يا زين شب النار ,,~

الله وش هالعلوم الزينه وشبة النار
اللي اعرفه ان بنات هالوقت يحبن الكفي شب وموكا وطقته هههههه
عموما مشكوره وجهود رائعه من لدنكم تحياتي وتقديري ولك هالابيات اهداء لجهودك الرائعه .....



اكتب لك الابيات واشعار وحروووووف ؟ تزهى بك الابيات ويزهى بك الحرف
بالمنتدى جهــدك مكلل ومعرووووف ؟ لله درك فــي مساعيك يالطـــــــرف

هابس صح لسانك و هذه الابيات شرف و وسام افتخر به ومـــرورك وتشـريـفـك يزدآدني عــطآء تتراقص حــروفـي طربــآ لطلة شخــصكـ فــلآ تحرمني حضورك ـآلرـآئع تحيآتي وـآحترـآمي

أنا خوي اللـي ليـا أقبلـت فـزوا ولهم نباً يبهج صدور الريـا جيـل وأنا خوي اللي علـى النـار رزوا شقر الدلال اللي ذعر فوحها الهيـل وأنا خوي اللي سناء النـار عـزوا أحلا لهـم لضيـف دايـم مداهيـل لضيف ما صدوا بوجـه وتـوزوا عمدان صلبات الخشب تشتكي الحيل أهل أحلا لنٍ فلكـرم مـا تخـزوا تلقا ء على نار الكرامـة د وا ليـل وجيه الرجال اللي عن البخل نـزوا أبعد عن الرديان من نجمـة سهيـل ولاني بخوي اللي ليا أقبلت هـزوا روسٍ على أجسادٍ سواة البراميـل لا قبلت فيك بناضر العيـن كـزوا تسمع نبأ الخمه ضعيـف ودهأميـل وإن غبت في غيبتك حزوا ولـزوا وقاموا عليـك يولفـون الأقاويـل إضعوف في وقت الرخأ لو تلـزوا مـا ينفعونـك للـيـال المقابـيـل مجالـسٍ عنهـا المشاكيـل جـزوا مجالس الثبرين تغـدي سـرا ميـل عنها نهيـت النفـس لوهـم تنـزوا وحطو لهم سجاد حمر ومعـا ميـل

تخير اذا رافقت من النـاس عـارف رجـل اذا شـان الزمـان يطـيـب رفيق على عسـر الليالـي ويسرهـا كما الزرع,, في وقت الدهور خصيب امين يحفظ السر عـن سايـر المـلا حفيظ على ما فـي الضميـر قطيـب

يا زين بيت الشعر والنـار مشبوبـه وعلى طرفها الدلال الصفر والشاهي والأر خراء بعشـبٍ طالعـاً دوبـه والطين مبني بشكلٍ زيـن متباهـي والقربة الماضيه في ميهـا اعذوبـه وسوالفـاً للنشامـا عدهـا نـاهـي تحكي تراث الجدود وتعرف أسلوبه أهل الكرم والجمالة طيبهـا راهـي

يامحلا صف المعاميـل يسـرور بين الرجـال الطيبيـن الحشامـا رسلان فوق النار معبـاره يفـور له ريحـةٍ تشبـه لريـح البشامـا فنجالها من غالـي البـن مبهـور مابهرتـه الخـادمـه والمـدامـا ويامحلا صوت الصبايا على الكور فوق البعير الي جلب مـن تهامـا يقطع تهاتيه الخلا سهل وعسـور مـا وثقنـه بالحبـل والفـدامـا ايهيجنن الصوت سامر ومجـرور ببيـات شعـرٍ للهلالـي سلامـا الكل منهن جسمهـا تقـل باكـور تتبع طروش البدو شـرق وشامـا تارد على عد بهـا كـل ناعـور تبرد كبود البوش عقـب الحيامـا لاولذي بدل ظـلام الدجـى نـور ومبـدلاً نـور الضحـى بظلامـا اني من الأيـام بالحيـل مخطـور توشك معاليـق الحشـا بنصرامـا يالجتي لجة خلـوج علـى حـور غادي ولدهـا ودركتـه السهامـا قامت تحن وتطحن الأرض بزور حتى برا منها الشحـم والسنامـا وياحن قلبي حن قيرا ً من المـور سواقـه يتلـه بجـور وغشـامـا ياوجد حالي ياملا وجـد مكسـور صابه فشق ميـزر ودق العظامـا طريح قوم وربعه اقفو عن الـدور من عقب ظلى محتمـي للجهامـا ازرا يداوي علتـه كـل دكتـور حتى قطع حبـل الرجـا بالندامـا

الرجل لاصارت قصوره مداهيـل الطيـب طيبـه والـردي مايعـدّه نسل الرجال اللي فحول(ن) مشاكيل افعولهـا طـول الدهـر مستبـدة أهل الكرم والطيب واهل المعاميـل ستر الرفيق ومن غدى الوقت ضدّه ماتنهزع من قايـل القـال والقيـل اسيوفهـا طـول الدهـر مستعـدّه ياليـل ياماسـك حلـوق المهابيـل ياستـر نـاس(ن) فاقديـن المـودّه الطير ابو جنحان راعـي المقابيـل يعجبك لامنّـه كفـخ فـي مـردّه طير(ن) مسمينه على أبو مظاليـل واتلى العهد بـه يـوم لـوّح بيـدّه قد له ثمان سنين يلبـس خلاخيـل وارموشه السـودا تخابـط بخـدّه وانا على الدنيا مخـاوي رياجيـل مالـي ومـال مكبريـن المـخـدّه

موضوع رائع ولانه يستحق التميز فقد تم ختمه بالتميز ..

كل الشكر والتقدير لك المميزة الطرف الخجول

مناظر مع شبة النار تشوق لي
وش صار لو السماء تهل أمطار

جهودك ي الطرف تشووق لي
وأبيات هنا ترووق لي
ومناظر تعجبني
يعطيك العافية الطرف الخجول

نعم تستاهل التميز

فهد

يا هلابك ملايين التميز هو تواجدك هنا ومـــرورك وتشـريـفـك يزدآدني عــطآء تتراقص حــروفـي طربــآ لطلة شخــصكـ فــلآ تحرمني حضورك ـآلرـآئع تحيآتي وـآحترـآمي