يا زين شب النار ,,~

البر احبه واحب اللي يحبونه=من صغر سني وفيه النفس مولاعه هواية في صميم القلب مدفونه=تجري مع الدم في مشيه ومرجاعه خصٍ اليا الوسم مزنه مالت ردونه=واسقى الضوامي ونبت العشب في قاعه وقام الشمالي يلاعب لين غصونه=يازين مع نفحة النسمه تمرياعه اعشق زهوره ويسحر ناظري لونه=واشم عطره واقوم اعدد انواعه نفل وبسباس وخزاماه وفنونه=وربله ونوار والحوذان واتباعه والقحويان ويهق ياللي تعرفونه=وشرشر وحميّض وشقاراه واقشاعه احب ازوره قبل لا البدو يرعونه=اروى النظر منه لامن زان مرباعه واحب حرٍ يشاف الفيد بعيونه=ربحان من يشتريه وخاب من باعه حرٍ ليا شافوا البرقا يهدونه=واليا طلع في سماها صابها راعه لاشافها بامر رب العرش مضمونه=لاهوا على صيدته ماخانه ذراعه وخوّة نشاما خوي الجنب يغلونه=على النقا جامعين الطيب والطاعه الفرض لاحان في وقته يصلونه=وفي مغفرة خالق الاكوان طماعه البال لاحل به ضيقه يسلونه=ووقت الله الله فزاعه وجزاعه اليا بغوا درب مايمسون من دونه=اسباع ليل ونهار ونومهم ساعه باسج معهم طرب والروح مرهونه=وتالى الزمان العمر مدري عن اوضاعه

موضوع قيم وجهد رائع وصور جميلة

فهد مـــرورك وتشـريـفـك يزدآدني عــطآء تتراقص حــروفـي طربــآ لطلة شخــصكـ فــلآ تحرمني حضورك ـآلرـآئع تحيآتي وـآحترـآمي

{... الــبــر يعجــبني إلــيا زان جــوه والارض خــضرا والـسما كله اخيال وريــح المطــر توه على الأرض تـوه هتــان بــادي يشــرح الصــدر والبال وقـام السنـافي فالضــحى وشب ضـوه وغنــى عــلي مــن أعــذب الشـعر مــوال ...}

يازين سجات القدم وقت الامطار***وشوف الفياض اللي جديدن مطرها من مزنت هلت على كل الاقطار*********البرق فيها والرعدماهجرها السيل مع وديانهاكنه انهار **********اليا التطم ماتفرقه من بحرها فيه بركه للارض ويسر الانضار******يجلى عت النفس العزيزه كدرها

يــامرحبــا فيــك غصب وطيب وجبــاري .. تـرحيبــتن من صاحبـن خوتك يشتريهـــا .. اقــلــط تقـــهـــوى دلال البن وبهـــاري .. والبدوي وان جــاته ضيوفه يقهـــويهــا ..

للقهوة مكانة وقيمة عظيمة لدي أبناء البادية .. ولها مكانة خاصة في نفوسهم حيث تعتبر واجهة الكرم لديهم عند استقبال الضيوف وأول ما تقدم للضيف بعد الترحيب . و القهوة العربيه ذالك المشروب المميز لها نكهتها ولها محبوها المفتونون بها المغرومون بإحتسائها على مر السنين اخواتي واخواني ,, هذه سياحه قصيرة في عالم القهوة ارجوا ان تنال اعجابكم ,, ,,,, القهوة ،،، كانت القهوة عن الاجداد كيف وسبب لتفريج الهم و القضاء الوقت بالتعاليل والسمر والاحاديث الطيبه ,, فيقومون بشب النار وتجهيز القهوة ويتناول احدهم الفنجال بلهفه واشتياق لذا يقول احدهم ,, لاضاق صدري جبت نجـر ودلـة وسويت مايطفـي لهيـب بجاشـي ويقول اخر ,, قم يانديبي عمر النار لي سو قم سو فنجالٍ ترا الراس خاوي ويقول اخر ,, لا ضاق صدري قمت احوف المعاميل وأزين الفنجال يكرٍ ولا اثنيه ,,,اوقات شبه النار لتصليح القهوة ,,, كانوا يسعلون النار لعمل القهوة بحسب احوالهم ,, ومشاغلهم منهم من يشعلها في الصباح الباكر حيث يقول احدهم في ذلك يازين شبتها علي شقه النور يوضي على وجيه النشامى سفرها ويقول سالم بن تويم الدواي العازمي الصبح ماحلى شبوب النار = يا صرت مرتاح ومصلي حمست بنٍ من النيبار = تجلى الهواجيس وتسلي شقره ومذعورةٍ ببهار = شف النشامى وشفٍ لي لا طبت اشفي راعي الكار = يضحك احجاجه وينفلي ولاصار في جنبها بيطار = يفرح لياجيت ويهلي والا الدهر بالعرب مرار =ياخذ من الناس ويخلي فقير والا من التـجـار = العمــر ملحوق ومـولي ومنهم من يحب شبه النار بالليل ,, كما قال شاعره ,, الله مع الفنجال مع هجعه الناس بدلال نار ما يبطل سناها وقال اخر ,, لا جا العشا شبيت نار مناره وادنيت ماحسه يجذب المسايير ومنهم من يحب شبه النار للقهوة في الضحى حيث قال احدهم ,, فنجال الغشمري يشرح البال وقت الضحى لا قربت حومه الطير ومنهم من يحبها قبل الفجر تالي الليل كما قال احدهم ,, ياما حلى فنجال بيض بغاديد قبل صلاة الصبح والوقت ما فات ومع العشاق القهوة ,, يامحلا الفنجال مع سيحة البال في مجلساً مافيه نفساً ثقيلـه هذا ولدعمً وهـذا ولـد خـال وهذا رفيقـاً مالقينـا مثيلـه يابو محمد شب واقضب مكاني في غيبتي قهو الرجال المشاكيل وفل الحجاج لكل من جاك عاني وابدا التحيه قبل سوق الفناجيل سوولي الكيف وارهو لي من الدله البن الأشقر يداوي الراس فنجالـه كيف لنا نحرقـه بالنـار وانزلـه واليا انقطع لو ورى صنعاء عنيناله اشرب الفنجال واكب البيالـه طيباً واحب سلـم الطيبينـي الولد ان طاب طيبه من خواله وان تردا فاعرف انهم خايبيني ياكليب شب النار ياكليب شبه عليك شبه والحطب لك ايجابي وعلي انا ياكليب هيله وحبـه وعليك تقليط الدلال النجابـي يابجاد شب النـار وادن الدلالـي واحمس لنا يابجاد ما يقعد الراس أسماء القهوة للقهوة أسماء تشتهر بها بعضها نسبه إلى نوع البن وببعضها نسبه إلى طعمها ومن اشهر أسمائها ما يلي:- 1- الكيـــف : وهو من اشهر أسماء القهوة على الإطلاق ومعنى الكيف ارتياح البال وانشراح الصدر والتلذذ بشرب القهوة. ويقول الشاعر فيصل الشمري : زين لنا كيفٍ يونس هل الكار =كيفٍ ينومس للسهر والتعاليل . -2 البـــن : نسبه إلى المادة الرئيسية لصنع القهوة . يقول الشاعر فهد بن خربوش الشمري : بدوٍ تنفد غالي البن تنفيد =بدلال وارفافٍ طويل ظلاله . 3- المــــر : نسبة إلى طعم القهوة المائل إلى المرار. يقول الشيخ تركي بن حميد : قم يا محمد سو حلو ومرا =رسمٍ إلى جوك النشامى هل الكيف . 4- البريــة: نسبه إلى نوع من أنواع البن اليمني الجيد. يقول الشاعر إبراهيم بن جعيثن : أدني على بالي دلال نظايف = وبريةٍ يطرب لها كل حامس . 5- الشاذليــة : اختلف في سبب التسمية فمنهم من يقول إنها نسبه إلى توع من أنواع البن اليمني الجيد ومنهم من يقول إنها نسبه إلى عمر الشاذلي وهو أول من شرب القهوة. يقول الشاعر شاهر الأصقة : شبيت نار ما هبوبه بالأكواس =وقربت محماسٍ به الشاذلية . 6- الطبخـــة : نسبه إلى طبخ القهوة على النار.

أنا باديٍ في عالي الرجم من واطيـه أحب البيان وذبّـة الرجـم غربالـي وأنا البارحه ليلٍ عليّ ساريٍ ساريـه بغيـت المنـام ولـذّتـه ماتهيّـالـي على صاحبٍ لازيد جاني وأنا ماجيـه حداني زماني منّ مجيّـه ولا جالـي وياقلب لاتجزع من الليّ جرى جاريه وما قـدّر الله قابلينـه مـن الوالـي حداني على البيت المطرّف غلا راعيه ولايمتكّن جنّـاب بيتـه وهـو غالـي غشاه الحلا والنور يوم الغـلا مغليـه يعيش النظـر شوفـه بليّـا تعدّالـي تحطّم عليه الحال ماينعضي عاضيـه تحطّام عـودٍ مبطـيٍ فيـه المحالـي وأنا سيل قلبي صوبهم منتحي واديـه ولولا محادير السهل كـان ماسالـي

الرفقه اللي مالهـا سـاس ووصـول اتلـى تليـاهـا تــروح بسهـولـه مثل الذرور اللي على راس غرمـول اول مهـب يعتـرض لــه يـزولـه والفعل ما يطلع على مستـوى القـول يقـول قـول مـا يطـبـق فعـولـه والفرق في الافعال,, ماهوب في الزول والا ترى اطيب ما من الثـور زولـه لو غرّهم زولـه,, وحطـوه مسئـول صـاروا مثـل راع الغنـم ومخيولـه ثوب على جسم علـى شبـه مخيـول ودايعـه يفرسهـن الـذيـب حـولـه

من لا يديس الرأ ي من قبل ما ديس عليـه داسـوه العيـال القـرومـي ومن لا يقلط شذرة السيف والكيـس يبـدي عليـه مـن الليالـي ثلومـي والقصر ما يصلح على غير تأسيـس ومن لا تعلـم مـا تفيـد العلومـي ومن لا خذا الدنيـا بميـزٍ وتقييـس مثـل الـذي يصبـح بليـلٍ يعومـي كـلّ القلـم مـن كتبنـا للقراطيـس وإركابنا من كثـر الأقـران تومـي للشيخ من يعطي الفقـارى المفاليـس يبـدّل السـاعـه بـعـزٍ يقـومـي والحـر لا دبـت عليـه النواميـس يشهر وعـن دار المذلـة يشومـي وليا إكترب من بعض الأشياء نسانيس إعـزم ولابـد الفـرج بالعزومـي باب الفرج يلبّسك نظيـف الملابيـس ينجيك بأيـام الكـرب والزحومـي