|
هذا بلا ابوك يا عقاب السلام عليكم ورحمة الله الكل منا في مجتمعنا الخليجي او ربما حتى في اغلب ارجاء العالم العربي يسمع ويستخدم جملة (هذا بلا ابوك يا عقاب) لكن الكثير يجهل المعنى يقولها كذا (يعني على عماها) المهم سألت كبار السن وبحثت بالنت وخرجت بـ هذه الخلاصــة سلمكم الله في شخص اسمه نمر ابن عدوان واكيد الاغلبيه يعرفونه وبالذات اللي يقرأون عن التاريخ والسوالف القديمة . نمر كان متزوج من بنت اسمها وضحا وكان يحبها حييل وهي تبادله نفس الشيء. وكانت عنده مثل امه ومثل خواته واكثر ..كانت تقعد الفجر وتزيّن له القهوه والفطور السنع وتغسل فرسه (جواده) يعني قليل انك تلقا وحده بمثل هذي المواصفات الايام هذي المهم في يوم من الايام كان نمر توه جاي من غزوه او من مكان بعيد وجاي اخر الليل تقريبا ونام عند وضحا وقال لها الفرس ما ربطتها قالت له خلها بكره انشالله الحين انت اهم شيء ترتاح وتنام. المهم في نص الليل لمن حسّت وضحا ان نمر نام راحت للفرس علشان تربطها ,, نمر سمع صوت الفرس وسمع عندها صوت وظن بأنه لص ( لأن فرس نمر كانت غاليه عنده حيل وقال فيها اكثر من 20 قصيده) المهم اخذ الشوزن وطلع برا وشاف عند الفرس جهامه ( يعني خيال انسان) وصوّب على الجهامه ولمن راح للفرس لقا وضحا ميته. شالها بين احضانه وندم وتمنا انه لم يرى هذا اليوم الاسووود , بعدها قال قصيدته المشهوره التي تغنّا بها الفنان راشد الماجد واللي تتكوّن من 80 بيت شعر ويقول فيها : البارحه يوم الخلايق نياما **** بيّحت من كثر البكا كل مكنون ويروح فيها الى ان يصل احد البيوت اللي يقول فيه : والله لولا هالبزور اليتاما****لا اخاف عليهم من السكه يضيعون لقول كل البيض عقبه حراما**** وكان عنده عيال منها وتزوج بعدها وكان يقصد من هالبيت ان يضم عياله لأمرأه تصونهم وترعاهم ولولا ان عنده عيال منها والا كان حرّم النساء عليه الى يوم القيامه من بعد وضحا. المهم نمر عنده ولد اسمه عقاب وكان صغير وفي يوم من الايام راح عقاب لوالده وقاله يبه : انا الحين لمن انام في حضن امي هذي (يقصد زوجة ابوه) ما يجيني هوى واذكر اني لمن كنت انام في حضن امي اللي ماتت ,, كان يجيني هوى من تحت. قال ابوه : هــــذا بـلا ابــوك يــا عـقـاب لأن وضحا كانت ضامر- يعني خصرها رهيف- ولما كانت تنام على جنبها كان فيه فتحه بين الارض وبين خصرها وكان الهوى يدخل من تحته. والخصر الرهيف كان وما زال من علامات جمال المرأة عند الـعـرب. . . . وســلامتكم وإن شاءالله افدنااكــم |
مشاركة: هذا بلا ابوك يا عقاب اقتباس:
هذى المعلومه لا خلا ولا عدم اقتباس:
اقتباس:
اقتباس:
اخي الفاضل يقايا انسان اشكرك على هذا الموضوع التوضيحي والذي فعلا اضاف لي معلومات كنت اجهلها لقد كان لي شرف معانقت موضوعك هذا بكل شوق وتلهف الى تلك المعلومات كل الود والتقدير.........................@ |
مشاركة: هذا بلا ابوك يا عقاب الله يعافيك يمكن المعلومه تحمل الصواب او الخطأ لاكن بحثت وأجتهدت والاكثر قال نفس السالفه وحياك الله تسلم على هالتعقيب الرائع بيض الله وجهك |
مشاركة: هذا بلا ابوك يا عقاب يعطيك العافيه مجهود جبار تشكر عليه قصه سمعنا عنها الكثير واختلاف الروايات كثيره عنها مشكوووور تحياتي الامبراطور . |
مشاركة: هذا بلا ابوك يا عقاب الله يعطيك العافية على المعلومة. |
مشاركة: هذا بلا ابوك يا عقاب الله يعافيكم واسعدنا تواجدكم وتعقيبكم |
| الساعة الآن 05:45 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir