•·.·´¯`·.·• (عضو تحت الاضواء 3) •·.·´¯`·.·

اخي وعزيزي / إبن منصور
الف شكر لطلتك الجميلة ومرورك الذي نظم له عرض عسكري بس نسينا الموسيقى اعذرنا
البروتوكول ناقص لكن تأكد بإننا سوف نحاسب المقصر والذي هو من اعضاء المراسم الفريدية
نبداء بإلاجوبة :
ماذا تعني لك كلمة الصراحه ؟
الصراحة تعني لي المبداء

متى يكون الانسان صريحا ؟
اذا كان عادلآ وحكيمآ
تسرب الينا خبر انك شاعر ماهو جديدك ؟
ليس لدي جديدي والخبر ارجوا ابلاغنا من اين مصدره؟ حتى نأتي به لنحاكمه وانت القاضي
انتظر موعد المحكمة
شاكر وممنون مرورك يالغالي وتشريفك لنا

عقيد القصيد ، الشاعر ، الإديب / مقبل بن نمران
هلا وغلا مع بوكيه ورد لشخصك العزيز اولآ اشكرك لمرورك وانت مرورك وكتابة مرور تكفيني
لكن انت تعلم بإني جدآ شعبي ولست مسلح قصدي احب الفصحى والخواطر واللي كتبته فوق
ماادري وشنهو بس انه دخل قلبي وحسيت اني ممنون لك وشاكر في تيه تلقفها تاك ههههههههه
والوكاد انها زحلطت ودخلت قلبي وياحبني لك انت وكتاباتك الجميلة وابداعك اللامتناهي بكل شيء
خواطر ، شعر ، ردود ، نقاش عز الله انك في كل شيء بالادب واصل يالواصل
واسمح لي اني اجاوب على اسئلتك الرائعه بروعة اخلاقك واعجبني استشهاد اسئلتك :
* كيف تستطيع أن تحدد دورك فيها ( الحياة ) ؟
على حسب المشهد احيانا اكون كومبارس واحيانا العب دور البطولة واحيانا اكون خلف الكواليس
المهم والاهم اني ضمن فريق العمل ياسعادة العقيد
* حينما تواجه نفقا مغلقا في طريق ما مالذي تفكر فعله ؟
افكر في سبيلآ اخر للخروج من قعر النفق مع اعتبار الوقت المتبقي واقتناص الفرص ماسنحت
* في إشراقة يوم جديد مالذي بقى من أمسك ؟
بقي من امسي الحكمه
والله مرورك شرف لي وعودتك بتفرح قلبي يالواصل <<<< الواصل ليس اللي بمسلسل ( واحد+واحد ) مناحي

اختي / بنت ابوها
حياك الله واهلا وسهلا بك
اشكرك لمرورك واسئلتك الخفيفة المفيدة
تقيمكـ لمنتديات الفردة في هذه الفترة والفترة السابقة ؟؟؟؟؟
تقييمي في الفترة السابقة كان عدم الوعي بالهدف
تقييمي الان وعي تام بإن المجالس ملك لكل فريدي وكذلك مدهال لكل زائر
سمعنا أنك شاعر ........... نصيحتك لكل مبتديء في كتابة الشعر ؟؟؟؟
من مين الله يحفظك سمعتيه؟ لايكون من ابو بندر ؟
نصيحتي لكل شاعر الإطلاع على تاريخ القبائل كذلك مجالسة الشعراء والإستفاده منهم
وعرض قصائده عليهم وتقبل الإنتقادات مهما كانت حدتها كذلك الإلمام ببحور الشعر
واهم نصيحة له ان يبعد كل البعد عن قصائد الذم لإنه لن يستفيد منها الا خلق مشاكل واعداء
كذلك سوف يرحل وتبقى خالدة , نقطة سوداء في سجلة الشعري
كذلك يكون صادق بمشاعره لان القصيده هي مشاعر تترجم بكلمات موزونة بقوافي
فلايمدح شخص ليس كفؤ للمدح لإنه سوف يكون بنظر العالم شاعر هزلي
وكمان يبتعد عن قصائد المجون والتوصيف الدقيق للمحبوب
اتمنى اني افدت الجميع بإجابتي واكرر شكري لمرورك الرائع

اخي وعزيزي / فــهـد الـطــمـــيــشــــاء
بخير يالغالي ونحمده ونشكره
شاكر مرورك واسألتك الجميلة اتمنى اني افيدك بالمختصر ياصاحبي :
ما هي أول قصيدة شعرية كتبتها وفي أي مرحلة؟
لست بشاعر وسوف يحاكم المتسبب قريبآ ان شاءالله
ما رأيك بقطع إشارة المرور ؟
جرم بحق عابري الطريق والحمدلله لم اقطعها بحياتي والله يستر بعد هالجواب
ما هي أفكارك المستقبلية حول تطوير مجالس الفرده؟
سؤال رائع افكاري هي الإكثار من المسابقات وكذلك افكر بإن يوضع حفل للقبيلة كاملة
اذا تم على افتتاح المنتدى عام واحد حتى نرى بعض وهذا من ثمرات المجالس اننا عرفنا
ابناء عمنا من خلاله وزادت العلاقات بعد ماكانت شبه مقطوعه بصراحه ! !
وانا حقيقة اعجتني قبيلة الاحامده من حرب ( الاحمدي ) عندم تم مرور عام على افتتاح
مجلس الاحامده وضعوا حفل وكان الحاضرون اغلبهم من كبار الاحامده سنآ ووجاهه
وشكروا الاعضاء وشدوا عليهم ببذل العطاء اكثر واكثر
ما هو أقرب المشرفين إليك؟
كمشرفين مافية انا وياهم ( شل ابوكـ عن اخوكـ يمكن عشاني اصغرهم عمر بس جاني عبدالعزيز الشملان
وكبر عمري الله يهديه وصرت انا ثاني اصغر واحد <<<< يالله عاد ترجموا ))
بس ان شاءالله اني انتصر على ذا الشيبان وخاصة ذيبان والفريدي
فهد شكرآ لمرورك واسئلتك الرائعه يارائع

اخينا ومشرفنا العزيز /

عبدالعزيز الشملان


حياك ربي

والله العظيم هبلت فيني وش ذا ياربييييييي ذكرتني بالرياضيات اولاه تكفى فكن هههههههههههههههههه

المده ساعتين والله انك حبيب وطيب وياليتك معلم على الاقل فكة من ناصر اسماعيل ورأفت عبدالعال

بس وشلون جبتها كذا ؟ والله انك خطييييير

انت تصلح بلجنة الاختبارات لاوبعد مروووووق ومخمخ

لكن نبداء بالجواب :

السؤال الثاني / شخصية تراها من المشرفين كشخصيتك المرحه ؟!! (( التي استطعت ان اراها ولله الحمد ))

بيني وبينك انا اشوف خلف الفريد مرح جدآ من المشرفين كذلك لن ننسى صاحب المقالب الفريدي ابو عبدالله
اعلم انني سببت لك الآذى ولكنني لدي حساسية من المشرفين ما احب اني اعطيهم وجه هههههههههه
على طاريء يقول الشاعر الراحل ابو التيم والميرندا :

حبيبي مايحب البيض والشطة = فية مرض قلب وحساسية

وانت الظاهر ياعزيزي ماعلموك ان ابن منيديل لدية حساسية ضد المشرفين ههههههههههههه

اكن لك كل الإحترام والموده لإنك صاحب طاعه وكذلك ابن عم وتقبل تحياتي ، ، ،

ابو العز

لك حبي وقبلاتي على هذا الصيد الثمين !!

حقيقة كنت بانتظاره من فتره والحمد لله قضبناه!!!

هلا هلا ابو تركي (حبحب على السكين)

اولاً : لابد ان توافق على طلب ابو راكان ونعرف السر

ثانياً: ابو بندر كشف انك شاعر وهو مصدر موثوق وعليك الاعتراف وانا عندي ادله بعد (ماتخرش المي)هههههه

ثالثاً: صدقت طلع ابو ياسر فيلسوف(يالله كتبتها) والله اني مثلك مافهمت الا الوالي وبعض الشي

رابعاً: اجب بشجاعه ما رأيك في

تعدد الزوجات
<
القلب الخضر
>
الحب من طرف واحد
<
الرسميه اكثر من اللازم
>
حب الحياه
<
الواقعيه
>
الصدق
<
التملق
>
لماذا انت مبتسم دائماً

واخيراً

ابو وجهين!!!!!!!!!!!!

خليتها كوكتيل ههههههههههههههههههه

ارجو الاجابه بكل صراحه وجرأه (ولا تخاف انا معك) كثر منها هههه

وختاماً لك حبي ومودتي يا (نكهة المجالس)

اخي ابن منديل / عندليب المجاااااااااالس

ياهلا وفيك جاك الأعصار الله يعينك وبعدين تحمل انت اللي تقول عني اني راعي مقالب اجل ماودي اخيب ظنك ابشر بعزك هذه بداية والباقي أكثر ::::::::::

انت كتبت هذا ؟

المشاركة الأصلية كتبت بواسطة ابن منيديل

اخينا ومشرفنا العزيز / عبدالعزيز الشملان
حياك ربي
والله العظيم هبلت فيني وش ذا ياربييييييي ذكرتني بالرياضيات اولاه تكفى فكن هههههههههههههههههه
،

سؤالي / وش معنى كلمة ياربيييييي ؟

الثاني / قلت ( اولاه تكفى فكن ) هههههههههه سؤالي / من وين جتك هالهجة هل لك علاقة قوية بأحد هذه لهجته وأثر عليك ؟؟؟ عاد افهمها زي ماتفهماه .............؟؟ ولازم ترد بصراحة والا انا ابقول الصحيح هههههه

الثالث // حصل لك موقف وانت في طريقك من الاسياح الى بريدة وش السالفة قل كل شي بالتفاصيل ؟


الرابع ///
وش السر في الأتكيت عندك وجودة الهندام والاهتمام بشخصيتك مع انك ساكن في قريبة اللي يشوفك يقول ساكن في فندق صلاح الدين بالعلياء ذاك اليوم يوم قابلتك مجرد لمست يدك جلس عطرك بيدي اسبوع ؟؟

الخامس /
انت ذويق وش افضل انواع العطور الرجالية ؟
السادس /
وش سر كملت ( اشيه اشيه ) لاتموت من الضحك هههههههه علمنا ؟

الساابع /

لو جاء شخص وركب معك وقال ماني نازل وش تسوي فيه ؟ خخخخخ
الثامن /

انت على فضاء الشعر اذاً انت شاعر انا اقول اذا ماكتبت ابيات هذا دليل انك ماتقدر ابو بندر وخلف الفريد اللي طلبوا منك ؟ نكبه على كيفك ههههههههههه

اقول

هذه الأشياء البسيطة مجرد اخبرك انني سأبدأ معك طرح الأسئلة قريباً فقط هذه تنبيه وتحذير خذ معك حزام اسود

تحياتي وتقديري والعذر والسموح ياجنتل


ياعندليب المجالس ل
قب اتشرف ان اهديه لك واتمنى ان يستمر هذا اللقب

عزيزي / ابو عبدالعزيز
مرحبا بك يامعشي الصيد
صيد وصياد ذكرتني باللي يحوف الصيد ، ياحلو طاري الصيد واخويا الصياد شرواك
حقيقة كنت بانتظاره من فتره والحمد لله قضبناه!!!
وانا موجود لكن اذا تبي الصدق احس اني مجرم هارب عن العدالة تراك هبلت فيني الرفق بي ياخلف
تعدد الزوجات
السير حافي القدمين على اسلاك شائكة
القلب الخضر
قلب ممتلىء بحب الوطن <<<< بدري عليك تجيب رأسي
الحب من طرف واحد
جمره في مهب الرياح
الرسميه اكثر من اللازم
الجمود بقالب الغطرسة
حب الحياه
سر الوجود
الواقعيه
الصورة الحقيقية للإشياء
الصدق
منجاة
التملق
عملة مزيفة
لماذا انت مبتسم دائماً
لكي تسألني هذا السؤال
ابو وجهين!!!!!!!!!!!!
مغفل لايعرف ماذا يريد
مرورك واسئلتك وطلتك شاكرجدآ لك عليها

هلا وغلا بالشيخ يوسف
هلا وغلا بولد الطهيمي يالله حيووووه ؟ وووش علومك ؟ وين الدنيا بووووووووك؟
ومرورك شر ف لي وسعدت جدآ بمرورك
وعلى كثر ماسعدت به إلا إنني بعد إطلاعي على الاسئلة قلت والله السعة المباركة <<<< اية هين مابعد حشرك حشرة القط لجيري
وبعدين ياخوي انا ابن منيديل ولست ابن منديل
سؤالي / وش معنى كلمة ياربيييييي ؟
يعني لاحوووول ابك هذا وين جاني جعلها تجيه <<<<< وش ذا اللي تجيه والله ماادري

الثاني / قلت ( اولاه تكفى فكن ) هههههههههه سؤالي / من وين جتك هالهجة هل لك علاقة قوية بأحد هذه لهجته وأثر عليك ؟؟؟ عاد افهمها زي ماتفهماه .............؟؟ ولازم ترد بصراحة والا انا ابقول الصحيح هههههه
جبتها من لسان العرب ارجع لمعجم البلدان وتلقاها الله يصلحك وتابع حياة الطبيعة <<<< ابيها تشغلك عني لين تنتهي ضيافتي ههههههههه
ويإبو عبدالله شكلك كافشني بس فكني من شرك لان فيه ناس مايعرفون شيء ويمكن بس انت اللي تعرف ههههه
الثالث // حصل لك موقف وانت في طريقك من الاسياح الى بريدة وش السالفة قل كل شي بالتفاصيل ؟
ليش فية مواقف بطريق الاسياح ؟ مادريت الامنك يابو عبدالله تصدق <<<<<< عفوآ ان العضو المطلوب مايمديك عليه
الرابع ///
وش السر في الأتكيت عندك وجودة الهندام والاهتمام بشخصيتك مع انك ساكن في قريبة اللي يشوفك يقول ساكن في فندق صلاح الدين بالعلياء ذاك اليوم يوم قابلتك مجرد لمست يدك جلس عطرك بيدي اسبوع ؟؟
الأتكتيت :فن لايرأه إلا أصحاب العيون الجميلة مثل صاحب السؤال الرائع بكل شيء
اما الهندام فشكل الخياط خياط مزبوط يمني بس الوكاد ماهو بقشان
والقرى مصنع العباقرة والعظماء ومهد الرسالات أولم يبعث النبي صلى الله عليه وسلم بأم القرى
وبعدين من قالك ان فندق صلاح الدين بالعلياء انت الظاهر ان شمال الرياض كلها العلياء عندك ياعزيزي الفندق بحي صلاح الدين مقابل منزل
رفيق الحريري يرحمه الله وعلى فكرة فيه كوفي شوب عوائل قريب مرررره منه اذا جيت انت وام عبدالله انصحك تروح له لتجديد شهر العسل ونزل عيالك عند ابو فيصل منصور الطهيمي وخليه يتوهق هههههههه واسم الكوفي
(( شجرة الريف )) <<<<< ناوي اخسرك بس ترى جلساته راااايقه وهادئه
وسالفة العطر المركز هذا ياعزيزي كم تدفع عشان اقولك اسمه هههههههههههه والا ارسلي واسطة
الخامس /
انت ذويق وش افضل انواع العطور الرجالية ؟
شكرآ يالغالي وانت كلك ذوق وإليك العطور:
استي مياكي
آرمانيا
الشيخ
فور أيفر
شانل سبور
فرساتشي
وكل ذا العطور تكلفك تقريبآ 2300 ريال وانت الحكم ؟ ! ! !
السادس /
وش سر كملت ( اشيه اشيه ) لاتموت من الضحك هههههههه علمنا ؟
مالمسئول بإعلم من السائل وهي تعني اقول ابعد بس ابعد ولايكثر حسيك
الساابع /
لو جاء شخص وركب معك وقال ماني نازل وش تسوي فيه ؟ خخخخخ
انزل واتركه واواعده في المرور عشان نقل الملكية <<<<<< لإحد يسويها تراي امزح
الثامن /
انت على فضاء الشعر اذاً انت شاعر انا اقول اذا ماكتبت ابيات هذا دليل انك ماتقدر ابو بندر وخلف الفريد اللي طلبوا منك ؟ نكبه على كيفك ههههههههههه
قدرهم موجود وكلآ منهم عارف غلاته والعب بعيد وشف غيرها يابو عبدالله ومصيرك بيديني طايح وانا لست بشاعر ولكن
صاحب مشاعر ايها الشاعري بالخواطر
(( اريد منكم طلب ابو عبدالله يمدنا بالخواطر وحالآ))
الله يعطيك العافية هذي ماشاءلله بس هواء الإعصار ؟ ! ! ! الله يستر من الجاي وهذي مابدهاش حزام اسود
ماينفع معها الالجوء الى القبو في المجالس والله يعديها على خير ويجعلها رياحآ ولايجعله ريح
الشرف لي طال عمرك والاسم رائع جدآ وبصراحه اسم فني جميل واعتز به لإنه مهدى لي من شخص عزيز وكذلك محبوب للجميع
واذا تبي الصدق والله اعجبني الاسم
واسئلتك الوذبه والحلووووه اولآه اظنه تكفي وش رإيك ؟
شاكر وممنون مداخلتك

شكراً

عندليب المجالس

ابشرك تنازلت عنك لأنه تدخل في مو ضوع رفيقك ابو فيصل فزع لك فزعه والا كان علووووووووم

مشكور على العطور وبعدين رخيصات جداً خاصة اخر الشهر

الا عطر الشيخ وين احصله دائم اسمع له مدح خاصة عند اهل الذوق

اشكرك اخي العزيز ولا قصرت والله يوفقك لكل خير

اويلالالالالالالالاه