04-01-09, 10:22 PM
|
المشاركة رقم: 1 |
| المعلومات | | الكاتب: | | | اللقب: | مصمم محترف
| | الرتبة: | | | الصورة الرمزية | | | | البيانات | | التسجيل: | Jan 2009 | | العضوية: | 1871 | | الاقامة: | القصيم | | الجنس: | ذكر | | المواضيع: | 244 | | الردود: | 841 | | جميع المشاركات: | 1,085 [+] | | بمعدل : | 0.19 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر قصيدة (يالله انـك لاتـعـود العسكـريـه)
=][color=4B0082
قصيدة (يالله انـك لاتـعـود العسكـريـه) والرد عليها
الشاعر عواض العطشان الشلوي من اشهر شعراء قبيلة الشلاوى قال هذه القصيدة قبل حوالي سبعين سنه
حينما انتظم في السلك العسكري وحيث انه بدوي ليس متعود ان يامره احد قرر ان يفصل وقال هذه القصيده
التي كثير من الناس مايكررها دون ان يعرفوا من قائلها :
وهاذي قصيدته
يالله انـك لاتـعـود العسكـريـه
والزمان اللي على البدلـه حدانـي
لبسونـي لبسـة ماهيـب لـيـه
درعونـي باللبـوس المشبهانـي
دربونـي مثـل تدريـب المطيـه
والصعب منـا يعـود مطوعانـي
العريـف المستلـم طبـق عليـه
والخفارة طولـت والنـوم جانـي
يالله انــك لاتحملـنـا زريــه
حيـث حنـا للمعاصـي ماندانـي
يا وجودي وجـد حُمُـراً عيدهيـه
ساقطاً منها الحقب ويـا البطانـي
فوقهـا قرمـاً ببـاكـوراً قـويـه
من وراء العارض يبا دار اشهراني
قطّـر القربـه وقــدم قيهمـيـه
مع زوال الظهر يوم الشوف دانـي
هسها العرقـوب والديـره رديـه
لين دم الجوف بالذرعـان حانـي
او وجوده وجد عَرَباً فـوق طيـه
في لهيب القيض معطيتـن ثمانـي
هملـن اعيالهـن بـارضٍ خليـه
واصبحـن اعيالهنـه ذيهابـانـي
يوم جـن البيـر ليهـي جاهليـه
ماعليـهـا لا ورود ولامحـانـي
بركن بالشمس تصهرهـن شويـه
كل منهن كنه الخـرص العمانـي
لو بغيـت ادلـه الطـاري عليـه
واستحس القلب والهاجوس جانـي
يوم اشوف الدين مرتجـدن عليـه
والظهر عريان والجوع ايحدانـي
طالباً رزقـاً تحطـه فـي يديـه
ماعلى بابـه شريـف ولاهدانـي
وهاذا رد الشاعره الشمريه على قصيدته
وسِّـع الملعـب لـقـاف الشمـريـه
وسّعـه للحـق أنـا بطْلِـق عنانـي
خلنـي لا تْحِـط قيـدك فـي يـديَّـه
ولَّعَـتْ ألفـاظ شعـري و المعـانـي
جمـرةٍ كتمانهـا صـعـبٍ علـيّـه
كـل شاعـر لا كِتـم شعـره يعانـي
يشتِعل مـن شـان يسْتهـدي بضيّـه
كلّ طرقي فـي دروب الليـل عانـي
هزّني شاعـر سمعتَـه فـي عَشيّـه
( عسكريٍ ) يشتكـي مـرّ الزمانِـي
قـال ( ربـي لا تعـود العسكريـه )
( و الزمان اللي على البدلـه حدانـي)
قلت أكيـد الرجـل واقـع فـي بِليّـه
أو مصيبـه صكِّتـه بيـن المحـانـي
قـال وشـو ( درّبونـي كالمطيّـه )
و اتِضح مقصود شعره لـي وِ بانِـي
طار قلبـي و أثـري الدعـوى كِذَيَّـه
ما أقـول إلا يـا دانـه دانـي دانـي
استلمها جَتْـك نِصـح اخـتٍ لِخيَّـه
ولا أبي مـن وقتـك إلا لـي ثوانـي
قُمْ وِ صلـي و اردع النفـس الشِقيّـه
و احمد اللي يرتجيـه إنـسٍ و جـانِي
الله اللـي مـدّ لـك رزق و عطـيّـه
حـرِّك بحمـده يدينـك و اللـسـانِي
كان شغل (العسكري) متعـب شِويَّـه
قبلك اللي من التعـب عـضّ البنـانِي
الرجـال اللـي يخوضـون المنـيّـه
كـلّ صعـبٍ يَحْمِلُـون إلا الـهـوانِي
إسأل الصحراء وِ صمـت المهمهيّـه
عـن فعايلهـم وِخِـذْ منهـا البـيـانِي
كيف شقّوا بالصخـر مجـرى وِ مَيّـه
كيـف عاشـوا مِـعْ ذيابتهـا بأمـانِي
صادقوا فـي مشْيُهـم شمسـه وِ فَيّـه
وِ عْقِدوا مَعْ بـرّده و قيظـه رهـانِي
كلّ من لـه نفـس صبَّـاره و حَيَّه
بـإذن ربـي يقطـف ورود الأمانـي
لا تِشَكّـى ... أشهـد إن العسكريـه
غِصن رزقٍ وارفٍ رطْـبٍ وِ دانـي
كَمِّ بيـتٍ مـن وراهـا شـبِّ ضيِّـه
يغْرِفـون اللحـم دايـم بالصـوانـي
و كـم راسـب بالفصـول المدرسيّـه
ما لقى فـي غيرهـا رزق و مكـانِي
( جندي ) و راتِبْه خمسُ وكـم ميّـه
نعمـةٍ مـا يجحـده غيـر الجـبـانِي
اضربوا ( للعسكـري ) أحـلا تحيّـه
لَوْهُ ( جندي) أشهـد إنـه راعِ شـانِي
حَيِّ (عَينه) لا غَفـتْ عيـن البريّـه
أسْهَرَه لجل الوطـن حـبّ و تفانـي
اللي لا صِحْنا رمى ( روحه ) هديّـه
يوم غيره مـن غـلا روحـه أنانـي
لا تلومـونـي بـحـب العسكـريـه
لـو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِـديّـه
رزق(ابوي)وْشِغل(اخوي) بهالزمانِي
و أنـا بنـتٍ لا جحـود ولا غبـيـه
و احمد اللي بالرضـا دايـم كسانـي
في ردودي دوم لي ب(النصـح) نِيّـه
لا طلب شهره ولا هـو شـي ثانـي
عِنْـد هـذا البيـت وَقَّفـتْ المطـيّـه
وِ اكتمل ردي عسى المقصـود بان
|
| |
رد: قصيدة (يالله انـك لاتـعـود العسكـريـه) 
العرض العادي
