل -منحوزي-

فـوق الحمـر منـوة السـوّاحجمـسٍٍ لاقفّـى تقـل كـوزي

تطـوفـنـي سـبّــقٍ طـفّــاحولا شافهـن صـار لـه نـوزي

والـيـا بـغـا يعـتـذر تمـسـاحرفعـت لـه مـايـل الـبـوزي

وبـه رقلـةٍ مانفعهـا اصــلاحولا هنـا مساميـر وقــزوزي

وبيبانـه الـلـي لـهـنّ صـيـاح-تفيده- ناحـت علـى فـوزي

والقيـر دايــم طـويـل نـيـاحواديـتـره شـقّــق الـهــوزي

وتمسـاح ياعشقتـي ياصـاحلا تواخـذ العـود -منـقـوزي-

انـت الهويـدي وانـا الملـواحوالحـظ طـيـرٍ ورا الـقـوزي

لـكـن مـعـك دالــهٍ مـرتـاحمـاكـنّــي الا عــلــى روزي

...

وسلامتكم
و ترى يسلم عليكم تمساح

وبيبانـه اللـي لهـنّ صيـاح-تفيده- ناحت على فوزي

عسى ربي يخليك لهم ولا تعتازهم ولا غيرهم ,,, الا لرب العالمين

وعسى ربي يخليك لي وللقبيلة (وانا من القبيلة بهذا انا اكون لي دعوتين واحده عن نفسي والثانيه مع ربعي الفرده)

مبدع دائما وابدا

والله يا ابو عبدالعزيز انها قصيدة رائعة جدا جدا وعفويه

وتفيده وفوزي والقير والاقزوز

صح لسانك

قصيدة رائعة والله يعوضك بدل تمساح في شبح لاشفتها ترتاح ويشفي صغيرك
اسئل الله العظيم رب العرش الكريم ان يشفيه

اسئل الله العظيم رب العرش الكريم ان يشفيه

اسئل الله العظيم رب العرش الكريم ان يشفيه

اسئل الله العظيم رب العرش الكريم ان يشفيه


شفالايغدرسقم

ابوعبد العزيز واحد اثنين ثلاثه لغز يعرفه ابوعبدالعزيز

بصراحه ضحكت من هالقصيده يامحسن الهزاني


وكني اشوفك مع طلعة الغاط مايطلع الى بواحد

والعصر بنمره وبريك مع درب تريله هو وشبكه الحمر تقل سفتي

عموماً

ربي حاليه نغليه من غلاك اباعبدالعزيز وحنا خابرين

ان عندك سيارات احسن منه بس تحب تونسناء

فيك روح الدعابه الله يطزل عمرك

الله يشفي فهد ويقومه بالعافيه ويبر بكم

مرور الرياض يقول فيه حادثه غريبه كل شهر طريق اللملك فهد يقفل
توني عرفت انه انت ببلغهم

هههههههههه

الله يشفي فهد ومايشوف شر
وصح لسانك يامير الشعر

الله يشفي فهد الشفاء العاجل

والله يستر على هذا التمساح

والله ماينفع في الرياض الا هو

ويرزقك الله كل ماتتمنى

وصح لسانك وقصيدة عفوية رائعة

ولك تحياتي

والله انت يبو عبدالعزيز من المكافحين على جميع الاتجاهات وعصاميتك التي تبنيتها وتبنتك من نعومة اضفارك تثبت انك ما شاء الله تتغلب على ظروفك
القاهره فعلا انا على يقين تام ان سيارتك الهديه من ابنائك بالطريق
والمسالة مسالة وقت فقط اقر الله عينك بصلاح الكبار وشفى لك صغيرك فهد
وجعلهم جميعا قرة عين في الدنيا والاخرة
مع سلامي للتمساح
قصيدة فكاهية رائعة وتميز في الابداع لايضاهيه احد
شكرا لك على اتحافنا بها اباعبدعزيز عندليب مجالسنا
دمت بخير وعافية

.

هجينية في تمساح البراري .. الله يكفيك شره
وعسى الله يشفي مريضك

صح لسانك وسلمت ودمت يابو عبد العزيز
وعساك سالم وغانم

كل التحايا

صح لسانك أبو عبد العزيز

:::::::::::: ويعطيك العافيه ::::::::::::::::

والله يشفي ابنك فهد

ويبارك لك بأبنائك

(( ونستنى الله يونسك ))

الغالي ابو راكان

وانا لي دعوة ثالثة ان الله يخليك لنا ويبارك في جهودك في مجالس ربعك
اشكرك على هذه الكلمات العطره لاهنت
.........