من الجزالةِ والإجلالِ والكرمِ=مازلتُ أرقُبُ ضيفاً قمـّـةَ الهرمِ
والكلُ يرقُبُ هذا القسمَ في شغفٍ=وهمُّهُ مابدا من فائقِ القيمِ
وصورةٌ حظيت بالمدح موطنها=خيرُ الديارِ من الأوطانِ والأُممِ
نقولُ شِعراً من الفصحى ونكتُبُه=ونطرُقُ البابَ في الامثالٍ والحكمِ
أهلاً وسهلاً أبايارا ومن مَعَهُ=من الكواكِبِ والأفلاكِ والنُجُمِ

حنا الخليج أهل الكرم والمـروات=وحنا هل المعروف والطيب حنا


حنا هل التاريخ واهل البطـولات=لو تنشد التاريـخ يخبـرك عنـا



من الرياض الى قطر والامارات =ومن الكويت الى المنامـه وطنـا



ولسلطنة قابـوس راع المهمـات=السادسـه مـن دونهـا ماكملنـا



شعب الخليج أخوان ماهي روايات=نسمع بها من يـوم حنـا خلقنـا



متوحدين ولانعـرف الحـزازات=مانفترق لو نختلف مـع بعضنـا



مانفترق لـو فرقتنـا المسافـات=وقلوبنـا متقاربـه لـو بعدنـا



كلٍ يبي تفريقنـا ميـر هيهـات=لو كثـرو العـدوان منـا ومنـا



في ظل قادتنا نعيـش المسـرات=ومن طيب قادتنا بلا شك طبنـا



ياهل الخليج اليوم فالوقت ميلات=اخذو حذركم والعـدا لاتغدرنـا



توحـدو ياشعبـنـا للملـمـات=اليوم كلٍ طامـعٍ فـي رغدنـا

( التفحيط والموت )

دعني أفحط ما الشباب ببـاقي=واكـتب مخـالفـة على الأوراق
يا أيها الجندي دعني ،كف عن=جلدي وعن حبسي وطول لحـاقي
إني خبـيـر مـاهر متفـنن ٌ=فاسأل ـ رعاك الله ـ كل رفـاقي
واسأل دروب الحي عن سيارتي=تنـبيـك عن نـوعيـة السـواق

يا ذا المفحط هـاك من أعماق=سـيلَ الـوعيد بغيبة الإشفاق
قسماً ـ وإنك عـالم ـ أني لها=أن سوف يقرن ، راحتيك وثاقي
يـا أيهـا المسـكين إن إرادتي=لم تستكن ـ يوماً ـ إلى الإرهاق
بالحزم لا بـتـوددي وتخـاذلي=سترى الطريـق وفاضل الأخلاق

إلى شباب اليـوم أقولـه صراحـه=نصيحـة منـي نقولـه وكــادي

يخواننـا يهـل الوفـا والسماحـه=شوف المقابـر امتلـت بالعبـادي

جنب عن التفحيط في كـل ساحـه=ترفقـوا وانتـم صقـور الهـدادي

احرص على التعليم فيـه الفلاحـه=العلـم يوجـد بالمـدارس ينـادي

انظر لواحد ناجـح بـه فصاحـه=شهادتـه عليـا برايـه ســدادي

يمشي مهل وسط الشوارع براحـه=المنتبـه لسياقـتـه بالـركـادي

ابعد عن الجاهل مع أهـل القباحـه=ابعد عنه يحسبـه بالـراي قـادي

كم واحد شفنـاه تنـزف جراحـه=من التهـور والجهـل والطـرادي

كم واحد جاهـل وفيـه النصاحـه=هو يحسب إنه بالخـلا والحمـادي

جود يمين ابنك بنصحـه ورباحـه=إحرص عليه ولا بروحـه يفـادي

يقتل ويقتل موتـره هـو سلاحـه=اسمع كلام اللي به النصـح قـادي

كم واحـد مقعـد مجنـب افراحـه=مهموم بفراشـه وشـاف النكـادي

وكم والدة في عالي الصوت صاحه=والوالـد الباكـي بـه الهـم زادي

هو ابنها الواحد مع الروح راحـه=هو فارق الدنيـا بقبـره احفـادي

أمه خطيرة داخـل البيـت طاحـه=بسباب طايـش زاد فيـه العنـادي

نشكر رجال الأمن بأول صباحـه=ليـل ونهـار محرميـن الرقـادي

يحرص على أمنك ومن جاء سياحه=والمنطقة وأهل القـرى والبـوادي

وأمن الطرق مشكور بيض صفاحه=نشوفهم علـى الخطـوط البعـادي

شهرين مرت راحت أرواح راحـه=سته وستـه مـع ثلاثـه وكـادي

غير المكسـر والمعـوق بساحـه=تناثـروا بالخـط قـرب البـلادي

خذها نصيحة مخلـص باقتراحـه=الله يوفـقـك للهدى والـرشـادي

قلت الركـاده ميـر ويـن الركـاده =كنّي مع الحجاج في رمـي الاجمـار
من عقـب ماجانـا قـرار الزيـاده =من مجلس اهل الجود وافين الاشبار
كـلٍ مـن الفرحـة بيقـدح زنـاده =جبنا القروض نضارب السوق وانهار
وجينا نبي بـس الرجـا والهـواده =والله وكيلك شبّت اسعارنا .. نـاااار
والراتـب الماخـوذ جتـه القـراده =ماينزل الا..صافقه مثـل الاعصـار
فاتـورة الهاتـف وعاجـل سـداده =والقرض والكهرب وتسديد الايجـار
والتاجـر المليـان جـاب الوسـاده =يبـي يوصّـل راس مالـه لمليـار
والا المواطن صار..سهل اصطيـاده =جته الهوامير بوسَط غـب الابحـار
واصبح نهار وليـل وسـط العيـاده =مابين طب الراس والقلـب وشهـار
يامـن يوصّـل كلمتـي للقـيـاده =للحاكـم المحبـوب والوالـد البـار
ماعاد نبغـى فـي الرواتـب زيـاده =اللي نبيه اليوم تخفيـض الاسعـار