قصة : الأيام

( القــصــة )




وصلتني قبل يومين رسالة على الجوال وبدون اسم , يعني رقم بس .
والرساله فيها أبيات وبدون أي كلمة أو تعليق , والرقم غريب شوي ,,,
أطالع بالاسلوب , يمكن أعرفه من بعض كلماته أو ( قاموس مفرداته )
انتظر دقايق يمكن الرجال يتصل , مافيه فايده , ماعرفت الرجال .
انتظرت ساعة يمكن يدق على الجوال , وأكيد الرجال حاده من الامور شي ومنحرج ويبي يشوف وش ردي ,
المهم ماكلّم ولا أرسل رساله ,
فقلت خلني أعلمه باللي عندي وأكيد إنه شروى من يسمع ( يقرا ) فأرسلت له المعنى أوالمضمون جواباً لرسالته .
وكانت رسالته هي :

سـلام مـن سـاق المعانـي بترتيـبســلام مــن دنـيـاه مــرآ وحـالــي

سلام من ضافه جروحـآ معاطيـبسـلام مـن يسهـر طـويـل الليـالـي

سـلام مـن عينـه لهـمـه معـازيـبسلام مـن شمسـه عليهـا الزوالـي

سـلام خالـي مـن جميـع العذاريـبسـلام مثـل الشمـس نـوره يـلالـي

سلام لو يقـراه مـن صابـه الشيـبطـش العمامـه وأحتـزم بالعقـالـي

سلام لو يسمعـه راعـي المخاليـبعن هـدت المقنـاص جـاه إعتزالـي

سلامآ أقوى من عوى الذيب للذيبسلامـآ أحلـى مــن قـراحـآ زلالــي

سـلام ياراعـي الـوفـا والمواجـيـبســلام ياشـيـخـآ عـزيــزآ وغـالــي

سلام منـي خـاص ياراعـي الطيـبتسليمـت الهاجـوس يومـه طرالـي

تسليمتـآ ماتقـبـل الـشـك والـريـبفيهـا مـن علـوم العـرب والمعالـي

يسوقهـا ريحـآ كـمـا نــادر الطـيـبتمطـر سحايـب شوقـهـا بإنهمـالـي

هـذا سلامـآ جـاك يبغـي التراحيـبماهـو ســلام المصلـحـه والتعـالـي

أنا تأثرت طبعاً ببعض المفردات مثل :

( من عينه لهمّه معازيب ) , ( وضافه جروحاً معاطيب ) ,
( ومن شمسه عليها الزوالي , وغيرها ... ) .

فكتبت هذه الابيات بسرعه ولا اعرف الرجال ولا ادري وش يبي .

( ولكن أكيد إنه رفيق ومن معنى الأبيات أكيد إنه بحاجه ) .
فأرسلت على نفس الرقم :

أرحــب هــلا يالـلـي بعـثـت المكاتـيـبيرخـص عـلـى شـانـك عـزيـز الحـلالـي

لو كنت مدري وش ورى صفحة الغيب!عــن واجـبـي لاقـمـت يـرخـص ريـالـي

دنـيـا البـشـر دايــم عـنـاهـا سـراديــبيـامــا كـسـبـت إبْـهــا ويـامــا غـدالــي

أرسلتـلـي وأخـفــوا عـلــيّ المـنـاديـبوراحـت بـي افكـاري جنـوب وشمـالـي

وامسـيـت اطـالـع عالـيـات المراقـيـبوانــشـــد وادوّر يـابـعـيــد الــمــدالــي

لكـن يبـي يكشـف لنـا الوقـت ويجـيـبوابـشـر بـعـزّك لـــو حـمـولـك ثـقـالـي

كـلــي فـــدى لمـعـرّبـيـن الـمـجـاذيـبشــروى زعـيــمٍ بـيــن عـــمٍ وخـالــي

المهم بعدها بيوم ويدق الرقم :

- سلام ,,

-عليكم السلام .. يالله حيه .

- طولنا بالكلام ..

ماش ماعرفت الرجال .

- ( أنت فلان , أنت فلان )

- قال : لا .

- أنا : فلان بن فلان البيضاني .
( زميلي قبل 17 سنه ) كنت أنا وياه دورة عسكرية .

- قال : وابشرك بخير وعافية .. وأنا نقلت من الرياض والآن في القصيم .

ورقمك أخذته من واحد من الربع يعرفك .

والأبيات تراها مقوّله ولاهي لي لكن أعجبتني وفيها من السلام الشيء الكثير وقلت أرسلها لك .

(( وتراي خابره ماهو شاعر )) .

لكن لقيت الأبيات في ( قوقل ) متناقله وماعرفت قائلها ,,

اللي يعرفه الله لايهينه ولاعليه أمر ياليت يفيدنا .

وسلامتكم ..

انتهت القصة .

صح لسانك بن عمي

رد رائع من روائعك وكفؤ اباعبدالسلام

تقول وتطول يابن راشد وشكرا ع الاضافه

ولكن لوكانت في المساجلات ماكان انسب

مجرد راي وتقبل مروري

صح كلك شاعرنا القدير / أبوعمر .

وكلك ذوق ونظر .. بنقدك وفكرك ووجهة نظرك .

والروعة والإبداع بمرورك وجمال كلماتك .

وتصدق انه قالي أكثر من واحد ليش ماكتبتها في قسم المساجلات .

ولكن مثل ماذكرت أن الأبيات ماهي من المرسل .

والموضوع فيه شيء من عناصر القصة , فكتبتها هنا .

دمت بهذا الرقي والتميز .

وتقبل تحيتي وخالص تقديري .

الشاعر
ابا عبد السلام
أنت شاعر لايختلف عليك إثنين
وأنا من المعجبين بشعرك رديت رد وافي
وكفو والله من ربعٍ يقولون ويطولون
لكن انا مع راي ابو عمر
تقبل مروري وتحيتي

شهادة من شاعر وناقد مثلك أبوفيصل ..

مدعاة للافتخار .. فدمت وسلمت ..

وهذا من كرم أخلاقك .. ورقي معانيك .


تحيتي وخالص تقديري .

كم انت رائع نوااف شاعر واديب وقاص
وصياغة للمعاني .. بشكل انسيابي وسلسل
ماشاء الله عليك يابن العم

دمت ِ بهذا الابداع والتميز .

أختي القديرة / ريــم .

وسلم مرورك وحضورك .

تحيتي وتقديري .

ابا عبد السلام
مبدع دائما انت ..
سواء في ردك او تواجدك
،،،
هنا ابحرت بنا شعراً
وابهجتنا قصةً
واسعدتنا رداً
،،،
وهذا اسلوب "القادرين على التمام"
صح لسانك وبنانك
،،،
لاعدمتك
.......

ازدادت القصة وأبياتها .. بهجةً وسروراً بمرور مثلك وشرواك .


أديبنا وناقدنا / أبوعبدالعزيز .

ودمت بهذا الحضور والتميز .

تحيتي وتقديري .