02-01-09, 01:05 AM
|
المشاركة رقم: 1 |
| المعلومات | | الكاتب: | | | اللقب: | عضو مؤسس وإداري سابق
| | الرتبة: | | | الصورة الرمزية | | | | البيانات | | التسجيل: | Apr 2007 | | العضوية: | 30 | | الاقامة: | بوابـــة الوطـــن | | الجنس: | ذكر | | المواضيع: | 1582 | | الردود: | 6938 | | جميع المشاركات: | 8,520 [+] | | بمعدل : | 1.32 يوميا | | تلقى » 3 اعجاب | | ارسل » 3 اعجاب | | اخر زياره : | [+] | | معدل التقييم: | | | نقاط التقييم: | 128 |
| الإتصالات | | الحالة: | | | وسائل الإتصال: | |
| المنتدى :
مجلس المحاورات والمساجلات الشعرية  تكفى تشهّد يافهد وإقـر آيـات=الموت جانا والظـروف اجبرتنـا
هذه قصيدة لواحد شراري وانا لااعرف اسمه
ولكن القصيدة مشهورة بالجوال
وهي قصيده عن الطائره وعن سفره بها من القريات
والخوف الذي عاناه من السفر عبرها وانها معجزه
ويروي لنا هذي القصه بقصيده فكاهيه وممتعه
وهو يقول ::::
ودعت ناجح من مطـار القريـات= يوم اركبونـا الطايـره واشلعتنـا
لفت ودارت وامرجت بين لحظات= لولا الكراسـي والمحـازم رمتنـا
طاروبنا حمر العلابي خواجـات= صغر العيـون وجيهـم هولتنـا
تكفى تشهّد يافهد وإقـر آيـات= الموت جانا والظـروف اجبرتنـا
جانا المضيف قال وش في خدمات= قلـت نزلونـا ابطونـا موجعتنـا
من قبل أشوف الغيم دون السماوات= واليوم اشوفه يافهـد مـن تحتنـا
عزالله اني ما حسبـت الحسابـات= والآ تـرى سيـارتـي موصلتـنـا
يازين ممشا الارض لو هي مسافات= لنـا بشعيـب مجهزيـن قهوتنـا
وش جابني لطايـره والمطـارات= والله معـود اركوبهـا ان نزلتنـا
لو تنفجرقامـت تذيـع المحطـات= رح عاد دوّر قشنـا مـع اجثثنـأ
**********
وقد رد علية الشاعر / عــــــــــــوض عــــــايض الرشيدي
وهو من سكان المدينة المنورة
وهذه القصيده يقول فيها :::
حي الجواب وحي كـل الشـرارات= معربيـن اجـدود فـي مملكتـنـا
من كـل قلبـي لشـراري تحيـات= الي نضم جـزل القوافـي وجتنـا
عبر الهواتف واعجبت كـل فيئـات= المجتمـع كلـه يقـول اعجبتـنـا
قصيدتـه باالطايـره والخواجـات= الي صفتهم غيـر ماهـي صفتنـا
يقول كن صار بـالارض هـزات= يـوم الخواجـه تلـهـا روعتـنـا
ولحظه وداع الارض شاف المتاهات= فـوق الغيـوم الطايـره دوختـنـا
لحظه سكون وصمت مابه حركـات= على الكراسـي رابطيـن احزمتنـا
وسيطر عليه الخوف ما من سلامات= ويقـول عـن ركوبـهـا توبتـنـا
قصـه حقيقـه ولاهـي خـيـالات= وماقال كله صـدق فـي مصلحتنـا
والخوف ماهو من صفات الشرارات= الا مــن الله تـكـده معرفتـنـا
اكيد يمزح يوم شـاف المضيفـات=يقول شفت المـوت فـي طايرتنـا
والحكي ماينفع بشيـن اليـا فـات= وبعض المواقف خارجه عن لغتنـا
والخوف وارد والمشاكـل كثيـرات=وقصيدتـه بالطـايـره ذكرتـنـا
بالخوف عند اقلعها صـدق بالـذات=والله ملومـه معـجـزه عجزتـنـا
سريعتن تطـوي بعيـد المسافـان= ولو يختلـف مسارهـا زعزعتنـا
بين السما والارض مالها محطـات= صنـع الخواجـه كلنـا خوفتـنـا
والصدق واضح ماعليه اعتراضات= وقصيدتـه بالطـايـره شجعتـنـا
على اختيار الرد في جملـة ابيـات= ومنه السموحـه كـان مـا جملتنـا
والموت لا جانـا يجينـا مفاجـات= بالطايـره ولا علـى الارض متنـا
*********
ثم رد عليه الوايلي ( عنزي) بهذه القصيده :
يـامــودعٍ نـاجــح بـمـطـار الـقـريـات = قصـتـك لــو تضـحـك تــرى حيرتـنـا
يـالـيـت مـاقـالـوا تـرانــا شــــرارات = ليـت الـخـوي قــال لخـويـه سكتـنـا
هـذي قبيلـة(ن) تنـعـرف بالشجـاعـات = كــلاً تـقــول مـــن القـبـايـل غـزتـنـا
بالطايره لو مت من عرض من مـات = ولا قــلــت ان الـطـايــره خـوفـتـنــا
بالطـايـره خـايـف وبالـقـلـب دقـــات = قـلـت العـيـون الـلـي تبـيـنـا بكـتـنـا
لا تفتخـر بالـخـوف وتسـجـل ابـيـات = لـو انــت مــا سجلتـهـا مــا شمتـنـا
الناس يا ابـن النـاس ترقـى درجـات = هــــذي رجــــال بـوقـتـنـا علـمـتـنـا
شف الشجاع اللي يرقى بالطويلات = فـوق القمـر يحمـل عـلـم مملكتـنـا
سلطـان بـن سلمـان زبـن الوميـات = الــلــي فـعـولــه بــــدوٍ شـرفـتـنــا
هــذا كـــلام الـوايـلـي بـالإشــارات = يـــوم الشـمـالـي قـصـتـه زعلـتـنـا
والختـم صلـوا باسـم رب السمـوات = علـى الرسـول المصطفـى خاتمتنـا
ثم رد عليه أبن مطرود الشراري بالتالي :
هـذا حديـدٍ مـا يعـرف الشجاعـات = ولـهـو آدمــي وتخـوّفـه مرجلتـنـا
عنتر بلـش بالثـور صابـه مخافـات = لا سالمين مـن بلشتـه وابلشتنـا
يالوايلي لا تشك مـا بنـا مشكـات = الآوادم كـــلـــهــــا عــارفــتـــنـــا
حنا نحب الضحك بالشعـر وابيـات = لو قلت خـوف النـاس مـا صدقتنـا
كل ما سمعته بالقصيـده دعايـات = لا يصـيـر شــك الطـايـره خوفتـنـا
المرجلـه معنـا عليـهـا شـهـادات = إن مــا شرينـاهـا تـراهـا شـرتـنـا
لو ندعي بالخـوف مـزح وخرافـات = والحـرب خبـه للجيـوش اجهلتـنـا
إلى انسحب يرجع بقوه وهجمات = ليـن العـدو ينحـاش مـن منطقتنـا
وان كان سلطان ارتفـع للمجـرات = قبـلـه امريـكـا وروسـيـا سابقتـنـا
خل المحاور بينـي وبينـك بالـذات = لا تـدخـل الأمــار فــي سالفـتـنـا
|
| |
العرض العادي
