وصيه فيصل الرياحي لأبنه بدر

وصيه الشاعر / فيصل الرياحي

رحمه الله

لأبنه بدر

يابدر خذ وصيـه واعتبرهـا وديعـه= الله اعلم متى يابـوك يـوم الوداعـي
يجري العمر والايـام تجـري سريعـه= سرها قبل رمـي اسهومهـا مايذاعـي
يابـدر نحمـد الله ماعلينـا هزيـعـه= رغم بعض العواصف رافعين الشراعي
نطلـب الله يوفقنـا دروب الشريـعـه= ما ندور على دروب الغوى والضياعي
ونطلب الله يجنبنـا الامـور الشنيعـه= لاتعاوى علينـا ضاريـات السباعـي
يابدر ماجنيتـك مـن بيـوت الدنيعـه= النفوس الضعيفه والقلـوب الوجاعـي
يابدر مركزك بين الحصـون المنيعـه= اخذ منا ومن جـدك حميـد المساعـي
يابدر من يحـاول هزعتـك لاتطيعـه= الجبال الشوامـخ ترفـض الانهزاعـي
ومن قطع رفقتك قله يامـال القطيعـه= يارفيق المذلـه مـال رفقتـك داعـي
وكان بعض الرفاقه جاك منهم وجيعـه= قد يكون الفراق افضل من الاجتماعـي
لاترافـق خبيثيـن النبـا والطبيـعـه= سقط ناس سوالفهم تجيـب الصداعـي
يلبسون اقنعه فوق الوجيـه الوضيعـه= وعن وجيه الردى لازم يطيح القناعـي
واجد الطيبيـن ولا تضيـق الوسيعـه= دور اهل الوفا واهل الصدور الوساعي
والصديق الصدوق المحتـرم لا تبيعـه= احتفض به وخلـك للمواثيـق راعـي
واحذر الضحكه الصفرا من اهل الخديعه= حلل افكارهم في مختبـر فكـر واعـي
بعضهم يتخذ من كـل حاجـه ذريعـه= يكرهـون البنـا ويفضلـون التداعـي
ولاتضلي خلاف الناس مثـل التبيعـه= كلمة النعم جاهد وانتزعهـا انتزاعـي
لاتأخـر جـوادك خلهـا فالطليـعـه= خذ مكانك مع اهل المجـد والإطلاعـي
المذمه علـى الانـذال ماهـي بديعـه= والمدايح يحصلهـا طويـل الذراعـي
والتزم في حبـال الله بمـا تستطيعـه= من تمسك بدينه جاء بوجهه شعاعـي
والصبر له عواقـب طيبـه لاتضيعـه= قدر الصبر والله معك وامـره مطاعـي
كم صبرنا على بعض الامور الفضيعـه= نعتبرها من التافـه وسقـط المتاعـي
وكم لي اصارع الدنيا بنفـسٍ شجيعـه= واجتهادي يحقق لي نتيجـة اصراعـي
اتفاول بخير ودم وجهـي مـا ابيعـه= كل شـيٍ يبـاع الا الحيـا مايباعـي
اعشق العز.. واحب الحيـاه الرفيعـه= واكره الارتخايه وارغـب الارتفاعـي
واتواضع لسمحين الوجيـه النصيعـه= واترفع عن اهل الزيف واهل الخداعـي
يابـدر لاتلفـت للعـقـول الخليـعـه= قدر الراس قدره لاتحسـب الكراعـي
كم سمحنا وسامحنا خطـات الخميعـه= حشمـة الطيبيـن وقصـرة للنزاعـي
ما عرضنا لحمنا للوحـوش المجيعـه= لو شربنا من الحنضل وسـم الافاعـي
ولن وردنا خصومة حـق والا نزيعـه= عظمنا ما يلين نكيل صاعـن بصاعـي

صح لسان ابو بدر

وشكرا أبو راكان على النقل

صح لسان ابو بدر

والله يرحمه برحمته الواسعة

ومشكور ابو راكان على هذا النقل الرائع

ولك تحياتي

المشاركة الأصلية كتبت بواسطة سعودي

صح لسان ابو بدر

وشكرا أبو راكان على النقل

شكرا جزيلا لمرورك بمتصفحي ايها النبض الجديد والعضو الجديد


شرفت ,,, تشريف من غير تكليف

والله يحييكـــ بوسط مجالس الفرده


حياك الله ( سعودي)

قصيدة رائعة ووصية اب مشفق على ابنه
سبحان الله ما اجمل ان يكتب الاب وصية خاصة لابنه
رحم الله الشاعر رحة واسعة
وسلمت اخي ابا راكان على هذا النقل الجميل
تقبل اجمل تحية من محب

والله يرحمه برحمته الواسعة

ومشكور ابو راكان على هذا النقل الرائع

ولك تحياتي

الله يرحم أبوبدر ويسكنه فسيح جناته


يابدر خذ وصيـه واعتبرهـا وديعـه ***الله اعلم متى يابـوك يـوم الوداعـي


ولاهنت أبو راكان على هذا الإختيار

صح لسان


الشـــاعر فيصل الرياحي

ومشكور

على


النقــــــل