والعب على المتنين واقول ؟؟

ورحمة الله وبركاته

انقل لكم هذه القصة الواقعية والتي حدثت وتحدث في ايامنا هذه..
والقصد اخذ العبرة ...ومن ليس فيه خير لوالديه فليس فيه خير لزوجته واولاده..
أترككم مع القصة.....
.




هنا هاك الرجال اللي مارزقه الله الا بولد واحد,فرح به واستانس وصار

كل ماراح لمكان ياخذه معه يبيه يصير سنع ورجال من يومه صغير .

لكن تجري الرياح بما لاتشتهي السفن على قولتهم

مات الابو,
وترك ذا الولد مع امه,الام ماقصرت في تربية ولدها ودته عند

ناس علموه الفروسيه والرمايه الين اشتد عوده وصار رجال يعتمد عليه

بعد الله ,الام مع الوقت كبرت وصارت معاد تقوى تمشي يعني تحرولت

بمعنى اصح وصار ولدها هو اللي يقوم بالبيت من طبخ ونفخ ,وصار

يرعى امه وينقلها من مكان لمكان ومن ربعه لربعه.


كان في قبيلته بنت معجبها خوينا ذا اللي بار بامه واكثر شيء معجبها فيه

حرصه على امه ورعايته لها.

صارت تتحرا له عند الماء عشان تشوفه وعشان يشوفها ومع الوقت

وزيادة النظرات والغمزات حبها وصارت معشوقته وصارو يتقابلون

عند الماء دايم.

البنت قالت اخاف اذا تزوجته ينسى امه؟<< ما عاد في مثلها :s

لكن انا بسوي فيه مقلب ان بلعه وخيّب ظني سحبت عليه وان تعداه

بسلامه واصلت دربي معه.
وش سوت البنت؟

وصت عجوز من عجز ديرتهم وقالت لها روحي لم الرجال الفلاني وقولي له

اني انا ودي به حليل لي.

وما يصير حليلي الا بشرط صغير ,وذا الشرط انه يصرف امه لاي مكان.

راحت العجوز وقابلت الولد وقالت له وهو اللي يستانس ويسفهل وقال لها

وشو الشرط؟

قالت له انها ماتبي امك معكم في البيت لان ما ودها تخدم على وحده

محروله,ودها لم خالك بعض الوقت كود ان الوضع يعجبها فيذاك

وتجلس عنده.

قال لها تعالي بكرة عشان تاخذين الرد.

جت العجوز من بدري اليوم الثاني مسرعه ودها تعرف وش رده

المهم يوم وصلته قالت هاه وش قلت؟

قال لها :قولي للي مرسلتك ذا الابيات:




علمت ان دافي الحشى مرسل لـي
رساله تدعينـي اصخـي بفرقـاه
ان كان ماصيـد الحبيـب تغلـي
قم يانديبـي انقلـع انـت وايـاه
امي ولا له عـن ظلالـي مظلـي
والا الغضى وان دور الظل يلقـاه
امي ليـا شافـت خيالـي تهلـي
والا الغضى وان شاف زولي تحلاه
اربع سنين وديدهـا سقمـة لـي
والعب على المتنين واقول يايـاه




خذت العجوز القصيده وهي متنرفزه وراحت للي مرسلتها لانها كانت تتوقع

ان ذا القصيده بتضيّق صدرها وصلت لها قالت لها القصيده ويوم سمعتها

البنت وهي اللي تطير من الفرح لانها عرفت ان مافيه امل انه

يفرط في امه. وفعلا تزوجها وصارت هي اللي تخدم امه .
وقالت : من فيه خير في أهله , فيه خير للناس . ومن حفظ والدته سيحفظني

( (فاعتبر يامن ضيعت حقوق والديك ) منقول

مشكور على النقل الهادف

مشكور على المرور اسعدني تواجدك

مشكور على القصة القيمة والهادفة

وسلمت يداك اخي على هذا النقل

ولك تحياتي

مشكور يااخي اسعدني مرورك

قصة ممتازة وناقلها افضل من الممتاز ( من الخمس الاوائل )

مشكور على المرور اسعدني تواجدك

يعطيك العافيه

على النقل

تسلم يمينك.........