15-01-09, 02:00 AM
|
المشاركة رقم: 1 |
| المعلومات | | الكاتب: | | | اللقب: | مصمم محترف
| | الرتبة: | | | الصورة الرمزية | | | | البيانات | | التسجيل: | Jan 2009 | | العضوية: | 1871 | | الاقامة: | القصيم | | الجنس: | ذكر | | المواضيع: | 244 | | الردود: | 841 | | جميع المشاركات: | 1,085 [+] | | بمعدل : | 0.19 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر قصيدة قديمة في حرب
[ بسم الله الرحمن الرحيم
السلام عليكم ورحمة الله وبركاته
قصيدة قديمة في حرب
يامن سـأل عنـي وللعلـم نشـاد =إني صبي من حرب أهل السـدادي
اللي لهم تاريـخ يشهـد بالأمجـاد =ومعروف عند الحاضرة والبـوادي
يا المستمع لحظات بأنبيـك بمـراد =و أعطيك نبذة لا تصيـر إنحيـادي
ترى الكلام الزين هو ملحـة الزاد = ولا عّد أنا قولي على غيـر قـادي
اسمع رعـاك الله كـلامٍ بالأوكـاد = مـا ينقـل سيـفٍ بليـا غـمـادي
منا أخو حسنـاء للمعاديـن مبـراد =مقدم حمول الخيل طلـق الجـوادي
شريدة الفرسـان كسـاب الأسعـاد= مضراب سيفه بالنحـر والثنـادي
ومنا أخو دلهـا بالمواقيـف سـداد =طير السعد يعجبك وقـت الهـدادي
هذاك ابن سعدى عمى عين الأضداد =عوق الخصيم ان جاء نهار الطـرادي
وابن نحيت اللي على الطيب معتـاد =فرز الوغى و ان حل وقت السـدادي
وابن جزاء نفخـر بعلمـه ونـزداد =ريف القطين اليا حدا القوم حـادي
و نويشي اللي قصته ذكرهـا سـاد =دون الخوي ما ذاق لـذ الرقـادي
ومنور غدا لنحور عدوانه أضهـاد =حرز الذليـل بماكـر العـز بـادي
وأذكر ابن ناحل عن الضيف ما حاد=منـزال بيتـه شامـخٍ بالحـمـادي
ونعيس صيته مشتهر بيـن الأولاد =مـورّد الهيـاب بـيـر الهـجـادي
ومنا أخو نمشة بالنبأ ابـن حمـاد =له ماقفٍ مشهود مـا هـي دوادي
و ابن جديـع بوقفتـه فـك الأذواد =وسلمان أبو خالد رفيـع المبـادي
وفيحان أخو نورة جهد نفسه جهاد =ومانع أخو فـزة ضديـد المعـادي
ومنا البلالي ماقفـه درع وإسنـاد =فك الدخيـل وفـي حياتـه مفـادي
ومنا الذويبي له مع الطيـب ملكـاد=وبن صميعـر بالكـرم لـه مـزادي
هذا مقيـل وغيرهـم بـد و أبـداد=ذكرت روس أقلام حسب اجتهـادي
صعبٍ أبا أحصيهم جماعات وأفـراد =أمـور تجهلنـي كثيـرة جـدادي
ذكرت موجز ما تقصاه مـن غـاد =بإسم قبيلة حرب عنهـم وأحـادي
ربعي مواقفهم على روس الأشهـاد =ويطوعـون اللـي براسـه عنـادي
من يومها غزوٍ على دور الأجـداد=تعـرف مواقفهـم بقـدح الزنـادي
صـوارمٍ فـي قمـة المجـد رواد =ووقفاتهـم فيهـا ثبـات و ركـادي
ربعي ذرى وجهي عن اللاهب الحاد =سيفٍ أعـده مـن سيـوفٍ حـدادي
وكل القبايل فيهم شيـوخ وأسيـاد=مـا أذمهـم والله عليـم بمـرادي
شي ٍ عرفت وشفت مانـي بجحـاد=لهـم حقـوقٍ وافيـات و مبـادي
واليوم هذا كلنا أخـوان وأعضـاد=وأنا أحمد الله حـدر رايـة بـلادي
و إن جاء مجال و صار للعلم ميراد =حربي و أمثل حرب بإسمي وأنادي
وودي بشورٍ فيه توجيه و إرشـاد =يالله عسى منـه الهـدف يستفـادي
واللي ماهـو لله حتيـش لـو زاد=تـرى مصيـره للفنـا والنفـادي
للكيـف شرابـه وللشعـر نـقـاد =واللي يتيه الـدرب ينقـال غـادي
ترى التكاتف فيه منهـج للإسعـاد=والتفرقـة فيهـا طريـقٍ محـادي
من يفرق الثنتين عن درب الأجواد =واللي يزل يضيـع مـع كـل وادي
ومن لا نفع ربعه رجع نقص ما فاد =لوكان طامع في غـزال الشـدادي
يرجح به الميزان ويشوف الأزهـاد=وش عاد لو هو في نعيـم البـرادي
تقبلوا خالص تحياتي
التعديل الأخير تم بواسطة منصور الوسوس ; 16-01-09 الساعة 12:08 AM |
| |
رد: قصيدة قديمة في حرب 
العرض العادي
