عضو تحت الاضواء

الشاعر مقبل بن نمران

الأخ / بندر نغيمش >>> الأخ عندي أفضل من المبدع والإستاذ والأديب مع إنك بسم الله عليك

تستاهلهن كلهن

يامرحبا بخوتك الي ترفع الراس..
ياشيخ والله انه انت الاستاذ والاديب ..
والشاعر والفنان ..
انت االانسان..
بااجمل صفاته الطيبه..
انني متابع لك وشاهد لك على الابداع الشامل..

ماشفت الموضوع يالبناخي إلا اليوم ومأدخل النت إلا بالعمل والعمل زحمه خبرك والعذر موصول للأقسام الاخرى غير الشعر الخاص

لأن البيت فصلوووه وأنتظر اللي يعطيك تذكره يرجعه لي هههههه

الموضوع ياخي ابتدابك..
وان بغيت خليته ينتهي بك..
انت العنوان وانت من يعلن الختام..
لكن الفريد وابو انس حضرو مجلسنا وماهم مفرقين مجالس ويامرحبا بهم..
بالنسبه للتلفون المفصول والتذكره .. انا قررت اني ماسافر مافيه احسن من السياحه الداخليه ههههههه

مالذي يستهويك من الشعر النبطي ؟ وليش ؟

الشعر التقليدي ( ياراكب من فوق . . . عديت في رجم . . . ذيب عوى تالي الليل <<< هذا الأخير أسمع به ولا عمري شفته إلا بقنوات السفاري هههههههههه )

أو شعر الفكرة المستحدثة والكلمة يسميه بعضهم الحداثة أو الشعر الحديث

طبعاً النوعين مقفى وموزون مأقصد التفعيلة <<< وأنت عارفة

والله الورطه .. والله اني معطي نفسي اجازه يومين من النت كله هروب من الرد عليك..
انا يوم اقول اطقطق يعني صدق اطقطق ههههههههه تعرف طقها والحقها - سيم سيم
انا اللي اعرفه اني احب القى الشعر هههههه
وخاصه الشعر النبطي احس الكلمات الحديثه والمستحدثه فيه تضيف - ملح وشطه وبهارات - للشعر وتخليني اكل القصيده وامضغها وامضغها وابلعها واتحداك اذا غصيت فيها .. طعمها ولذاذتها تضرب اشارات المخ .. اما على قولتك اذا فيها - ياونة ونيتها وذيب عوى ودق المهباج <<<< هذي الاخيره خاطمه غلط .. كاتب هالموضوع وهو صايم ههههههههه بالمره ماحبهم لانني اشعر وقتها بانني اعيش في حقبه زمنيه ماضيه واني برجع للبيت القى الكهرب طافي ماسددت الفاتوره وتعرفون عاد صايم .. يعني انواع الجفااااااف

سؤال في بيت شعري محتار بين إثنين من الشعار مدري من هو له >>> ؟ ؟

أبسألـك سـؤال واحـد والجـواب بكلمتيـن لا صار قدرك والهوى خصمين من توقف معه ؟

والله لاوقف مع الهوى اونشالله يطيرني بعد ..
شف انا مااحب الانسان اللي يرضخ للواقع .. ياخي بامكاننا ان نغير الواقع ونطمس ام الحقيقه بالقوه والعزم والاراده والشباب ههههه اما التقاعس والاستسلام للقوانين والقواعد والسير على خطى الاسبقون والرضوخ والخنوع للقدر فهو والله الضعف - بعينه وعلمه - فلنعلم ان الدعاء يرد القدر ..
فلنذهب جميعا مع الهوى ولنغير الاقدار فلا مستحيل في هذه الحياه والا اذن فلا جديد
<<<<< يبي يدهورهم

سؤال من التراث الذي لازلنا متمسكين به مع التعديل عشان ماتخاف

متى تجي للرياض وتقلط عند أخوك ؟ >>> مقبل بن نمران هههههههه

هههههههههههههه
بجي للرياض انشالله واتشرف بشوفتك وبلقائك والمحل محلي .. يخليك ربي
وهذا احلى ماتمسكنا به واحلى تراث .. الكرم عادتكم ياعيال راشد

هل تومن أو تتابع الشعر النسائي وما رايك به ؟

>>> هدء بالك الأسئلة كله من التخصص

الا مؤمن ونص وثلاثة ارباع وربعين ... كم الناتج ؟
وش دعوه ؟؟ الا البنات هم اكثر احساسا وذائقتهن الشعريه قويه ..
لكن اعيب عليهن الالقاء .. ياوحده ماتعرف تلقي ياوحده كنها في مسلسل بدوي !!

سؤال من الفصيح .!

أنام ملء عيوني عن شواردها ... ويسهر الخلق جرأها ويختصم

هل توافق على ذلك ؟ وتسلكه ؟

قالها المتنبي وهو معجب بفنه وشعره وادبه وهو يرى بنفس الامير وليس الشاعر ..
قالها واستحقها - وهذا البيت وافق المتنبي كما وافق شنٌ طبقه ...
فمن توافقه طبقته فليشن بذلك وليسلكه
هههههههههههههههههه


اخوي ابن نمران شكرا مره ثانيه لحضورك وتشريفك لي ..
اسئلتك مره مره معقده كما قلت في عميق التخصص
لكن اتمنى اني وفقت ولو قليلا باجاباتي

اولاً : اشكر اخي ابو العز على هذه البادرة الطيبه

ثانياً: أشكره مرة أخرى على حسن اختياره للضيف الاول

فأنت اخي بندر من خيرة شبابنا ادباً واخلاقاً وثقافةً ما شاء الله

وقد كنت كأخي ابو عزام متابعاً ومستمتعاً الى حد الارتواء ( ولن اقول الثماله) !!!

اشكركم جميعاً على لطافة الاسئله وجمال الاجابات وصراحتها وشفافيتها وشموليتها

وعلى هذه المشاركات والمداخلات التي اثرت الموضوع والمجالس على حد سواء!!

ولأنني من النوع الذي لايعيش الا في جو صحي ،فقد احتوتني هذه المساحه الصغيره واحتويتها

وتعلقت بها الى حد الهيام ، وما ذلك الا لأنها فسحة من الحريه !!

القناعات تترسخ والامزجه تختلف والافكار تتنوع والعقول تتفاوت والمسالك تتشعب وهذا ينطبق على

من يحب هذه المجالس ادارة واعضاءً ، ومثل هذه الباقه الجميله يجمع الشتات ويؤلف القلوب ويجعلنا

نرى بعضنا بعضاً ولو من ثقب الباب!!!!!!!!!!!!

واسمحوا لي ان اغتنم تواجدكم هنا - ولن ينفرد بها ابن منيديل - فاذكركم بأن مجلس الشعر الخاص

ليس حكراً على شعراء النبط من ابنائنا بل وشعراء العربية منهم ، لا تنظروا اليه شزراً او من برج عاجي

فلكل قبيلة شعرها وشعرائها

اكرر مرة اخرى انني أؤمن بحرية الاختيار والذوق والفكر وكل ماتعنيه كلمة (الحريه الشخصيه)

هذا كل ما لديّ !!

وأما اسئلتي فأتركها لأخي بندر فهو الاديب الحاذق ليلتقطها من بين ثنايا كلماتي!!!! وله حرية

البحث والاجابه او الترك!!

لكم حبي وبكم اعجابي جميعاُ

لاهنتم لاهنتم

اخوكم

العود ابو شومي

المتلطم على وجار ناره بالمجلس الخاص بانتظار ضيوفه ولسان حاله(يالله حيهم يالله حيهم ياهلا

المعلم خلف الفريد


اخي ومعلمي واستاذي ..
صديقي وزميلي وتاج راسي..
يعلم الله انني احبك فيه ..
ويعلم انني معجب بك ..
ويعلم الله ان امثالك قله..
والله انك فله .. فله .. فله ..

كلامك منير .. واسلوبك خطير..
عباراتك عاصفه .. ومواضيعك هادفه..
والهدف قلما تخطيه..
ماشالله عليك..

فقط كان لك في القلب ماوددت ان اقوله ..
وحسبي ان ماسبق من بعضه..

ان كلامك توجيه..
وتعبيرك مشوق..
وان اليمين تكاتفك وتوافقك وتساندك..
وان ماقلته قصيده ..
بل خاطره ومقال..
بل هو كلام العاقل الفطن المجرب الدارس..
ولو لا الاذواق لابارت السلع..
ولو كان الانسان يستطيع ..
ماانبرى الى مايستطيع..
وان النفس لامارة بالسؤ..
ولكن المجاهده من الايمان..
والتدارس خلق القرآن..
فلم يولد المرء عالما ولا متعلما..
وليس اخو علم كمن هو جاهل ..
فالعلم مكتسب والشرف منول..
فايماني بالتخصص فيه تعزيز..
والتشتت والتفرق تشـــريد..
والتركيز في الواحد يحفظ الاثنان..

ربما اكون اجبت ..
فمثلك يدرك ذلك..


اشكر مرور استاذي الجليل
خلف الفريد

ابوانس

بكل صراحة وعلى قلة دخولي على النت

أول ما أفتح على المجالس ( أتذكر هذا الموضوع واتحمس لمتابعته ) فشكرا لمقترحه المبدع المشرف أبو العز

ومن حنكة وفراسة أبو العز ومن أجل نجاح الموضوع تتويجه بهذه الشخصية الفكاهية الفكرية الأدبية (بندر النغيمش ) ما شاء الله

وبعدين أشوفني جتني حمية وأنا أطالع الموضوع واقرا الأسئلة والردود
واشوف بعض الاسئلة صعب ومعقد ( مثل أسئلة بعض المدرسين هههههههههه

لكن اسمعو يالربع خففوا على عمي القعدة لا تشدون عليه
وإلا تراي ابدور للي يعطي أسئلة حارة ، اسئلة مجمرة واقضعه فيها إذا جاه الدور

اجحدها ! دافعت عنك علم جدتي ههههههههه

هههههههههههههههههه

صراحة ////
إبدااااع متناهي من السائل والمجيب

لا تقطعون الفكرة وحنا معكم

هلا وغلا بابن الاخ العزيز والغالي
ابوانس..

شكرا لحضورك ..
واذا كان للمتعه زمن ..
فزمن نقاشك وحديثك..
انه لايمل ..
فايحبذا لو كان للوقت آخر ..
لكان معك ..

شكرا لااطلالتك..
وماعليك لاتوصي حريص ..
كل منهم بيجيله يوم..
هههههههههههههه

شكرا لك ياابو انس..

اشكر كل من شارك في هذا الحوار ..
اتمنى ان اكون وفقت في الاجابات..
سعدت بصحبتكم ..
اتمنى التوفيق للجميع ..


بعد اذن المشرف على مجلس الضيافه..

اغلق الموضوع..

والى عضو جديد تحت الاضواء ..