الشاعر عايض عبهول الظفيري

24-01-09, 04:50 AM

الشاعر عايض عبهول الظفيري

اخترت لي فضة كلام اتحكيني=وبعت الذهب واللي يقول الذهب صمت
شاعر وأحس بثورة الشعر فيني=مقدر على كتمانها لا تألمت
جيتك يابوظبي وأبي تفهميني=انا شعوري غير مهما تكلمت
تعبت من منفى الكلام اعتقيني=حلمي فضا ياسع جناحي ليا حمت
انا أحسّك يابلد تعرفيني=بك حزن يجذبني وانا لأجله أقدمت
حزن النوارس والبحر مشتهيني=وانا مع أحزان الصحاري تأقلمت
للناي للحزن العتيق اعزفيني=لجباه تصرخ ياتعب كم تأثمت
لصدور ناس أحسّها تحتويني=لوجيه ناس بطيبها كم توسّمت
انا احسّك يا بلد تشبهيني=شمتي وانا مثلك عن الناقصة. شمت
قولي لشعر الغيرلا يحتريني=انا بعيد إن طحت وأبعد ليا قمت
ابني وطن واحلام بيني وبيني=ويا كثر مابيني وبيني تهدّمت
حزين لكنّ الشوارع تبيني=شاعر وأغني حزنها وين ماهمت
يعني ليا مرّت سحابة بعيني=قولي لهم شاعر وفي دمعته نمت
والشعر عمره ما يجي صدقيني=ألا بحزنً لو كتبني تلعثمت
من كنت طفل وشاغبتني سنيني=والشعر أجمل ما كتبت وتوّهمت
ألوذ به عن كل مايعتريني=وألقاه لا منّي بنفسي تزاحمت
انسان حلمي جمرة في يميني=لولاه ماكنت بحياتي تبسّمت
كن الحياة بكبرها تقتفيني =وأنا على مايسّر الله تقسّمت
لأجلك ياغيّاثة شقاي وحنيني=ياموجدة نار السهر كل مااعتمت
عقبك وأنا كل الظلام يغزيني=لكن على خبرك ولاعمري أظلمت
لازلت مشرع بإنتظارك تجيني=علّقت نفسي بالأمل ماتندّمت
هذا الأمل عيّا في يوم يعصيني=مامرّ صبح إلا بقلبي تولّمت
لله ياكلّ إنتظاري عطيني=شعري , أنا شعري بدونك صدى ..صمت