قصيدة راكان بن حثلين في جواده

البدو يا خالد نووا بالمحالي= وأنا ثمر قلبي قعد بالجوافير
يبغوان براق سمر له أشغالي = تصبح اقنوفه عقب سيله مزابير
والكبد قاليها من الحزن قالي= وقلب الحطا كنه على قالي الكير
على جواد مثل ظبي الرمالي = مثل العنود اللي ترب الدعاثير
العنق عنق اللي شطنها الغزالي = واذنين مثل ملفقات الكوافير
وكن صدرها حزفن من البزغالي = أو باب حضر ربعوه النجاجير
وذرعان مثل ملحيات السيالي = وسيقان مثل مهدفات النواعير
جنوبها عدت ابنوق الجلالي = والحارك أشعى مثل رسم على بير
وجنبين ما قاست عليها الحبالي = ولا وثرت فيها ضروس الشنابير
والذيل هملول قفاه الحبالى = في عرض مطار حقوق الشخاتير
اوصافها لا من زواها الحيالي = قرناس هاوي من رفيه المواكير
يا طول ما تثني الجاذي التوالي = وعدا الولي منها بحسن التدابير
ولا عاد من فعل الولي احتيالي = جاها سهمها من ولي المقادير
يبكي عليها جل ذود متالي = لا بكر الوسمي امزونه مباكير
كم قلطتهم صوب زين المفالي = في خايع عقب المطر ما بعد زير
ويلا غدا الصمان مثل الزوالي = وزافت جويات الهمل بالنواوير
وانش على القرعأ سحاب اثقالي = من فيصل حط الخبيرا مياسير
يضفى على السوبان سيله رهالي = منه القوارش فاخت المجاحير
اليا اكبر نبته في الوطأ والعوالي = انواع نبته غادي له تفاكير
ترعاه دق أذوادنا والجلالي = حلايب الفرسان وقت المصافير
شقاح يزهاها بزين الدلالي = صفر عليهن مثل وصف المقاصير
تبرا لها الفرسان في كل حالي = وترعى بها القب المهار العياطير
يرعى بهم راعي القطيع الهزالي =ويرتع ولو جاه النذر والشعاثير
وان هج زمل معكرشات القذالي = وتوايقن من فوق عوج المخادير
وكمل يقين محذقين العيالي = وخفوا وخلوا خلفهم والمصاغير
وثار العجاج وكثر فيه القتالى = ولحقوا يبون مثقلات المضاهير
لاجن مثل مخزمات الجمالي = وتزاحمن قحص الرمك بالمناعير
وذكر عليه الدين في الاجتوالي = ولدن القنا في ايد الوجيه الممسافير
نلحق على قب شعاها الحيالي = قحصن تخافق مثل وصف المعاشير
وليا حدوهن مهملين الحبالي = تحششوهن من ثقال القناطير
لو ما جناح الطير يبغى التوالى =عشاه من نظم العيون المقاصير
وجذي الحصان ورفع الثقالى =وجنك رياع مبعدات المعاذير
وصلاة ربي عد رمل السهالي =على نبي خصه الله بتقدير

اللهم صلي وسلم على عبدك ورسولك محمد

وتسلم على نقل هذه القصيدة التي تحكي تراث الآباء وحبهم للخيل وحاجتهم لها في الحروب وغيرها

والحمد لله على نعمة الأمن والأمان في هذه البلاد

المشاركة الأصلية كتبت بواسطة ناصر بن راكب

اللهم صلي وسلم على عبدك ورسولك محمد

وتسلم على نقل هذه القصيدة التي تحكي تراث الآباء وحبهم للخيل وحاجتهم لها في الحروب وغيرها

والحمد لله على نعمة الأمن والأمان في هذه البلاد

مشكور على المرور اسعدني مرورك

صح لسان


الشـــاعر ومشكور

على


النقــــــل