|
بسـم الـذي ترجيـه كـل المخالـيـقجـزل العطـا يـوم الوهايـب شفاقـه |
منه استمد العون في حـزة الضيـقويزيـدنـي عــزم وثـبـات وطـلاقــه |
والشعـر روضٍ فيـه كـل الزمالـيـقوانا قطفت من اجمل الشعـر باقـه |
لاطالـبٍ شـهـره ولا اريــد تسـويـقولا موصّـفٍ جـيـبٍ ولا زَيــن نـاقـه |
ولا احمّل بيوت الشعر فوق ماتطيقولا اتـجــاوز فـيــه حـــد الـلـيـاقـه |
شعـري مصخـر للرمـاح الـزواريـقروس الرجال اهل الكـرم والنزاقـه |
الصـدق مايحتـاج لمسـة مساحـيـقوالـمـدح بالغـالـيـن حـلــوٍ مـذاقــه |
ويامرحبـا ياهـل الوجيـه المطالـيـقفــي دار ابــن حـمـاد رمزالعـراقـه |
شيـخٍ بطيبـه طـوّق الـكـل تطـويـقزيــد المحـبـه والـوفــا والـصـداقـه |
راعــي بغـاديـدٍ ســوات الغـرانـيـقوريـف الصيـان اللـي كبـارٍ حـلاقـه |
يقـرط بهـن حيـلٍ وحـشـوٍ مدانـيـقبمقـلـط مافـيـه صـغــر وضـواقــه |
والتهنـيـه مـنـي لـحــرّ الشـواهـيـقاللـي يـسـر العـيـن عـنـد انطـلاقـه |
سلطان سلطـان السعـد والتوافيـقالعـقـل راجــح والتـعـامـل لـبـاقـه |
شبـلٍ ورث تركـة سعـيّـد مريـزيـقشيـخـه وطـيْـب ولـيّــنٍ للـرفـاقـه |
وياربعنـا الحسـنـان مافـيـه تعلـيـقالا انـكـم رمـــز الـفـخـر وانبـثـاقـه |
كان انكم علـى الجماعـه مشافيـقتقـودنـا لـكـم الـسـلـوك الـدقـاقـه |
ويشـدنـا حــبٍّ بـجـوف الصـنـاديـقمــع عــزوةٍ فــي روابــط عـلاقــه |
بـنـي السـفـر جــدٍّ وعــدٍّ وتـوثـيـقابــن الخـيـار وكلـنـا لـحـم سـاقــه |
ماهـي علـوم ملفـق الهـرج تلفـيـقعلـى الحجـاوي يستـنـد والحمـاقـه |
يقولـهـا الـلـي عــارفٍ بالمعامـيـقولا يهمنـا لـو مــال قـطّـاع سـاقـه |
واليـا اجتمعنـا حـرب مافيـه تفريـقالدهـن مـن عـود البخـور اشتقـاقـه |
اهـل الـولا والديـن واهـل المواثـيـقوالـجـود نـبـعٍ عاشقـيـنـه عـشـاقـه |
وصفحاتنـا بيـضٍ لـيـا صــار تبـريـقوحب الوطن مسـكٍ عليهـا اندفاقـه |
كل ما اعتلى حرٍّ على قمـة طويـقيلقـا الـوفـا مـاهـي عـهـودٍ رقـاقـه |
والله يـعـز محـقـق الامــن تحقـيـقويحرق قلـوب اللـي يبـون احتراقـه |
اللـي مواقعـهـم ظــلام السـراديـقومنهـاجـهـم دربٍ كـثـيــرٍ زلاقــــه |
وصلوا عـدد مـا لاح نـور المشاريـقوعـداد دورات القمـر فــي نطـاقـه |
علـى حبيـبٍ سيـرتـه دوم تشـويـقمـن نفتخـر فـي منهجـه واعتنـاقـه |
|