من وراء الكيبورد باسم مستعار = يكتبون المسخرة والبلبلة
نصفهم كبار بعقول الصغار = مايعرفون السنع والمرجلة
شالوا سيوف الحسد للانتصار = من يخالف رغبته يستأصله
سبوا أهل العلم مع أهل الوقار = ماسلم منهم شيوخ مهللة
بالاشاعة يشعلون النار نار = ناس تمرضها وناس تقتله
والجبان اللي يخيفه ظل فار= صار عنتر بالسنين الأوله
يظهرأنه لجل دين الله يغار = وإن نفسه ماتطيق المهزلة
كيف والغيبة لمايكتب شعار = يدخل بنية ناس يجهله
من هم اللي يدخل بأسماء كثار = كل موقع تدخله بتحصله
مانعمم فيهم رجال كبار= فيهم اللي كل خير يبذله
ياهل النت متى النصيحة بالجهار = الفضيحة ماتحل المشكلة
انصحوا بالسر تجنون الثمار = تكسبون الأجر وافي مجزله
من تتبع عورة المسلم وصار = يفرح بزلة أخوه وينقله
يتبع الله عورته ليل ونهار = يمهله ربه ولا هو يهمله