الله يا هن يا جماعه لطيفات

هذي قصيده للشاعر حمد السعيد

بالنسبه لي مؤيده بكل كلمه قالها

للزين قالوا من قديمٍ علامات=عينٍ ومبسم والجسموالرشاقه
لكن كسر هالقاعده هالمتينات= من واقعٍ ما هو كلام وبلاغه
اللي محليهن ولو هن ثقيلات= دايم خفاف الدم وفيهن لباقه
الله يا هن يا جماعه لطيفات= وعن الكلام الحلو فيهن طلاقه
ما هو ضروري بالرشاقه رشيقات= وزود الوزن ما هو بيعني اعاقه
صحيح بعض اللبس يعني اهانات= الوزن بالضيق عديم العلاقه
بس مو ضروري يبلسن استرتشات= يا زينهن واللبس واسع نطاقه
لا بارك الله فيك يا الضيق بالذات= ترى السعه مرات تعطي اناقه
قابلهن الله بلا رجيم ورياضات= بأهدي لهن مني من الورد باقه
هن دفء هذا المجتمع هن رقيقات= هن ملح هن سكر لذيذٍ مذاقه